• 壹週和你股|股仔飛天,極度瘋牛|譚朗蔚

  • 發布日期:2021-02-17 14:45
  • 壹週和你股|股仔飛天,極度瘋牛|譚朗蔚

 

個市繼續升,近兩日某些股仔的升幅多到我都不敢相信。就好似星期二(16日)為例,做天仁茗茶的賓仕國際(1705)升1.3倍,華誼騰訊娛樂(419)升九成,恒騰網絡(136)升四成六......諸如此類,數之不盡。以前升幅超過5%的股份叫爆升,依家升50%的先叫爆,升得果5%的簡直係睇唔到。大大隻的「契媽股」,眾安(6060)尋日三成咁升,移卡(9923)今日兩成咁升,好恐怖。

究竟這樣的升幅係咪sustain得到?我好懷疑,雖然以技術分析陽燭破頂、無頂的角度,不應該咁諗。不過人始終有戒心,就好似恒騰今浪又兩三蚊升到最高(暫時)17蚊,半個月都唔洗,真心嚇到我縮埋一舊。股仔咁升法,好有瘋牛的味道!該股在今早大幅高開之後一度跌三成,觸發冷靜機制。雖然跌幅在午市收窄,但我認為是一個警號。大家不應該忽視,同時要關注有無骨牌效應。

我稱這類股份為「九流的科技股」,同類型的還有赤子誠(9911)美圖(1357)等等。盈利能力存疑,但是有故事可以吹,概念想像力無限。單是赤子誠「探索」發展帶貨視頻,一月至今已經升五倍。今日早上,股份高開低走形成大陰穿頭破腳,我認為都值得擔心。北水明天返黎,只許成功不許失敗,大市的成交一定要上返2、3000億,否則憧憬真係好難sustain,這個是我俾大家的忠告。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多