07年楊愛瑾（Miki）被踢爆搭上永安太子爺郭永淳，更被對方前妻伍智恒（Connie）公開鬧爆是「狐狸精」，但郭永淳極力否認Miki是第三者。當時失婚的Connie大受打擊，加上長期受腸塞病困擾，患上抑鬱症，體重暴跌至22公斤。事隔足足14 年，雙方都放下恩怨，各自都有新生活，郭永淳與Miki亦組織幸福家庭。
日前《壹仔》見到久未露面的Connie ，同爸爸一齊幫襯小食檔篤魚旦。雖然戴住口罩，但Connie狀態明顯有好轉，精神奕奕。另一邊廂，已榮升永安少奶奶的Miki ，婚後為郭家誕下一對仔女，不時在IG分享天倫樂。
- 榮升永安少奶奶的Miki ，婚後為郭家誕下一對仔女，幸福滿瀉。
- 患上抑鬱症的Connie ， 曾經開設微博，公開鬧爆Miki 是「狐狸精」。
- 00年，Connie同郭永淳結婚，直至06年，郭永淳單方面申請分居。
- 失婚的Connie 大受打擊，加上長期受腸塞病困擾，患上抑鬱症，體重暴跌至22公斤。
Miki被鬧「狐狸精」
Miki被鬧「狐狸精」
現年43歲的伍智恒，2000年同郭永淳結婚，婚後患上罕見腸胃病，割去大部份腸同胃部，又因神經及肌肉退化，要靠拐杖行路。直至06年，郭永淳單方面申請分居，當時患上抑鬱症的Connie，曾經厭食，體重暴跌至22公斤。07 年，郭永淳同Miki情侶關係曝光。11 年，Connie 開設微博，公開鬧爆Miki 是「狐狸精」，更炮轟郭永淳「親手毁了我一生，然後再要拋棄我」。Connie 更直斥前夫不肯負擔龐大醫藥費，二人因為贍養費問題，鬧上法庭 。至於Miki 多年來背負「第三者」之名，直至14 年，郭永淳終於發聲明澄清，自己決定離婚之後才認識Miki。16 年，Miki 終於排除萬難，同郭永淳結婚，正式做郭太。婚後Miki 三年抱兩，幫老公誕下一仔一女，湊個「好」字。- Connie嘗試靠自己雙手，諗計籌醫藥費，試過在Carousell 拍賣名牌眼鏡、包包等。
拍賣收藏品籌醫藥費
拍賣收藏品籌醫藥費
一切已成定局！飽受情傷的Connie 得知前夫婚訊之後，亦都大方送上祝福。她亦多次在微博解釋，自己並不是因為前夫患上厭食症，而係做了20 次大手術導致腸塞。近年Connie 身邊有做胸肺科醫生的爸爸貼身照顧，不離不棄，身體開始慢慢復原。對前夫亦已經放下怨恨，Connie 積極做人，更嘗試靠自己雙手，諗計籌醫藥費。她試過在Carousell 拍賣名牌眼鏡、包包等。早年又嘗試做youtuber ，開了一條個人频道，分享自己的收藏品，好似Hermès 包包、翡翠手鈪等等。- 近年Connie 身邊有做胸肺科醫生的爸爸貼身照顧，不離不棄，身體開始慢慢復原。
- Miki 孖住老公行玩具店，兩公婆一齊揀禮物俾小朋友，有商有量。
- 日前《壹仔》見到久未露面的Connie ，同爸爸一齊幫襯小食檔篤魚旦。
孖老竇篤魚旦
孖老竇篤魚旦
日前《壹仔》終於見到Connie真身，跟爸爸去小食店篤燒賣、魚旦。當日Connie 心情靚之餘，面色亦有好轉。雖然身型依舊瘦骨如柴，但精神不錯。Connie沿路一直有爸爸傍住，繑到實一實，兩父女感情相當深厚。至於另一邊廂，榮升人妻兼人母的Miki ，一樣幸福到瀉。大仔Luken 同爸爸餅印一樣，細女Emma 就十足十迷你版Miki ，兩個都眼大大，十分得意。日前Miki 孖住老公行玩具店，兩公婆一齊揀禮物俾小朋友，有商有量。最後一人捧住一盒玩具離開，果然是廿四孝daddy 媽咪！和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
