• 向緋聞女友連詩雅派定心丸 34歲陳家樂想結婚:希望可以快啲行呢一步

  • 發布日期:2021-04-01 00:01

 

不少男士視結婚為墳墓,抗拒婚姻生活,可以拖得就拖,甚至,寧願分手也不想結婚。

偏偏,34歲的靚仔陳家樂唔認同,「我覺得結婚應該係開心嘅,仲係對呢件事好有憧憬。」

18年,陳家樂與曾視為結婚對象的余香凝結束三年感情; 去年女方與圈外有米男友奉子成婚

之後,陳家樂與連詩雅傳緋聞,多次被拍到同車及夜訪女方香閨

對婚姻有憧憬,想盡快成家立室的陳家樂,被問到結婚對象可會是緋聞女友連詩雅,他即露尷尬笑容,沒有正面回答問題,不過,卻補了一句:「我都希望可以快啲行呢一步。」言下之意很明確,連詩雅,應該飲得杯落。

女人恨嫁聽得多,男人想早些結婚,真的很少有。

陳家樂曾經與余香凝拍拖。
陳家樂曾經與余香凝拍拖。
18年,陳家樂與曾視為結婚對象的余香凝結束三年感情。
18年,陳家樂與曾視為結婚對象的余香凝結束三年感情。
舊年,余香凝閃嫁有米圈外男友。
舊年,余香凝閃嫁有米圈外男友。
陳家樂與連詩雅拍TVB旅遊節目《12個夏天》互有好感。
陳家樂與連詩雅拍TVB旅遊節目《12個夏天》互有好感。
渴望一同成長

渴望一同成長

靚仔又事業開始起飛,現年34歲的陳家樂竟然想快些結婚,令人有點難以相信。「結婚就如自掘墳墓」這句說話,就如「男人的座右銘」,但陳家樂卻逆線而行,他說:「結婚係咪愛情墳墓,我唔認同嘅,我覺得結婚應該係開心嘅,仲係對呢件事好有憧憬。」

陳家樂直言期待婚姻,「期待有一個伴侶陪我行將來嘅路,可能我而家三十幾歲,假設我有六十歲命,咁都仲有二十幾年,我希望呢二十幾年有個人同我一齊,有共同理念同方向,一齊去行同成長。」任何一個女人,聽到一個男人咁講,一定開心到暈,何況這是外型殺食的陳家樂!
呢個動作,是陳家樂每次拍拖與女友必擺的招牌動作。
呢個動作,是陳家樂每次拍拖與女友必擺的招牌動作。
連詩雅與陳家樂這對俊男美女組合,看得令人很舒服。
連詩雅與陳家樂這對俊男美女組合,看得令人很舒服。
想有個承諾

想有個承諾

很多男人,三十歲前都沒有結婚的打算,當踏入三字頭,想法卻突然改變,「絕對係,三十歲前係無諗過會咁期待婚姻,因為小時候都會覺得其實無咩所謂,結唔結婚都得,覺得結咗婚又唔一定有好結果,唔結都得吖,覺得幾開心,自由自在。但唔知點解,可能年紀開始長大,已經三十歲,係會好期待有一個咁樣嘅人出現,令我好有衝動選擇結婚。」

陳家樂身邊有不少同齡的男性朋友已婚,「我啲朋友當中有成功,亦有婚姻失敗,但佢哋唔會好影響到我對婚姻嘅睇法。我諗都係長大後睇嘅嘢多咗,或者好期待有一個咁樣嘅人,當你期待呢個人嘅時候,就會好想將自己一切都畀晒對方,我嘅一生都希望同佢一齊行,想有個承諾。」
很多男人,三十歲前都沒有結婚的打算,當踏入三字頭,想法卻突然改變,陳家樂亦一樣。
很多男人,三十歲前都沒有結婚的打算,當踏入三字頭,想法卻突然改變,陳家樂亦一樣。
曾被舊愛背叛
曾被舊愛背叛
與拍拖三年的余香凝分手,陳家樂當時很傷心,曾視為結婚對象的人,竟背住他愛上另一個人 ,之後,女方更奉子成婚 。幸好,陳家樂很快遇上連詩雅。

