• 傑少煮意|沙爹牛肉三文治 (蔡一傑)

  • 發布日期:2021-03-26 14:00

 

沙嗲牛肉絕對係港式茶餐廳經典之一,但可惜出街食通常份量少,好唔夠喉,今集《傑少煮意》蔡一傑就教你自製沙爹牛肉三文治,毋須假手於人!

一講到呢個三文治,傑少今次相當興奮:「真係超級無敵好食,新鮮牛肉配美味洋蔥已經好好食,仲要加埋沙嗲,係超級無敵咁好食。再配埋一啲沙律菜和蕃茄,加一杯熱奶茶,新鮮熱辣又美味,你話喺邊度搵啦!真係超級無敵好食到唔信,自己試吓做好容易嘅啫!」



炮製沙嗲牛肉其實好簡單,只需把牛肉略醃,讓肉質吸飽水分,落鑊時猛火快炒至半熟,就可以自家製到一道港式風味,新鮮熱辣又美味,直程好食過茶餐廳,聽佢詳細講解烹飪過程,去片啦!



做法: 將牛肉逆紋切薄片,然後用調味料醃製(糖、胡椒粉、豆粉、豉油、麻油),再逐小加入水份醃製15至20分鐘; 半個洋蔥切絲,用少許油炒至透身後拎起,不用洗鑊,馬上將牛肉快速炒至六、七成熟; 熄火放一湯匙沙嗲醬,用餘溫把牛肉和醬混合在一起; 多士烤一下搽上牛油,然後將炒好嘅牛肉洋蔥放入多士來切成對邊,馬上就可以享用㗎啦!

《傑少煮意》 https://www.youtube.com/watch?v=YZDaudA-9Zw&t=8s

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多