• 股票印花稅加三成|基金經理交多24萬稅 炒家轉場美股:唔會好似以前咁牛氣沖天

  • 發布日期:2021-03-02 07:00

 

疫情下百業蕭條,惟獨金融業獨領風騷,不過財政司司長陳茂波竟倒行逆施,宣佈將提高股票印花稅三成。消息一出港股屍橫遍野,未獲事前諮詢的港交所(388),表明對提高印花稅決定感到失望,其股價亦應聲倒地,由當日560元高位,連跌三日,至今跌穿480元水平。當日恒指亦暴跌逾900點,由三萬跌至29,700點水平。昨日三月首交易日反彈472點,至於北水已不再在港股瘋狂掃貨,昨日僅錄8,400萬元淨流入。

本刊盤點散戶、專業炒家以及基金經理,各自的印花稅加幅,少則數十元,多則數十萬元。為免硬食交易成本,用戶很可能轉向低佣或免佣交易平台,料證券商之間的競爭或更趨白熱化。

炒家成本月增七萬

炒家成本月增七萬


印花稅現時買賣雙方各付0.1%,上調到0.13%。假設港交所股價為500元,一手100股的價值為5萬元,即買賣雙方需各付印花稅為為50元,加稅後買賣雙方需各付65元,即增加15元。對於散戶來說,加幅可能只是一餐茶錢,但有心水清的股民,更著重對大市氣氛的打擊,「梗係唔支持,加三成咁多。賣塊地都有,呢個咁嘅銀碼,係咪先?陳茂波真係唔係好掂呀老實講。今日(4月26日)跌成千點,你話唔係佢係邊個啫?係咪先?」

「點會唔支持啫,唔通唔投資啊?我問返你,係咪為咗加少少稅唔投資啊?冇可能㗎嘛!」每月交投約20萬元的陳生,則認為大市跌與印花稅加幅無關,「第一疫情,第二社會動亂,經濟都未復原,升來升去都係新經濟股,跟住咪冧囉。」另一散戶謝小姐雖然也反對加印花稅,但認為只可逆來順受,「慢慢習慣嘅時候,香港人就會算啦。譬如加巴士費都會『吓,加巴士費?』但你唔會唔搭㗎嘛!」

股評人筆名「摸魚」的黃敬凱,指加幅對散戶來說是雞毛蒜皮,但是他們這類專業投資者或「day trader」(操盤手)則是受害者,因為他們的交易額每日起碼一、兩千萬元,一個月總額達一、兩億元,換言之要多交三至七萬五千元稅。「我覺得最大影響是所謂的炒鬼,炒鬼搵唔到食,有啲股票都幾難好似之前咁牛,牛市轉熊市唔會一日一刻之間因為一個政策而轉向,起碼唔會好似以前咁牛氣沖天。我身邊識得嘅朋友因為呢個措施都會保守咗,或者都會覺得卻步。」

轉場炒美股 細價港股或翻生

轉場炒美股 細價港股或翻生


財經事務及庫務局局長許正宇則強調港股「唔係鬥平,而是要鬥好。」事實上,港股印花稅明顯高於環球股市,內地只收賣方0.1%,英國則收買方0.5%,美國、日本及新加坡更加不徵收股票印花稅。提高港股印花稅同日,美國則宣布減股票交易徵費,美國證監會的賣出股票收費標準,自2月25日起由0.00221%降至0.00051%。

「好似賭場那樣,賭場A抽水5%,賭場B抽水10%,此消彼長,慢慢人們便會流向賭場A去玩。」摸魚指炒家轉場誘因更大,「部份人會走去炒美股,北水流入可能冇以前咁蓬勃,或者咁多。」現時買賣港股須徵印花稅,不過買賣基金(ETF)、輪證、槓桿反向產品及上市債券交易,則獲豁免徵稅。「全職day trader、炒鬼會因為咁而轉其他模式,ETF,牛熊證又好,可能亦都會令市場唔同咗,生態唔同咗。」

摸魚又指不少day trader本來炒大價股,包括美團或騰訊,但印花稅或令細價股有望一番炒作。「因為細價股相對上turnover、可以買到嘅量,唔會好似大價股咁樣,騰訊、美團嗰啲係任買,講緊一個價位一千、幾百萬元都買到的,但係細價股冇呢個情況,會唔會因為呢個措施,之前沉寂好耐嘅細價股潮有一番炒作,呢個我唔夠膽講,但係有咁嘅可能性。」