一直沒有公開承認與連詩雅的戀情,不過,次次被問及連詩雅時,陳家樂總會不自禁露出甜絲絲的笑容,連詩雅可會是結婚對象?他一臉尷尬,說:「呢個問題唔討論住。不過我都希望可以快啲行呢一步,本身都想嘅。」這個答案,對連詩雅來說,應該是一粒定心丸。
與陳家樂分手後,余香凝奉子成婚。
與陳家樂分手後,余香凝奉子成婚。
一直沒有公開承認與連詩雅的戀情,不過,次次被問及連詩雅時,陳家樂總會不自禁露出甜絲絲的笑容。
一直沒有公開承認與連詩雅的戀情,不過,次次被問及連詩雅時,陳家樂總會不自禁露出甜絲絲的笑容。
受嫲嫲爺爺幸福婚姻影響
受嫲嫲爺爺幸福婚姻影響
自小便與嫲嫲同住的陳家樂,坦言對婚姻的渴望與嫲嫲爺爺有關,他說:「我知道衛詩雅經常話好驚結婚,佢話因為好驚鬧交,好驚對住一世經常會嘈交。我小時候睇住嫲嫲爺爺,佢兩個都係狗咬狗骨,經常鬧交,但我哋旁人睇到會覺得佢哋耍花槍,其實好甜蜜,例如會話『死老嘢,你快啲去死啦!』,但到阿爺真係走咗嘅時候,嫲嫲又真係好唔開心,有時候鬧交都係一種情趣。」
婚姻不應夾雜計算
婚姻不應夾雜計算 陳家樂認為婚姻其實是一件很簡單的事,不應想得過份複雜。

「如果太複雜,覺得有好多嘢要諗、要計算,然後先至決定係咪結婚,咁樣會影響婚姻最原始宗旨,就係要同對方相愛,好相信對方可以同你行落去。以前嘅人更加唔會識得諗呢個問題,唔會諗結婚要有首期買樓,而家會多咗好多呢種計算,我希望自己唔好因為呢啲問題而改變初衷。」

好多男人都會認為,不應該太快為一棵樹放棄一個森林,有得揀應該揀到最後一刻,陳家樂卻想同一眾男士講:「其實只係一個好有自信嘅想法,或者亦可以向另一個方向諗,就係你嘅伴侶同樣為咗你呢一棵樹,而放棄整個森林,所以唔應該咁樣諗,大家都係互相放棄一啲事情,去令關係變得更好。」
自言期待結婚的陳家樂,想將自己一切給予對方,一生都希望跟她同行,想對她有個承諾。
自言期待結婚的陳家樂,想將自己一切給予對方,一生都希望跟她同行,想對她有個承諾。
香港男士無路可走
香港男士無路可走 陳家樂是電影《不日成婚》的男主角, 戲中演阿佳的他,是個很怕結婚的男人。戲內,阿佳身邊有兩位兄弟,會各自為大家遇到的問題拆彈,現實生活中,陳家樂身邊可會有類似的兄弟?

「當然一定有啦,男人之間嘅所有秘密,導演都拍晒出嚟,我哋而家已經無路走,例如嗰啲暗號、大家互相包庇去呃對方女朋友又好,屋企人又好,嗰啲招數真係喺畫面上呈現晒出嚟,我唔知香港男仔嚟緊仲可以用咩招。」他笑說。

平時斯斯文文的陳家樂,首次演喜劇,這是他的一大挑戰,他說:「因為我對自己演喜劇,其實經驗可以話係零,只係得好少經驗。亦好擔心自己究竟有冇嗰種喜劇節奏,嗰份幽默感,最初都好擔心。但導演同我講,畀我好多信心,話覺得我好適合角色,同埋只要我肯相信佢,跟住佢去做,就會令我做到佢認為好笑嘅阿佳。」

電影中有很多金句,其中一句是「男人年紀愈大,愈不清楚自己想要些甚麼」,陳家樂希望各位男士可以清楚自己想要甚麼,那便可以給身邊另一半幸福。

採訪及撰文:肥A

攝錄:曾惠衛

Makeup: Khaki Yan

Hair: Kenrick Siu

Wardrobe: Ports V

Venue: 土生花 Soil to Soul @K11 MUSE
 陳家樂是電影《不日成婚》的男主角,戲中演阿佳的他,是個很怕結婚的男人。
陳家樂是電影《不日成婚》的男主角,戲中演阿佳的他,是個很怕結婚的男人。
 戲內,陳家樂身邊有兩位兄弟,會各自為大家遇到的問題拆彈,現實生活中一樣有。
戲內,陳家樂身邊有兩位兄弟,會各自為大家遇到的問題拆彈,現實生活中一樣有。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多