• 偷食事件11個月|朱智賢無工開轉做YouTuber 做瑜伽扮痛交足戲

  • 發布日期:2021-03-12 16:27
  • 偷食事件11個月|朱智賢無工開轉做YouTuber 做瑜伽扮痛交足戲

 

去年被爆背住男友謝東閔,與港男人夫黎振燁山邊偷食的朱智賢(Ashley),雖然有男友力撐,保得住感情,卻留不住事業,事發接近一年,依然「被消失」於幕前。

工作未有起色,Ashley不時行山打發時間,IG內滿載她的行山相,而且早在數月前,Ashley更轉型做YouTuber,開設個人頻道,為未來鋪定後路,雖然頻道已經成立多個月,不過只有數條影片,當中大部分是行山靚景,而她亦不時挑戰高難度路線,搞到要「手腳並用」爬落山,相當搏命。

今日她又晒行山戰績,留言:「完成多一條山界考牌路線,一尖三咀過四灣,26KM....4萬幾步.....呢條路線真係唔係浪得虛名。尋日見好似都唔多人行?計埋我哋得3 group人,得我一個女仔,那裏來的勇氣。北潭凹>赤徑>蚺蛇尖>米粉咀>短咀>長咀>東灣>大灣>鹹田灣>西灣>西灣亭,計埋拍攝加航拍時間14小時。」的確勁!

而日前Ashley最新一條影片,則轉到「室內」與空姐同事聚舊兼玩空中瑜伽,大晒fit爆身材,事後Ashley在IG上載靚靚瑜伽相。瑜伽得半桶水的Ashley,在影片中一面做瑜伽時,不斷嗌「好痛」,更被朋友笑她是「垃圾」,而且Ashley拉筋時更痛至面容扭曲,但原來是借用朋友雙腿扮痛,果然交足戲。

復工無期的朱智賢,以行山打發時間,不時上載行山相到IG。
復工無期的朱智賢,以行山打發時間,不時上載行山相到IG。
朱智賢行山相當落力,不時手腳並用。
朱智賢行山相當落力,不時手腳並用。
日前朱智賢與空姐舊同事玩空中瑜珈,期間朱智賢不斷大叫好痛。
日前朱智賢與空姐舊同事玩空中瑜珈,期間朱智賢不斷大叫好痛。
拉筋時朱智賢痛得面容扭曲。
拉筋時朱智賢痛得面容扭曲。
原來只是借用朋友雙腿,朱智賢演技未有退步。
原來只是借用朋友雙腿,朱智賢演技未有退步。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多