• 36歲衛詩雅差點被求婚:我覺得好驚,因為咁樣而提早分手︱單身4年無悔逃情

  • 發布日期:2021-03-30 00:01

 

相信大家身邊,總有一些年過30,想拍拖但無拖拍,又或者拍緊拖想結婚但男友未求婚的女性朋友。

好多人做事好有主見,知道自己想要甚麼,但面對感情,好易變成「零智商」,衛詩雅卻不在此限。

1984年11月24日出世,現年36歲,單身。

試過差點被求婚,也試過獨身四年,她對婚姻有自己的看法。

 對於結婚,衛詩雅表示現階段並不急於結婚。
對於結婚,衛詩雅表示現階段並不急於結婚。
不敢結婚

不敢結婚

36歲衛詩雅keep得好,絕非「剩女」,實在唔憂嫁。

「呢一刻嘅我係好唔想結婚,應該話我唔敢結婚,因為而家要我搵一個好肯定一世都會鍾意佢,或者相處到嘅人,我覺得好困難,未有咁好彩可以咁快遇到。」真命天子,好似中六合彩一樣,咁難!
衛詩雅透露曾經差點被求婚。
衛詩雅透露曾經差點被求婚。
不敢玩交友軟件

不敢玩交友軟件

以衛詩雅的條件,應該不乏多裙下之臣,偏偏因為職業關係,識男仔的機會卻比圈外人少。

「喺娛樂圈可以搵男友嘅機會細咗好多,例如大家搵男朋友,身邊嘅人可以用Tinder、Coffee meet bagels呢啲交友軟件,任何人都可以隨時下載使用,但我哋無可能,所以範圍細好多。」她慨嘆。

好多女仔都會想在30歲前結婚,衛詩雅坦言:「確實30歲之前,有一段時間會突然間好想結婚,我諗係因為好想有一個倚靠,因為不斷向前衝會好攰,好想挨一挨,有個人喺身邊。但而家唔知係咪過咗嗰段時間,我覺得好似自己都應付到,唔需要真係有個人俾你挨住。所以而家嘅我又唔係好想結婚,即係唔會好急話一定要結。」
不婚即分
不婚即分
入行以來,衛詩雅幾乎沒有緋聞,以往拍拖的經驗,一隻手掌數得晒,但尚未遇到想共度一生的人。

「我無試過向其他人逼婚,我諗自己未至於遇到一個好想逼佢同我一齊嘅人。但我試過爭啲俾人求婚,然後我就覺得好驚。」

因為唔想結婚,最後變成分手收場,她說:「當知道對方好想結婚嘅時候,你就會知道自己係咪咁愛佢,因為原來行到呢一步,如果你係唔愛佢就會想逃避,我覺得就係因為咁樣而提早咗分手。」

作為獨立女性,衛詩雅想對其他女生講:「呢個世界好多人喺你身邊,有好多聲音話畀你聽,你應該點樣做,唔應該點樣做。但你有冇真正諗過,其實自己想點?最緊要知道自己想要咩嘢,唔係其他人話畀你聽,你需要啲咩嘢。」就如電影《不日成婚》內其中一句金句,「女人的真正出口不一定是要結婚,最重要的是,知道自己需要的是什麼,和想做的是甚麼。」
 《不日成婚》一片,衛詩雅首次擔任策劃一職。
《不日成婚》一片,衛詩雅首次擔任策劃一職。
在《不日成婚》中,衛詩雅飾演一個想結婚的女人,與現實很不同。
在《不日成婚》中,衛詩雅飾演一個想結婚的女人,與現實很不同。
首次任策劃
首次任策劃
衛詩雅除了是《不日成婚》的女主角,亦是電影策劃,多了一個演員以外的身份,「分飾」兩角實在不易,「因為同一時間我係演員身份,拍戲時有好多事情會好容易令我分心,而家會一邊睇劇本,一邊會留意係咪發生咩嘢問題要解決呢?」

拍《不日成婚》的時候正是疫情期,衛詩雅坦言每一日都會留意有幾多人感染,幾時需要停機,她說:「有冇劇組人員唔舒服,會有呢啲大問題,要咁樣分心,對我嚟講係最困難。」試過做策劃後,衛詩雅直言還是專心當演員,因為演戲才是她最喜歡的事。
五年前已收劇本
五年前已收劇本 原來,衛詩雅於幾年前便收到此片的劇本,導演兼編劇陳茂賢找她演女主角,「當時已經埋班,只係相差幾日就開機,前期工作已經做晒,甚至影晒劇照。突然間因為某啲原因套戲開唔成。」

當時衛詩雅很失望,因她覺得劇本寫得很好,開拍不成很可惜;事隔五年,衛詩雅碰到陳茂賢,膽粗粗問對方《不日成婚》的劇本是否仍在,可否再給她看多一次,「我問吓公司願唔願意投資,然後就促成咗呢件事。我變成中間一個角色,幫佢哋交涉,例如一齊諗演員角色,因為所有演員已經唔同晒,一齊傾吓可以用邊個演員,傾吓有咩工作人員可以用,同埋應該點樣做宣傳,最後就形成咗我策劃呢個職位。」

衛詩雅很感謝導演,事關他發掘到一個十多年來,從來未有人見過的衛詩雅出來,「好多人睇完都覺得,原來有一個咁樣嘅我。」
跳鋼管舞的心理關口
跳鋼管舞的心理關口 電影中,最令人一看難忘的鏡頭,一定是衛詩雅破格超性感跳鋼管舞,「我諗係一種信任,因為我好信任導演會點樣剪,即使第一次見到套衫,嗰條褲嘅布咁少,我都好信任,我諗係建基於信任之上。」

衛詩雅笑言,學習跳鋼管舞的時候,正是她去日本滑雪跌斷腳後的事,所以,對她來說,心理關口並不在於套衫有幾性感,而是擔心隻腳會再斷多一次。

「學習跳舞之前嗰兩日,我先至唔使用枴杖,嘗試唔用任何工具行路。其實醫生叫我真係痛的話就唔好搏,但我真係好唔想用替身。到最後醫生話如果真係要做都只係會比較痛,但唔會再斷番,即係佢應承我唔會再斷,所以我就咁樣去練習同跳舞。」

最後,衛詩雅想與大家分享幾句電影中最打動她說話,「每次睇到嗰一段都會眼紅紅,因為喺戲中嘅我,同好多女仔都一樣,為咗對方開心而付出好多,無諗過自己係咪開心嘅人,然後婆婆同我講咗一句,你媽媽生你出嚟,唔係想你令其他人開心,而係想你自己開心。我希望全部人睇完呢套戲,都可以領略到呢句說話。同埋如果屋企人經常見到你咁樣為情受傷,其實佢哋都好傷心,首先要自己開心,先可以令其他人開心。」

採訪及撰文:肥A

攝錄:曾惠衛

Makeup:Miko Wong ( Cyrus Lee Team)

Hair: Dennis Tsui@Indulgence

Wardrobe: PENNYBLACK

Venue:土生花 Soil to Soul @K11 MUSE
 衛詩雅為了跳鋼管舞下了很多苦功。
衛詩雅為了跳鋼管舞下了很多苦功。
 衛詩雅笑言,跳鋼管舞的最大心理關口是怕腳再斷多一次。
衛詩雅笑言,跳鋼管舞的最大心理關口是怕腳再斷多一次。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多