• 相隔20年翻唱《兩種人》 何嘉莉要飲紅酒放鬆

  • 發布日期:2021-02-19 12:45
  • 相隔20年翻唱《兩種人》 何嘉莉要飲紅酒放鬆

 


相隔二十多年,何嘉莉(Lillian)重新演繹自己的經典歌曲《兩種人》,大家對此曲已經很熟悉,事隔九年再踏進錄音室,重新編曲的《兩種人Love Follows》Lillian坦言並不容易,因為以往演繹時,整體感覺少女味重,現在因為自己過往的經歷,加上聲線的變化,她自己及監製舒文都希望以一個新的方式、更成熟的方式演繹,「好容易將以前嘅感情擺咗落去。而今次嘅全新編曲加咗電子、搖滾元素,出嚟個感覺、效果都好滿意。」Lillian又自爆錄音時超緊張,需要飲酒放鬆,「因為我係一個緊張大師,希望有啲方法令自己放鬆,所以今次錄音嘅時候我都有準備咗啲紅酒,哈哈。」

Lillian透露這次翻唱是跟疫情有關,加上每年歌迷嚷着要她復出,自覺今年是時機,「主要係想做自己最喜歡嘅事,一直分咗大部份時間俾小朋友,見到佢哋成長,每個小朋友都有夢想,令我想起我嘅夢想究竟係咩?今年嘅疫情令我明白世事唔係樣樣都可以計劃,不如而家立刻實行自己最鐘意做嘅事。」

至於MV故事則加入BL(Boy's love)題材,Lillian謂是導演莊少榮的idea,「我聽到嘅時候好surprise,但好鍾意,因為呢個題材好真實,好貼近呢個新世代嘅愛情世界、愛情觀,愛係冇分種族、界限。我而家呢個status再演繹《兩》,已經成熟咗好多,人生又經歷咗好多唔同嘅嘢,所以用呢個題材去演繹好有新鮮感。」Lillian認為勇敢追尋自己喜歡的事情才對得住自己人生,愛情亦然。

何嘉莉重新編曲的《兩種人Love Follows》坦言並不容易
何嘉莉重新編曲的《兩種人Love Follows》坦言並不容易
 何嘉莉錄音時超緊張,需要飲酒放鬆
何嘉莉錄音時超緊張,需要飲酒放鬆
MV故事則加入BL(Boy\'s love)題材
MV故事則加入BL(Boy\'s love)題材

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多