陳嘉佳（小寶）自小因肥胖遭受欺凌，09年，因做電影臨記得到王祖藍賞識， 13年，祖藍邀請小寶參與《老表你好嘢》，並飾演「細細粒」一角而為人認識，及後小寶簽約祖藍成旗下藝人，祖藍更成功為她開拓內地巿場，以240磅身型成功在娛樂圈殺出一條血路。
日前，小寶接受梁泰來主持的《1圈圈 星光背後》訪問，憶述一直被欺凌的成長路，坦承視祖藍為人生伯樂外，更視他如親哥哥。小寶眼中的祖藍不像外人眼中的和善搞笑，她說：「佢係好人，但好惡架！或者佢對我要求高，經常好惡咁鬧我，不過其他人我唔會信，只會全相信佢。」
- 細細粒跟祖藍搵食，在內地算是吃得開。
- 爆伯樂祖藍對她特別嚴:「佢經常鬧我，好惡架！不過我只相信佢。」
對感情沒有幻想的小寶，深信男人會對她的身型有所標籤，她說：「外表我一定輸晒，我找過不少相士看過，十個有九個話我姻緣運極差。十幾廿歲時幻想太多，去到36歲已知無機會。」假若遇上心儀男士主動示愛，她說：「好老實講，我唔會去想，但若果真係出現，對方咪駛旨意走得甩。因為我依家唔會再幻想，用盡時間去賺錢工作，但若果真有個人『盲樁樁，樁埋來』，你都咪駛旨意想走，哈！」
- 細細粒日前接受梁泰來主持的《1圈圈 星光背後》訪問。
- 36歲，自爆從未拍過拖。
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
