• 壹週和你股|科指反彈,弱過藥煲|譚朗蔚

  • 發布日期:2021-03-08 15:15
  • 壹週和你股|科指反彈,弱過藥煲|譚朗蔚

 

美股上星期五大彈,就以納指為例,升幅1.50%,道指則升近500幾點。假如各位只係單睇點數的話,一定又以為個市跌完,做了淡不知點算好。滿以為今日的港股可以大彈特彈,誰不知指數高開低走,一度還跌超過500點,個別如美團(3690)等科技股都要跌半成。好多人就問了:個市真係咁弱?人彈我們都唔彈?

其實,上日納指只是做了一支下影線的早晨之星,作為星星,極其量只是待變,無辦法確認轉勢。加上星期四的大陰燭未收復而形成身懷六甲,上方更留下了一個明確的頭肩頂型,至今頸線依然未收復,因此,我們確實不可以寄望太多,尤其是在今早,納指期貨已經重新倒跌超過1%。孳息繼續高企,科技股反彈無望。

早前同大家推介過恒生科指的反向工具:XI二南方恒(7552)。當時我說:科指搶先於恒指失守雙頂頸線9360點,往下要測試8394點的前頂。如今兩個位置失了,再落就要試埋9、10月的頂7878點。而且,均線的死亡交叉越做越多,後市恐怕見底都會慢升,有淡的繼續要堅持,最快的食胡位是企穩今日的8736點。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多