• 壹週和你股|匯控、中移上升之謎|譚朗蔚

  • 發布日期:2021-02-22 14:51
  • 壹週和你股|匯控、中移上升之謎|譚朗蔚

 


粉絲們,你覺得恒指強唔強?短期有無機會破頂?我唔排除有,不過難。入正題之前,首先想概括一下A股復市之後,北水南下的步伐好似弱咗,完全唔似農曆新年之前,更唔似「我們炒高定等A股股民接我們火棒」的預期。好明顯,年假前後有人這樣想,乃是想得太多。大市的成交足返了,每日有2000幾近3000億,但是淨資金流同技術指標RSI都是不配合。

北水不似預期,自然令好多股份的幻想空間顯著收窄,就例如思摩爾國際(6969)在農曆年後都是一潭死水,明顯跑輸同樣是北水愛股的農夫山泉(9633)。心動(2400)從來被內地網民譽為神股,更是一瀉如注。個別瘋狂的「契媽股」:移卡(9923)眾安(6060),在我的不斷的提醒之下,我的粉絲不可能有份坐艇。資金明顯離開了新經濟科網股,換馬到舊經濟股。

今日提提昔日的兩隻大藍籌:中移動(941)、匯控(5)。識我的人都知道,我無再唱淡中移動成個月了,原因是:股份在1月已經因為均線的黃金交叉而打破了空頭。上星期四,我更甚以「醜女大翻身」來比喻佢,在我的收費專欄推介佢,預佢短期會上58蚊。若問中資電訊股近日點解咁炒得?我唔知!還有,是「我理得佢!」圖表靚就是好炒,何須探究甚麼原因?

匯控都是,橫行40至44蚊多時,節後終於有突破。有人話是憧憬集團在週二(23日)公布業績會宣布派息,我會話:「我信,借頭借路咪升囉!」其實恢復派息是人所共知的事,9月底27、28蚊升上來就是反映這個因素。不過,既然圖表突破我不會否定目前的升,但就無必要趕在今日買入來短炒囉。長線持有,收息之用,一年後睇60蚊目標,跌穿40蚊的話走人。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多