• 壹週和你股|外脆內軟、香甜幼滑的金沙|譚朗蔚

  • 發布日期:2021-03-17 14:53
  • 壹週和你股|外脆內軟、香甜幼滑的金沙|譚朗蔚

 


大市這兩日好鬼悶,以前1600億半日市係新常態,近日落到1000億都嫌少了,昨日開始仲得800億。不禁令人懷疑,到底係咪風暴前的寧靜?所講的「風暴」,當然是指聯儲局的議息。近日市場最關注的莫過於債息,而只有鮑威爾好好穩住市場的信心,落實不加息、不收水了,大市和科技股至有望穩彈。

今日同大家講講濠賭股,印象中無响度講過。當大家博科技股反彈博到如火如荼的同時(即係唔係叫你唔博,但係組合都可以兩條腿走路加嘛)你會發現:博來博去都好似未郁咁,正常丫,跌浪反彈嘛,係步步為艱架喇!相比起均線多頭,板塊普漲的賭業股來說,後者真是易賺好多,求其買隻龍頭就係喇!

銀娛(27)持續挑戰歷史的新高,同樣是龍頭,金沙(1928)距離頂位68蚊足有七成的水位。而且,金沙在早前出售了拉斯維加斯的資產,擺明向中方獻媚,配合目前的賭牌有望順勢延續,外地遊客的檢疫措施又得以解除,幾個因素配合肯定有得炒。因此在現價買入,目標睇45蚊,跌穿36蚊的話止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多