• 傳李佳芯6折接job挽救人氣 同陳炳銓「分居」8個月終認分手: 呢刻單身

  • 發布日期:2021-03-28 00:01

 

38歲的李佳芯與拍拖6年的男友陳炳銓,一直發展穩定,原本已經踏入同居階段。但早前卻被《壹仔》發現,上年8 月,Ali已秘密搬出同陳炳銓位於西貢的愛巢。當時正在拍攝劇集《智能愛人》的Ali,就解釋話因為拍劇需要,所以要搬出市區。 不過,而家事隔8個多月,劇集早已煞科,但上周,《壹仔》發現Ali依然住在位於紅磡的服務式住宅。



由同居變分居!日前Ali亦終於承認同陳炳銓感情出現問題,更直認:「而家呢刻單身,搵緊一個令大家舒服嘅方式相處同成長」。唔止將男友「降呢」做朋友,連同他們所養的狗仔「豆鼓」都劃清界線,Ali表示:「狗仔係屬於佢,晶片都係寫佢名,當初係佢鍾意先養。」突然分得咁清,相信6年情,再冇轉彎餘地。

割價接job

割價接job

前年疑因為政治取態,被TVB雪藏的李佳芯,停工足足一年,上年年尾終於解凍。復出第一炮就是拍攝新劇《智能愛人》。有傳Ali今次翻生條件,是向公司承諾以後會謹言慎行,唔會再牽涉敏感話題。 在Ig有過百萬粉絲的Ali,一向深受廣告客戶歡迎。但受肺炎疫情影響,唔少商演要取消或者延期。加上一班新晉姐仔,好似馮盈盈、江嘉敏等等,都以抵用價接job,相當大競爭。有傳貴為阿姐級的Ali,為了爭取更多工作機會,竟然肯自降身價,六折接job 。
38歲的李佳芯終於承認同與拍拖6年的男友陳炳銓分手,二人更由同居變分居。
38歲的李佳芯終於承認同與拍拖6年的男友陳炳銓分手,二人更由同居變分居。
李佳芯唔止將男友「降呢」做朋友,連同他們所養的狗仔「豆鼓」都劃清界線,表示狗仔是屬於陳炳銓。
李佳芯唔止將男友「降呢」做朋友,連同他們所養的狗仔「豆鼓」都劃清界線,表示狗仔是屬於陳炳銓。
前年疑因為政治取態,被TVB雪藏的李佳芯,上年年尾終於解凍,復出第一炮就是拍攝新劇《智能愛人》。
前年疑因為政治取態,被TVB雪藏的李佳芯,上年年尾終於解凍,復出第一炮就是拍攝新劇《智能愛人》。
各有各生活

各有各生活

事業有返起色,19年拍攝的劇集《愛美麗狂想曲》,最近剛剛出街,劇中Ali飾演失婚婦王麗美,揭發結婚多年的老公出軌。現實生活中,Ali亦同拍拖6年的陳炳銓,正式劃上句號。早排Ali開完工,離開電視城時,一班忠實粉絲一早已經在門口守候,Ali都好識做,逐個影合照。期間更不停擺女神pose,任影唔嬲。收工之後,Ali就直接返回位於紅磡的service apartment。另一邊廂,之前一直死口唔肯認分手的陳炳銓。日前相約一位男性朋友在西貢出現,買園藝用品。以往同Ali一齊夾份租住西貢價值過千萬獨立屋,經常被拍得二人孖公仔買餸、撐枱腳,十足十老夫老妻。但現在陳炳銓買園藝用品,裝修屋企花園,都只能搵朋友陪伴。
劇集《愛美麗狂想曲》最近出街,劇中Ali飾演失婚婦王麗美,揭發結婚多年的老公出軌。
劇集《愛美麗狂想曲》最近出街,劇中Ali飾演失婚婦王麗美,揭發結婚多年的老公出軌。
早排Ali收工後,一班忠實粉絲在門口守候,Ali都好識做,逐個影合照。
早排Ali收工後,一班忠實粉絲在門口守候,Ali都好識做,逐個影合照。
期間Ali不停擺女神pose,任影唔嬲。
期間Ali不停擺女神pose,任影唔嬲。
當手Ali直接返回位於紅磡的service apartment。
當手Ali直接返回位於紅磡的service apartment。
女尊男卑
女尊男卑
李佳芯自12 年加入TVB之後,火速上位,成為一線花旦,18年,更憑住《BB來了》封視后。相反,陳炳銓加入Viu tv之後,事業一直未有起色,兩人更經常被指收入懸殊,女尊男卑。但李佳芯曾經表示,自己同男友有共同嗜好,又鍾意簡單生活,最緊要是男友能給予安全感,更大讚男友是才華的潛力股。當外界以為他們打風都打唔甩,可惜最後都是分手收場。
李佳芯自12年加入TVB後,火速成為一線花旦,18年,更憑住《BB來了》封視后。
李佳芯自12年加入TVB後,火速成為一線花旦,18年,更憑住《BB來了》封視后。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多