• 湯怡人妻幸福宣言 佗B四個月做女王:麥秋成係值得呢一世依靠嘅人︱誓要順產做真女人

  • 發布日期:2021-03-14 00:01

 

33歲的湯怡突然懷孕及結婚,好多人感到驚訝!驚訝的並非新郎是麥秋成,而是她與洪卓立拍拖十一年,卻未能修成正果;反而與麥秋成相戀未夠一年,已覺得他可付託終生。

結婚不足一個月,變身人妻的她甜蜜宣告:「佢(麥秋成)係一個值得呢一世依靠嘅人!」

 湯怡與麥秋成 趁元宵佳節於陽明山莊舉行婚禮。
湯怡與麥秋成 趁元宵佳節於陽明山莊舉行婚禮。
 二人因炸雞而開始情緣,所以,影婚紗照時亦有炸雞做道具,留下最好的回憶。
二人因炸雞而開始情緣,所以,影婚紗照時亦有炸雞做道具,留下最好的回憶。
被愛被照顧

被愛被照顧

佗B四個月,湯怡肥胎唔肥人,仍然纖瘦,而且容光煥發。

聽到舊愛洪卓立的名字並沒有絲毫尷尬,二人當初分開並沒牽涉到第三者,所以分手後大家仍能做朋友,決定與麥秋成結婚亦沒半點糾結,湯怡說:「當然我覺得喺每一段關係中,完結後都會知道自己想要咩嘢,或者追求目標,所以我唔會有咩嘢糾結,緣份事好難講。」

湯怡自小愛照顧人,無論是家人還是朋友,她都會關懷備至。麥秋成的出現,卻令她有被照顧的感覺。

「我相信一個女仔,都會想有人關心自己,我覺得例如結婚後,大家一齊生活嘅時候,如果我單方面去付出,可能有時候會比較吃力或者攰。當然我覺得要兩個人維繫,而佢係一個非常合適嘅人選。」她一臉幸福地說。

湯怡認為,與麥秋成走在一起是很自然的事,在對的時間遇上對的人。「主要係大家相處嘅感覺好舒服,我覺得呢方面好緊要。」
湯怡與麥秋成拍拖未夠一年已結婚及有BB。
湯怡與麥秋成拍拖未夠一年已結婚及有BB。
與洪卓立拍拖十一年,決定分開時並沒牽涉到第三者,所以分手後大家仍能做朋友。
與洪卓立拍拖十一年,決定分開時並沒牽涉到第三者,所以分手後大家仍能做朋友。
如願以償成麥太

如願以償成麥太

對於麥秋成,原來湯怡與他拍拖一個月後,便知道他是自己的Mr.Right。

「我個人認為,佢係一個值得呢一世依靠嘅人,已經有呢個感覺,因為同佢一齊好開心,相處非常舒服,可以完全做番自己。同埋佢非常照顧我,佢會負責洗碗、做家務、照顧三隻小狗,我覺得如果同呢個人一齊生活落去會好幸福。」

結果湯怡如願以償,成為麥太之餘,上天更賜給二人一份最好的禮物,知道自己有了BB,湯怡與麥秋成都很開心。

「大家都有啲驚喜,但都會諗好多問題,例如事業、經濟等好多方面,呢啲係其中因素,但我哋唔想俾呢啲事影響到決定。因為坦白講,始終係可遇不可求,例如好多朋友都會睇醫生,或者嘗試咗好多次都唔成功,我會覺得係上天賜俾我哋嘅禮物,所以我哋會循住正常方向去做。」

