• 黃藍之家未降溫|袁彌昌維護容海恩做磨心 約長髮中女歎啡直落摸酒杯底鬆一鬆

  • 發布日期:2021-03-15 00:01

 

「袁氏這一家」可謂全屋都是政治明星,出身「偏黃」家庭的袁彌昌,偏偏娶了「深藍」老婆容海恩,一家人政治光譜非常廣闊,尤如社會縮影。



長期身處「黃藍之家」,作為「超級聯絡人」的袁彌昌,平日在家中擔任重要「橋樑」,但有時候都要逃離一下,唞一唞氣!日前《壹仔》見到袁彌昌撇甩老婆同兩個寶貝女,相約一名長髮中女飲咖啡,期間二人雞啄唔斷,好好傾。歎完咖啡,再轉埸去飲紅酒。飲飽食醉之後,先返屋企交人。

出身「偏黃」家庭

出身「偏黃」家庭

眾所周知,「袁氏這一家」政見大不同。首先,自稱屬於「中間派」的袁彌昌,其實出身「偏黃」家庭,爸爸袁弓夷同細妺袁彌明被稱之為「激進民主派」。但18 年,袁彌昌卻娶了新民黨立法會議員容海恩。從此,屋企形成了兩大對立陣營。身為「藍營」的中堅分子,容海恩育兒有獨特一套,曾經公開教女:「唔好識黃色就得喇!其他都要識嘅!」在去年播出的《鏗鏘集》節目內,袁彌昌更笑住話家中的黃色蠟筆「唔知飛晒去邊」。加上容海恩早排發表的「良知論」,對於袁彌明話她冇「良知」,她反駁話:「我冇良知咩,我覺得你嘅良知係錯」,更爆出金句:「各人有自己嘅良知!」自從前年721 社會運動之後,袁氏一家矛盾再升級,一家人再冇機會同枱食飯。
出身「偏黃」家庭的袁彌昌,爸爸袁弓夷同細妺袁彌明被稱之為「激進民主派」。
出身「偏黃」家庭的袁彌昌,爸爸袁弓夷同細妺袁彌明被稱之為「激進民主派」。
18 年,袁彌昌娶了新民黨立法會議員容海恩。
18 年,袁彌昌娶了新民黨立法會議員容海恩。
「袁氏這一家」政治光譜非常廣闊,尤如社會縮影。
「袁氏這一家」政治光譜非常廣闊,尤如社會縮影。
在去年播出的《鏗鏘集》節目內,袁彌昌笑住話家中的黃色蠟筆「唔知飛晒去邊」。
在去年播出的《鏗鏘集》節目內,袁彌昌笑住話家中的黃色蠟筆「唔知飛晒去邊」。
約女歎咖啡

約女歎咖啡

作為「中間人」,袁彌昌手掌又係肉,手背又係肉,左右做人難!難怪日前《壹仔》見到他外出鬆一鬆。當日袁彌昌相約了一名頭髮長長的中女,一齊去飲咖啡。兩個一見面就雞啄唔斷,袁彌昌更時不時笑到四萬咁口,期間二人更拎住手機,一齊睇相。歎完咖啡,二人再轉場去一間西餐廳撐枱腳,摸住酒杯底happy hour。
日前《壹仔》見到袁彌昌相約一名長髮中女飲咖啡。
日前《壹仔》見到袁彌昌相約一名長髮中女飲咖啡。
期間二人更拎住手機,一齊睇相研究,十分好傾。
期間二人更拎住手機,一齊睇相研究,十分好傾。
歎完咖啡,二人再轉場去一間西餐廳撐枱腳飲紅酒。
歎完咖啡,二人再轉場去一間西餐廳撐枱腳飲紅酒。
樂意做家中「和事佬」
樂意做家中「和事佬」
殺入政圈多年,袁彌昌出名人脈廣。先後出任「民主思路」總幹事,又加入曾俊華競選特首班底。之後試過獲得葉劉淑儀賞識,招攬加入新民黨做政策總裁。而家是標榜「非黃非藍」,由田北俊創立的「希望聯盟」成員之一。人脈廣,自然應酬多。幾個月前,容海恩湊住兩個女出街睇聖誕裝飾,又去行公園,當日亦未見袁彌昌的蹤影。相反,另一日,《壹仔》又見到他同另一名中女排隊等的士,之後更齊齊上了同一架的士離開。雖然成日忙住應酬,但袁彌昌平日都好樂意充當家中的「和事佬」,更表示:「個個男人都係做呢啲嘢」。對於容海恩經常有金句爆出,他亦維護老婆:「有啲外人未必知嘅苦處同掙扎位,我會體諒同安慰佢!」不過對於教育下一代,袁彌昌就比較認同爸爸袁弓夷一套,畀囡囡自由發揮,有理性思考同獨立思維。所以話,「中間人」,真係唔易做!
出名人脈廣的袁彌昌,曾經獲得葉劉淑儀賞識,招攬加入新民黨做政策總裁。
出名人脈廣的袁彌昌,曾經獲得葉劉淑儀賞識,招攬加入新民黨做政策總裁。
數月前,容海恩湊住兩個女出街睇聖誕裝飾,當日亦未見袁彌昌的蹤影。
數月前,容海恩湊住兩個女出街睇聖誕裝飾,當日亦未見袁彌昌的蹤影。
日前,袁彌昌再同另一名中女排隊等的士,之後更齊齊上了同一架的士離開。
日前,袁彌昌再同另一名中女排隊等的士,之後更齊齊上了同一架的士離開。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多