• 壞壞時代 好好拍電影 好好做個香港人︱吾港戲(尹學仁)

  • 發布日期:2021-03-16 14:54
  • 壞壞時代 好好拍電影 好好做個香港人︱吾港戲(尹學仁)

 

已經連續兩個星期講台灣戲,好應該回歸本欄宗旨,講講香港本地電影。今個周末推薦大家睇紀錄片《好好拍電影》,已經第二周上映。

本欄第一篇文已經叫大家去睇紀錄片,今次再推薦紀錄片,正正因為知道一般觀眾都會怕入戲院睇紀錄片,覺得悶(返到屋企睇《國家地理頻道》又好地地,覺得理所當然),尹某正正想打破大家刻板印象。

其實商業紀錄片,都同劇情片一樣,都要講起承轉合,都有故事線要跟,都有轉折位,都有高潮位,即使香港電台電視部拍紀錄片,其實都有起承轉合,只不過你未有仔細留意。

大部份紀錄片都有一個人或者一班人做主角,以人為本先有戲,而《好好拍電影》個主角正正許鞍華導演。

原本安排在12月3號上畫。
原本安排在12月3號上畫。

你可能會問,一味講拍戲,觀眾行外可能會悶?其實七年前,香港有另一部紀錄片上戲院,亦由導演做主角,片名叫《無涯》,講杜琪峯拍戲,跟杜 sir 去拍攝現場,狂爆粗口鬧人,都有娛樂性。

不過今次《好好拍電影》,方向完全不同,都有跟許鞍華導演去拍攝現場,不過仲跟埋導演去影展,去宣傳,最重要,返香港,返北角,返屋企。

當《無涯》差不多零觸及杜 Sir 私生活,《好好拍電影》將許導演家人都請上鏡,兄弟姊妹接受訪問,阿媽以至外傭悉數登場,同代香港、台灣大導演例如徐克以及侯孝賢都講兩句,亦詳盡介紹許導演身世(中日混血兒,如何影響其創作主題同興趣),連導演(拍《黃金時代》時)仆街場面,台灣老牌編劇吳念真當年在金馬獎頒獎典禮台上扮許鞍華食煙,甚至大學時代愛情生活都一一羅列,好好玩,好輕鬆,好開心。

事實上,許鞍華導演成長故事,其實正正香港發跡歷史,而《好好拍電影》並不止於講許鞍華作為香港導演,更加多講到許鞍華作為一個香港人,作為一個人。
紀錄片有大量許導演年輕照片。
紀錄片有大量許導演年輕照片。
許鞍華今時今日仍然會搭地鐵。
許鞍華今時今日仍然會搭地鐵。
 許導演故事,其實香港故事。
許導演故事,其實香港故事。

整部紀錄片並非講許鞍華有幾勁有幾勁,整部紀錄片其實講許鞍華個人,有掙扎,有弱點,有低潮,有煩惱,有擔憂,有堅持,所以充滿人味,所以好睇。

當然,到最後最後,最重要最重要,導演文念中,本身正正香港影業數一數二美術指導,行內人脈豐富,想拍邊個都可以直接邀請,而導演同許鞍華有多次合作往績,得到許鞍華以至許鞍華身邊朋友(例如張艾嘉,你認為張姐會隨便任你拍?)信任,登堂入室。

拍人物紀錄片難,導演與人物信任程度愈高,拍攝成果自然愈深入愈好睇。

其實拍紀錄片,要求根本比拍劇情片更加高。
片中與導演同場配角,粒粒皆星。
片中與導演同場配角,粒粒皆星。
許導演一把年紀,行為依然少女。
許導演一把年紀,行為依然少女。
睇紀錄片往往要睇背後意思。
睇紀錄片往往要睇背後意思。
作者簡介

行內人會視為行外人,行外人又會視為行內人。做過電影主創,又做過電影媒體,仲做埋電影教育。未天真到相信電影永恆,亦未灰心到認為香港電影玩完。不過一句到尾,身為電影觀眾,曾經叫做電影學生同畢業生,與其要做電影人,倒不如先透過電影學做人,首先要做個好人。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多