• 中環寸嘴︱疴得出屎 都要感謝中央

  • 發布日期:2021-02-22 21:11
  • 中環寸嘴︱疴得出屎 都要感謝中央

 


有個「社會賢達」公開講話香港人要裝備好做「大灣區人」啦。 好似政府「疫苗預防疾病科學委員會主席」劉宇隆話齋,打唔打疫苗、香港人有獨立思考嘛,仲對住記者敲吓自己個頭殼,呢句soundbite我估佢都度咗好耐 !

有讀者反映我知,叫我以後唔好寫食經,福臨門呢啲富豪飯堂out 晒㗎啦,我都學劉醫生敲吓個頭殼反省一下,仲喺呢個 column 寫有冇前途呢? 所以要讀者知道咩叫做 「明燈」,家陣我都係去平民食肆貼地啲好,嗱,北角有間粥鋪賣$88 一隻裹蒸粽,好足料,一隻抵到兩餐!

喺度又回應吓嗰位「社會賢達」香港人如何裝備好將來做大灣區人。 就好似七、八十年代喺大陸, 日間就聽大鄧(鄧小平)講話, 夜晚就聽 小鄧(鄧麗君 )先可以調教到心理質素,仲要學似啲香港高官咁,日日多謝中央,歌頌 中央 ,等於耶穌佬咁, 餐餐吔飯前要感謝上帝賜我食物。 其實啲食物喺自己有血有汗搵返嚟嘅!唔通等政府第四輪資助呀?學吓人哋澳門, 硬性年年派 1萬 蚊 ,都唔使講嘢啦 。所以疴得出屎都要感謝中央,疴唔出屎就賴地硬,如果唔係香港經濟就食屎,食屎都係食經吖!

我都要學吓劉宇隆醫生(右)敲吓個頭,問吓自己點做大灣區人。
我都要學吓劉宇隆醫生(右)敲吓個頭,問吓自己點做大灣區人。

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多