• TVB記招疑醜化姜濤 馮盈盈自認「姜糖」撲火捱轟 網民:收皮啦!世界女!

  • 發布日期:2021-03-27 17:45
  • TVB記招疑醜化姜濤 馮盈盈自認「姜糖」撲火捱轟 網民:收皮啦!世界女!

 

ViuTV的《全民造星》贏盡口碑,又成功捧紅姜濤,成為近年令香港粉絲瘋狂的偶像。眼見對手無論節目、劇集都來勢洶洶,TVB亦急召曾志偉及王祖藍回朝救亡,日前更舉行記招,介紹九大綜藝節目。記招上藝人鄧智堅以「薑蓉」身份出現,疑扮姜濤唱出《蒙著嘴說愛你》,又做出招牌「俾心」手勢。期間主持之一的馮盈盈在旁大叫:「你夠膽嚟踩場?打到你變薑蓉!」而阿Bob亦隨即助攻:「打佢!𡁻佢!」



事後一班「姜糖」認為有醜化偶像之嫌,更紛紛到鄧智堅fb洗版留言:「見到你個樣都感覺尷尬,肉酸!」、「識唔識咩叫尊重」,又嘲諷他是「暗星」。記招片段出街之後,惹來清一色負評,今日馮盈盈在Ig出post企圖撲火,首先她貼出和姜濤的合照,又上載自己睇騷時,一見姜濤出場就尖叫的片段,話自己真正身份是「追星族」。

馮盈盈更表示正在努力撲Mirror演唱會飛,寫道:「我一邊努力撲緊Mirror演唱會飛,一邊努力捍衛姜B喺我心目中嘅形象。嗰啲什麼姜蓉!?就算打扮得幾盞鬼,就算再向我姜B致敬,就算香港人再多幽默感,都接受唔到囉!今晚我實打多兩碗姜蓉撈飯食,咁先吞得落呢啖氣。冇咩事嘅話我出返去撲飛。」雖然馮盈盈自稱「姜糖」,努力撲火,但一班姜糖仍然唔收貨,繼續留言鬧爆:「收皮啦!世界女」、「笑完人,喺度扮冇事?」
日前藝人鄧智堅在TVB以「薑蓉」身份出現,疑扮姜濤做出招牌「俾心」手勢。
事後一班「姜糖」認為鄧智堅有醜化偶像之嫌,更紛紛到他fb洗版留言。
+4 主持之一的馮盈盈在Ig出post,貼出和姜濤的合照,自稱「姜糖」,企圖撲火。
日前藝人鄧智堅在TVB以「薑蓉」身份出現,疑扮姜濤做出招牌「俾心」手勢。
事後一班「姜糖」認為鄧智堅有醜化偶像之嫌,更紛紛到他fb洗版留言。
主持之一的馮盈盈在Ig出post,貼出和姜濤的合照,自稱「姜糖」,企圖撲火。
馮盈盈又上載自己睇Mirror 演唱時,瘋狂尖叫的片段。
馮盈盈表示正在努力撲Mirror演唱會飛。
「姜糖」唔收貨,繼續留言鬧爆馮盈盈:「收皮啦!世界女」

至於另一主持阿Bob,亦為事件出post公開道歉:「收到各位嘅意見,亦明白大家嘅感受。如果我嘅行為同言論令到任何人唔開心,我衷心同各位講聲唔好意思,對唔住。亦向姜濤同其他支持佢嘅朋友及粉絲表示,我為我一時衝口而出嘅不當說話令人有唔好嘅感受,感到十分抱歉,我亦會好好檢討我日後嘅言行。」面對呢場公關災難,阿Bob使出誠意,逐個負評留言回覆,以平息「姜糖」怒氣。
同樣是主持之一的阿Bob,亦為事件出post公開道歉,明顯較馮盈盈有誠意。
同樣是主持之一的阿Bob,亦為事件出post公開道歉,明顯較馮盈盈有誠意。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多