• 壹週和你股|入定藍籌新貴等換碼?|譚朗蔚

  • 發布日期:2021-03-01 15:04
  • 壹週和你股|入定藍籌新貴等換碼?|譚朗蔚

 

今日同大家講講個市,同埋三隻新藍籌。大市在上週大洗,尤其是新經濟科技和生物科技股呀,就連我認為「不倒」的比亞迪(1211)同藥明(2269)等等,一樣都倒。成棟樓冧,真係無一個單位齊整!外圍繼續憂慮美債的孳息高走,就算這一兩日唔再升,高企都死!新經濟只有喘息而難言見底。今日大市反彈,無論是指數和股份都有高開低走之嫌。好似比亞迪,先前失守234頸線再失埋210前區間頂,就算今日一彈,都未必企得穩210這個是最基本的要求,遑論咁快見底甚至轉勢?

恒指服務公司檢討藍籌,其中阿里健康(241)龍湖(960)以及海底撈(6862)都染藍。正路睇,染藍代表的是有資金追入,通常被視為利好。不過唔洗幾耐,恒指55隻成分股隨時變成80隻,換句話講每隻的份量都要減少。那麼,入指所代表的資金憧憬仲係咪好似以往咁大?仲未計及市況唔就的話,入咩指數都死!遠的唔講,淨係笑隻快手(1024)rebalancing前後都唔炒,你吹得佢漲咩?有粉絲問到阿里健康買不買,我覺得佢似橫行,企穩27.8先好買,目標32,用24.3來做止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多