• 我哋呢班打工仔|Son姐張慧敏專欄

  • 發布日期:2021-03-22 17:30
  • 我哋呢班打工仔|Son姐張慧敏專欄

 

「我哋呢班打工仔

通街走糴直頭係壞腸胃

搵嗰些少到月底點夠使(奀過鬼)

波士郁啲嘀發威(癲過雞)

一味喺處係唔係亂嚟吠

翳親加薪塊面嗱起惡睇(扭吓計)

你就認真開胃」

以上是 1976 年電影《半斤八両》的主題曲歌詞。三十五年前的打工仔境況與今日,時代已經以幾何級進步,科技亦以光速發展,何解只有我們打工仔的日子依舊?

剛剛周日,我在 Facebook 分享了《果籽》2018 年的一個講述香港打工仔的 post,都係嗰句:識得睇永遠都是睇留言。

《果籽》facebook 專頁 2018 年帖文圖片
《果籽》facebook 專頁 2018 年帖文圖片

我可愛的讀者讀畢原帖內容後,再加上了以下幾點:


• 要帶埋老母返工


• 人工包埋俾老闆出氣


• 一日到黑話辭職唔做嘅人,一日到黑都好勤力繼續做


•冇嘢可以阻止到香港人返工


•冇午膳時間,問你食夠未、要食幾耐、唔使做呀?


•風雨不改,記得準時開 Laptop 返工


•No pay leave 唔係 on leave,係 No Pay Work From Home

睇到呢度,大家係同聲一哭,抑或欲哭無淚?

打工仔要搵食為口奔馳,幾時都係最現實的。老闆是否出錢請人就大晒?以前係,現在部份係、部份唔係,未來肯定唔係!

打工仔要搵食,不再只能依靠一份工、靠一個老闆,做 slasher/freelancer 可以同時間做幾份工、接幾個project,加加埋埋比靠一份工出糧更多!為了一份所謂收入穩定的工作,太多打工仔死忍難忍,結果經濟、行業、環境有甚麼風吹草動時,公司老闆要手起刀落,裁員根本唔使擇日子!忍讓得毫無價值,犧牲得毫無意義。要適應新工種、新環境,要重新振作開始,談何容易?

以前常說「金飯碗」,政府部門或大機構的一份工可以做到退休,如今已不存在很久了。只不過不管我這些年來,如何大聲疾呼,都永遠無法叫得醒裝睡的人。痴戀在從來都未曾舒適過的舒適圈,親手絕自己後路的人,我見過太多。

至於老闆,出糧請人是事實,但出錢只能買得到肉體,買不到靈魂。老闆最渴望得到的忠誠、投入、創造力、拼勁幹勁……Sorry囉,通通用錢買唔到!用昔日的思維,只能請到同樣迂腐、返工只為人工的員工。莫講有沒有本事留得住人才,而從根本就請不到!

今時今日創業門檻及要求愈來愈低,未來亦然。愈來愈多有創意、有野心、有本事的年青人選擇創業時,作為老闆、企業話事人如何吸引招聘、留住人才,以配合公司未來發展,就是企業能否過渡未來的關鍵。

緊抱昔日的光環,就只能懷緬昔日光榮。唔想咁樣?就要有勇氣為自己踏出去!打工仔如是,老闆一樣如是,求財求才,同樣若渴,理應同一陣線,何解勢不兩立,壁壘分明?
作者簡介:

作者簡介:

張慧敏 (Alison),人稱 Son姐,從「獵頭女王」成功轉型成為商企顧問公司CEO,由始至終的專業是憑一對慧眼看盡職場大小疑難雜症。正職是一對兒女的母親,從自身挫折和經驗悟出教養之道,不外乎以身作則。

個人Facebook 專頁
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多