• 禁忌之林|中國人很硬 膠都費事畀|林忌

  • 發布日期:2021-03-26 13:45
  • 禁忌之林|中國人很硬 膠都費事畀|林忌

 

「新疆棉花軟!中國人很硬!」

『係呀,很硬膠呀嘛,學人燒Nike燒H&M衫喎,學下葉劉啦!連買疑似50萬嘅A貨Hermès,都好似好正義咁,呢啲先係高手呀!買對絕版Nike來燒喎,真係硬膠個硬啦!』

「又係喎,咁我哋係咪要搵Like當Nike,搵『新把卵』當係New Balance?仲有搵 MK Tommy 當係 Tommy Hilfiger呢?」

『MK Tommy係黃嘅,今次仲捉你唔到?你咪勾結外國勢力呀,一陣人哋全國封殺你,話你「吃中國飯、砸中國鍋」,就屎都冇得你食呀!餓死你呀!』

「其實老老實實,我到而家都唔知發生咩事,做咩成班跨國企業,又話拒用新疆棉花,明明都出聲明寫咗成年,家下成年後來返舊帳,話要全國杯葛,又燒衫又燒鞋,其實發生咩事呀?」

『問題咪係各國都指控,話新疆嘅「再教育營」,被指控係集中營,係捉晒班維吾爾族人閉關,然後再「強迫勞動」,而以外國標準,甚至認為呢種行為,已經足以稱為「種族滅絕」囉!嗱,外國咁講咋,我引述咋,唔代表我同意呀,一陣同意又話你違反國安法,小心啲呀!』

「係係係,我完全明白,絕對係個別人士,別有用心,造謠生事;我哋必須要相信中國,向外國說不!我哋要強烈譴責!新疆人民好快樂!新疆人民好自由!新疆人民絕對唔會移民!佢哋活在天國一樣嘅世界!」

『小心啲講嘢呀,咩天國呀?一陣唔係話你鼓吹迷信,就話你諷刺佢哋殺人呀!知唔知?至於中國有冇強迫勞工?我點知呀?又話歡迎外國人去睇,但係咩「外國人」先入得到去先?然後土耳其又一堆維族人流亡,甚至在其他歐美國家,都出現指控,話中國政府要移咗民嘅維族人「回國」,否則就會對佢哋家人不利咁講!嗱,總之我哋就必須相信政府,正如減少直選議席,係「完善」立法會選舉制度;明冇?』

「之但連大陸網友都喺度笑,話官方鼓吹杯葛,轉頭望下App,成版都係瘋狂炒Nike鞋,究竟係咪真係杯葛架?定係口裏說不,身體最誠實?得個吹字?」

『哎呀,美國佬而家最惡呀,打Nike都係講下就算好,係都搞下H&M,瑞典呢啲「小國」好蝦啲呀嘛!要畫公仔畫出腸,就無謂啦!』

「哎呀,但係好似陳奕迅都要解約,唔再代表 Adidas,咩『堅決控制污名化中國』呀,唔係德國公司咩?咁樣踩德國台,唔怕成個歐盟彈起呀?」

『你最愛是棉花吧~收聲只因我很怕~掟木頭掟石頭的話~得到注意嗎?』

「其實怕被嫌棄 至放大來演吧 很不安 梗會吹下」

『世上還繼續沉默嗎?』

「驚到爆炸 新疆有話題」

『賣阿媽 做大娛樂家』

…………………

「悅共能治肚餓 如曾跪低過便知我為何」

『共動作很多 犯下這些錯』

「搏人們怕了我 算病態麼?」

…………………….

「你叫我做人渣吧 加幾聲噓聲也不怕」

『我賤人 佢賤人的話 表演你看嗎?夠歇斯底里嗎?』

「以眼淚淋花吧 樣衰只想你驚訝 我舊時似未曾賣花」

『衰到爆炸 伊神也現形 話我知 集近瓶在誇~啦~啦~』

……………..

「無視我 就要只看天花 我非你堆棉」

『也可盡情地咒罵 別遺忘有人在 唬叫媽媽』

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多