• 陪摸陪玩陪瞓 Gin Lee揀男友要過貓咪個關

  • 發布日期:2021-03-22 15:42
  • 陪摸陪玩陪瞓 Gin Lee揀男友要過貓咪個關

 

Gin Lee 李幸倪日前參與「香港拯救貓狗協會」項目拍攝廣告,宣揚「領養不棄養」信息,今次Gin Lee自願做「配角」,被廣告中的小貓搶盡風頭。

廣告中貓貓成為「主子」,李幸倪要使出渾身解數討好愛貓,令對方選中自己做主人。Gin Lee就話自己做慣「奴才」,逗貓完全沒難度:「屋企都有位主子『杏仁糊』,平時放假都要剷便便、梳毛一腳踢,開完餐又要陪摸、陪玩、陪瞓,聽到佢『煲水聲』就係最大嘅回報。今次拍呢輯廣告,可以為貓咪出一分力,仲可以同貓貓一齊玩,不過我怕收工返到屋企,比佢聞到我摸過第二啲貓會呷醋嬲咗我。」

拍攝期間貓貓非常「滿意」Gin Lee表現,不時「挨挨凭凭」任摸唔嬲,她說自己與貓融為一體,笑言係「貓星人」:「可能我前世都係貓貓,要氹貓完全冇難度!其實寵物同主人都係由信任建立關係,喺我屋企貓貓地位好高,以前試過有啲男仔想追我,但係過唔到屋企位主子呢一關,所以都冇一齊到。因為貓嘅觀感好強、好單純,佢地好易睇得出呢個係好人定壞人,所以要做我屋企人,要過貓貓呢關先得。」

Gin Lee穿上貓貓Tee後,散發清春活力氣息,片場貓貓上身「冇時停」,更使出零食攻勢「俘虜」對方:「我唔帶自己嘅貓貓嚟拍廣告,因為呢兩隻貓可以比大家領養,等佢地多啲曝光,比人見到佢地可愛嘅一面!今日拍完之後我地Friend咗,幫佢影咗好多『寫真』Send比朋友,睇吓邊個合眼緣做佢地嘅新主人,媒人呢個重任就交比我啦!」

Gin Lee就話自己做慣「奴才」,放假會陪摸陪玩陪瞓。
Gin Lee就話自己做慣「奴才」,放假會陪摸陪玩陪瞓。
要做Gin Lee男朋友,要過愛貓個關先得。
要做Gin Lee男朋友,要過愛貓個關先得。
Gin Lee拍攝廣告宣揚「領養不棄養」信息。
Gin Lee拍攝廣告宣揚「領養不棄養」信息。
Gin Lee笑言自己與貓融為一體,係「貓星人」。
Gin Lee笑言自己與貓融為一體,係「貓星人」。

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多