• 劉青雲57歲生日叫郭藹明不用送禮物:希望大家都開心,好好過日子

  • 發布日期:2021-02-17 12:51

 

劉青雲和劉德華在新片《拆彈專家2》中,組成「雙影帝」組合。昨日(2月16日)青雲踏入57歲,眾「拆彈隊員」、導演邱禮濤及幕後工作人員齊齊送上驚喜,為他在片場慶祝牛一,劇組人員更訂造一個炸彈型蛋糕,逗得青雲笑不攏嘴。

非首次在片場度過生日的青雲,已習慣在片場過生日,他說:「我哋呢一行,好多時都喺片場過生日,我成日都同人講,唔好話畀人知係我生日,不過今次就揚啲!最難忘一次試過生日喺殯儀館取景。」對於一眾「拆彈隊員」跟他慶祝生辰,青雲大表開心:「同佢哋唔只係首次合作,仲係首日開工,大家同一team人一齊拆彈,感覺好似戲裡劇情一樣,所以好開心。」



太太郭藹明會否跟他補祝生日?青雲表示:「走唔甩,我相信一定仲有一個生日蛋糕。(太太為何不到片場送驚喜?)佢唔會嚟片場,佢知道嚟片場唔係太好,因為大家都做緊嘢,佢通常好少到片場探我班,因為佢知道我性格。」

有「愛妻號」之稱的青雲更直言會叫太太不用送禮:「真係需要嘅嘢應該都有,未有嘅嘢都係冇咩需要,買咗放喺度唔用好浪費。」那麼青雲是否不喜歡收生日禮物?他解釋:「唔係唔鍾意,但唔需要破費,大家開開心心食飯咪得囉,其實送禮係一件好難嘅事,收咗人哋嘅生日禮物,人哋生日又要諗送咩畀人,都幾吃力。」提到生日願望,青雲坦言希望所有事順順利利,大家生活開開心心:「我相信得一個人開心嘅世界,係唔會開心,所以我希望大家都開心,好好過日子。」

劇組人員專誠訂造一個別具心思的炸彈型蛋糕,逗得青雲笑不攏嘴。
劇組人員專誠訂造一個別具心思的炸彈型蛋糕,逗得青雲笑不攏嘴。
導演邱禮濤還笑指該「炸彈」屬於辛亥革命時的炸彈,令片場笑聲不絕。
導演邱禮濤還笑指該「炸彈」屬於辛亥革命時的炸彈,令片場笑聲不絕。
青雲在電影中飾演拆彈專家「董卓文」,與戰友劉德華並肩作戰。
青雲在電影中飾演拆彈專家「董卓文」,與戰友劉德華並肩作戰。
青雲與郭藹明結婚廿三年,常被拍到手拖手行街。
青雲與郭藹明結婚廿三年,常被拍到手拖手行街。
一眾飾演拆彈隊員的演員吳卓羲、黃德斌、趙永洪、張揚為青雲慶生。
一眾飾演拆彈隊員的演員吳卓羲、黃德斌、趙永洪、張揚為青雲慶生。

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多