豐盛金融資產管理董事黃國英透露,他們市況旺盛時單日交易可高達一億元,每月交投額8億元,換言之日後加稅幅度為24萬元,「對我嚟講影響梗係好大啦!」他認為政府向眾多行業唯一有生氣的金融業加徵稅無可厚非,「如果第日經濟好返,其他revenue 好返,最好就降返落嚟。」

黃國英指印花稅等交易成本並非炒家最大考慮,「以前(90年代)炒匯豐、長江作為主力嘅時候,都可以克服(經紀佣金)二五佣,點解而家炒騰訊、快手、阿里巴巴,克服唔到依家零點幾?依家經紀用平到震,實質影響冇啲人吹得咁勁。」所謂「二五佣」,是指90年代曾規定股票交易經紀最低佣金為0.25%,該制於2003年4月起撤銷。

「英國印花係0.5% 㗎老友,0.5%你又唔買啦喎?因為英國股票另一個諗法係全世界最平,比較好嘅英國股票其實都係好平,點解我哋會買係呢個原因。都可以講,香港股票因為印花稅會de-valued,好似英國咁,但係點都好,都會因為你覺得佢OK嘅時候你都會買。」他表示市場已漸漸消化加稅消息,「拋售已經告一段落,睇落去。你睇港交所都冇嘢啦而家,開始正常返啲啦港交所,因為撞正外圍有炒家,炒場唔識升啫,變咗雙重影響,但係睇落去會令佢冇咁易大升。」

證券商及經紀當災
證券商及經紀當災

股票印花稅預計於8月起實施,港府想藉此增加每年120億元庫房收入,摸魚認為數字是基於去年成交額推算,「其實只要turnover跌10%已經錯曬。」若交易量受印花稅調整打擊大於加稅幅度,政府或因小失大,最終增加收入的如意算盤也打不響。港股自1993年至今共三次調整印花稅,三次也是下調稅率,今次三十年來首加印花稅,一舉將此前的降幅全部抵消。

現時不少證券商平台免佣吸客,如富途推出「一世港股免佣」,至於耀才證券用戶每月交易額2000萬元以下收取基本佣金0.0668%,新開戶首個月零佣等。加印花稅,不是由客戶承擔,就是證券商硬食以挽留客戶。翻開耀才年報,去年應付印花稅、交易徵費及交易費為約857萬元,亦即是說,三成印花稅加幅,對耀才或可造成高達257萬元額外成本。耀才在政策公佈後發出「給香港政府的建議」,指加印花稅只能解決政府入不敷支燃眉之急,這只是小修小補及陰乾式的「治標」方法。耀才反建議減稅,例如利得稅及印花稅等,以增加庫房長遠收入,真正「治本」。

有「金牌莊家」之稱前金融服務界議的詹培忠,稱自己已甚少炒賣港股,加印花稅對他來說影響極微,但他亦為證券商及證券經紀抱不平,「零佣金的做法,點做?如果引用舊方式,證券商來說,已被交易所及證監會差不多謀殺曬!」他又指現時除牌機制不利上市公司,基本上華資經紀已「叫苦連天」,「邊個能夠出到嚟代佢哋出聲?講句唔好聽,香港嘅市場做比國內證券商交易咋嘛,唔係比本地交易,所以本地少參與交易黎計,加幾多印花又何妨呢?都已經麻木不仁,加咪加,都唔係好影響到佢哋,佢都無客做生意,無客做生意,你加多幾多關佢咩事?」詹培忠認為政府不敢向地產商開刀,「佢就唔敢郁地產商,地產商影響力太大。」

陳茂波又指要探討增加收入來源,不能絕對排除開徵資產增值稅,本來移民意欲強的中產,現時變成開刀對象。現時全球放水刺激經濟復甦,向股市加稅,背道而馳。多個證券界人士均反對加股票印花稅決定,包括金利豐證券總裁「殼后」朱李月華、建制派金融服務界立法會議員張華峰,惟有份提議加印花稅的馬時亨繼續力撐。

從往績來看,馬時亨於約廿年前有份引發仙股事件。當時細價股熾熱,惟港交所於2002年7月發表諮詢文件,建議將持續30日股價低於5毫的公司從主板中除牌,消息一出翌日開市後,細價股被恐慌性拋售,引發港股市值蒸發逾百億元。其後港交所撤回文件,行政總裁鄺其志更因此下台,馬時亨作為財庫局局長向公眾鞠躬道歉。



撰文:邱嘉幸

攝影:林志謙
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多