• 壹週和你股|小米「big news」,雷聲大雨點小|譚朗蔚

  • 發布日期:2021-03-22 15:18
  • 壹週和你股|小米「big news」,雷聲大雨點小|譚朗蔚

 

上個星期同大家講,聯儲局宣布唔加息、唔收水之後,仲有一條尾巴要兼顧,就是「補充槓桿比率」(SLR)。這個原預期在3月31日屆滿的寬限情況,假如得不到延長的話,商業銀行可能有需要沽債來填補兩萬億美元的資金缺口,因而觸發債息再升。結果是:聯儲局意外決定唔延長相關的寬限,但是市場的反應相對冷靜。及至今日亞洲時段,十年期債息回落到1.68厘樓下,市況初步喘穩。

科技股跌定了,現價值得吸納,博跌浪反彈——以上的操作,我至今依然堅信不疑。不過,我亦再三強調過了:由於大部分股份的強勢已經盡失,多頭不再,因此,最多只是用ETF(7226),胡亂撈底任何個股都不適宜。不是嗎?微盟(2013)、舜宇(2382)等等,在業績後都跌鑊金!因此,近日keep住有人問買唔買騰訊控股(700)、小米(1810)博炒業績的時候我都話:最好就咪搞喇。

股份強勢的時候炒業績,升的可能性會高,我就當是錦上添花。股份弱勢的時候炒業績,化腐朽為神奇的可能性就低了,唔升猶自可,急跌就好大鑊。只是這幾隻股份裡頭有一隻叫小米,是值得關注多少少的。雷軍在週末預告今早十點有「big news」,結果出左張爛鬼海報話星期有發布會。哈哈,呢條蛋散雷聲大雨點小,真係狼來了,下次想搵人信佢都難。Anyway,股份自美國的禁令解開後轉強,有貨的話繼續揸,睇29蚊,止蝕24,未買的話可以一試。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多