• 富二代打交|密集練拳鬥林作 鍾培生稱替天行道:我媽日日唸經希望我唔會打死人

  • 發布日期:2021-02-23 00:01

 

鍾培生早前接受《壹週刊》專訪,林作在專訪貼文留下回應:「抄我100萬?」意指鍾培生抄襲他以100萬元聘請團隊的構思。沒料到鍾培生亦不甘示弱,向林作下戰書在擂台上一決高下,只要林作參賽,即賞他100萬元。鍾培生更上載相片展示100萬元現鈔,非常豪氣。林作數日來連發多個貼文反擊,上載打波英姿片備戰。一場富二代之間的百萬拳賽,一觸即發。

鍾培生向本刊披露心路歷程,「一開始唔太想理,我問咗同事,問咗PR(公關)有咩睇法,個個都叫我唔好覆,我個人又血氣方剛,越諗越燥,出咗story(限時動態貼文)先斬後奏。」後來林作一度指只要鍾讓他打,反給他200萬元,「我畀一球(100萬元)你出場,你畀兩球(200萬元)我,我第一個回合任你打囉,沒問題,我之後𡁻返你!」

合約包括生死狀

合約包括生死狀


火藥味如此濃,最不滿林作的地方是什麼?鍾培生沒好氣道:「佢太鍾意消費人,周圍『辣火頭』,你明嗎?我都不想connect佢(與他有聯繫),有咩反感的,擂台見,擂台講。」

「佢唔係寸,佢係柒,即係佢是乞人憎,你明唔明?呢個唔係寸,寸係你有實力,你就show off你有的,但佢係一文不值得嚟係度成日消費其他人,嗰下是好乞人憎。仲要同我比,同得我比,你消費我,啲人都會討論。」

鍾透露,二人幾年前曾在一個晚會上碰頭,當時已經「唔鍾意佢」,「佢經過係度屎屎忽忽咁。」不過他承諗對方比自己有身高優勢,「條友仔應該真是高我少少,真係高我少少,我又認的。」他不屑道,「男人老狗,你上新聞,我上開business(財經)版,我都唔會上C(娛樂版),你咁鍾意上C(娛樂版),咪同明星仔一齊,我自己有幕前幕後的朋友,但都唔會拿來炒新聞咁老土。」

林作拍片嘲笑鍾培生所擬合約為中文,更撕爛合約影印本。到底合約有何內容?「最緊要是我畀足錢佢,我又好有口齒,講得出,做得到。第二是生死狀,係咪先?我點都揼爆佢,我係唔會留手嘅。」

一年無運動 現在拼命練拳

一年無運動 現在拼命練拳


他放狠話,「我之前打過三次業餘慈善賽,我三次都有訓練。我揼林作,肯定會是我咁多次練習入面最勤力的一次。」他再補充,「I gonna kick his ass(給他一個教訓)!」

林作不時寫錯鍾培生姓氏,貼文中一時寫「鐘生」,另一時寫「終生」,不知是手民之誤,還是故意寫錯,鍾培生怒道,「我會打到佢記得我個鍾字點寫!」

拳腳無眼,他會否「放水」讓一讓林作呢?鍾培生指他會「讓磅」,「拳擊會跟磅數出賽,他應該重我一到兩個磅,他應該(即是)重我十幾磅,我無所謂,我照與他打,唔會要求佢減(磅)。」

「我其實成年無做運動,我同林作講完個一刻,我都燥到返屋企打沙包。基本上由挑機佢個日開始,就做運動,嚟緊會係業餘式,縱使係一場賽事,但呢場賽事業餘水平咁去訓練呢場拳賽。」

林作媽媽贊成兒子出戰,鍾培生母親卻相反,「我媽就好擔心,日日都唸經叫我唔好打,驚我打死人。『阿仔你大個啦,你好大力。』因為我喺屋企打沙包『劈令嘭冷』,我媽成日驚我打死人。我每次打比賽,我媽都幫對手唸經。「阿仔,我哋屋企係積善之家,你真係唔好打死人呀!」但他認為,「呢鑊唔係打死唔打死嘅問題,係替天行道的問題!」他形容父親比較chill(型),非常撐他 ,「老竇梗係叫我:『喂,揼佢啦!』」

限期為下星期初
限期為下星期初

現時仍流於於口水戰,究竟何時才真正比武?

鍾培生面對林作也「無符」,「佢(林作)今日搞埋啲屎忽嘢(撕合約),梗係今個禮拜搞掂⋯⋯今個禮拜或者下個禮拜頭,如果唔係都唔使傾。你簽份合約,唔好話辯論,唱歌都陪你玩。」

他指林作需要時間要練拳沒問題,反正訂場需時,預計賽事定於7至9月,只待林作確認。對於林作向曾志偉建議TVB買下「臨終之戰」直播權,鍾不置可否,但強調,「梗係成件事我係A side,梗係我揸莊,係傾都係我傾,收皮啦叫佢!」雖然比賽尚未成事,但他稱已有多間傳媒提出轉播請求,他認為賽事有市場價值而需要向他出價競投,未知最後誰會出錢投資這場花生騷呢?

對於外界指二人夾份博出位做新聞,「我都唔識佢,what the fxxk are you?(你是誰)He’s a piece of shit(他是一塊屎),我唔同shit(屎)玩。」那這場賽事有何意義呢?「為香港人出一份力,spread love(傳播愛)的一樣嘢。係2021年、甚至是近呢幾年香港人最偉大的一件盛事,如果打得成。」

不少港人已剝定花生殼,等睇這場世紀大戰,鍾培生自己也引頸以待,「No bullshit let's go.」已成為他的口頭禪。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多