婚後,麥秋成對她更加體貼入微,不准她做家務之外,更要她在家專心安胎,過著女王生活。

湯怡有「翻版黎姿」之稱,早前憑TVB劇集《反黑路人甲》更被指是「最強眼鏡娘」 ,雖然有不少追求者,但她為了麥秋成而放棄整個森林。

她笑說:「唔係(好多人追),雖然係有嘅,但未至於話好多,又或者我自己有冇興趣呢?以前嘅我會落閘,但都會嘗試接觸多啲新事物,或者心態上唔係希望結識男朋友,而係認識一個新朋友,對於佢,我都係用咁嘅心態去了解,所以自己嘅心情會舒服啲。」
 看著麥秋成長大的郭富城,表示新郎曾幫自己做演唱會,又曾跟湯怡兩度合作拍戲,所以專程來祝賀他們。
看著麥秋成長大的郭富城,表示新郎曾幫自己做演唱會,又曾跟湯怡兩度合作拍戲,所以專程來祝賀他們。
 湯怡和麥秋成結婚當日,英皇集團主席楊受成博士、英皇娛樂CEO許佩斯到場恭賀。
湯怡和麥秋成結婚當日,英皇集團主席楊受成博士、英皇娛樂CEO許佩斯到場恭賀。
 早前憑TVB劇集《反黑路人甲》更被指是「最強眼鏡娘」。
早前憑TVB劇集《反黑路人甲》更被指是「最強眼鏡娘」。
 《反黑路人甲》一劇令入行十五年的湯怡人氣急升。
《反黑路人甲》一劇令入行十五年的湯怡人氣急升。
不會過度保護孩子
不會過度保護孩子
湯怡自小家教很嚴謹,當父母知道她奉子成婚時,沒有怪責她。

「佢哋知道我拍拖,都有少少愕然,但都好開心,因為爸爸媽媽好耐之前已經想我結婚。爸爸仲好笑,我同佢講開始拍拖,然後相隔一星期後佢同我講,問我幾時結婚?當時只係我同佢透露拍拖後一星期,我無諗過爸爸會咁樣問。」

一直受媽咪保護,湯怡自言成長期從未反叛過,向來是乖乖女。但對於BB已有一套教育方式,她說:「我諗作為父母,點都會擔心自己子女,但好多時候擔心都無用,而係應該從小到大多啲溝通,最主要係溝通,唔可以管束得太嚴。唔可以學壞,但好多事情都會俾佢試,最緊要係俾佢去做,唔可以話咩嘢都唔准。至少試完之後,即使失敗咗,但從中或者可以有所得着呢。如果太保護,小朋友係唔會成長,所以應該俾佢哋嘗試吓。即使跌倒,都唔需要問有冇事,等佢哋自己企番起身,唔好問痛唔痛,只要你唔講痛,佢哋就唔會覺得痛。的確係咁樣,如果太呵護的話,小朋友就會扭計,如果太縱又唔係咁好。」
 湯怡與姊姊的感情很好。
湯怡與姊姊的感情很好。
 湯怡表示,媽媽自小對她的管教甚嚴。
湯怡表示,媽媽自小對她的管教甚嚴。
經歷過順產的痛才是真女人
經歷過順產的痛才是真女人
湯怡認為老公應該會比較寵BB,「佢應該比較寵,但佢話係我。(性格似邊個好啲?)我覺得我哋兩個都唔錯,如果兩溝就完美。」

已佗B四個多月的湯怡,竟然選擇順產,而不是剖腹,她說:「從小到大都係想順產,到呢一刻都一樣。有好多朋友都選擇開刀,因為佢哋怕痛,但我想經歷嗰種痛。好多人聽到都覺得我變態,但我覺得點解以前嘅人可以,而家嘅人就唔得嘅?因為順產一來對自己復元比較好,對小朋友亦好啲,同埋我覺得經歷過嗰種痛,先算係一個女人。」



撰文及採訪:肥A

攝錄:曾惠衛

Makeup & Hair: 木子維納Vena

Wardrobe: Whistles

Venue: 英皇駿景酒店
 湯怡與家人的感情很好,放假喜歡一家人齊齊外出。
湯怡與家人的感情很好,放假喜歡一家人齊齊外出。
 麥秋成與父母及弟弟的感情很好。
麥秋成與父母及弟弟的感情很好。
 BB的腳頭很好,麥秋成最近有機會加入處境喜劇《愛回家之開心速遞》。
BB的腳頭很好,麥秋成最近有機會加入處境喜劇《愛回家之開心速遞》。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多