• 林二汶視紅館開騷為里程碑 曾自資80萬出碟遇財困:畀咗嘅錢已經冇咗,窮係必然

  • 發布日期:2021-02-18 00:01
    最後更新日期
    :2021-02-18 07:00

 

02年與已離世的盧凱彤(Ellen),以女子組合at17出道的林二汶(二汶),入行接近20年,未曾大紅大紫,卻一點一滴累積了不少歌迷。

去年二汶在《全民造星III》中擔任導師,出心出力,最初她的一眾學員屢次落敗,最終同組的Ben(趙祥誠)及陳葦璇,分別奪得冠軍及亞軍,令二汶人氣急升,今年初二汶更奪得商台「我最喜愛女歌手」大獎,可以稱得上是「豐收」的一年,不過,二汶卻表示:「只係講攞到獎先至算係豐收,或者做咗一個有好多人留意嘅節目先算豐收,我覺得實在對過去二十年得到嘅嘢有啲唔公平。」

由自資80萬單飛出碟搞到財困,去到現在將會在紅館開騷,這20年,二汶過得絕對精彩。

去年底,當二汶知道入圍「我最喜愛女歌手」時,她開出「期票」,稱如果獲獎會在紅館開演唱會,結果二汶獲獎後即時找數,成功定下3月底紅館檔期 ,二汶指紅館是每個人的里程碑,她說:「我攞最喜愛女歌手嘅時候 ,應該話由入圍當日起,我特別睇吓歷屆究竟有咩人攞過呢個奬。即使我攞金像獎最佳原創音樂時,我都會睇吓歷屆有咩嘢人攞過呢個獎。我會諗究竟自己同咩嘢人齊名,會諗突然多咗我呢個名,會唔會失禮?其實紅館都一樣,因為一啲好標誌性嘅嘢,每個人嘅里程碑,你做電影音樂嘅,當然希望奪得最佳原創音樂;唱歌嘅,當然最希望攞到最喜愛女歌手,或者女歌手金獎。」

預言觀眾是表演者一部分

預言觀眾是表演者一部分

「紅館演唱會」,不但是一個里程碑,更收藏著二汶多年對「演唱會」的看法,「我當時覺得紅館係一件好勁嘅事,因為我去睇張惠妹嘅表演,佢竟然可以將紅館變成阿拉丁神燈嗰個壺,好似跳入去同神仙一齊,嗰份能量非常大,我覺得其實呢啲就係紅館最強嘅地方,因為每一個人經歷咗咁多事,喺台下犧牲過咁多嘢,然後將最亮眼嘅嘢放上紅館。」二汶雖然沒有透露演唱會的內容,不過她卻說:「這是2021年第一個演唱會,大家入來,我覺得少不免一定會有啲感動,而我自己諗到都會覺得好感動。呢啲moment,不如觀眾都準備一下,成為表演者嘅一部分」,讓觀眾預先有心理準備。

疫情下開演唱會,隨時會「臨門撻Q」,二汶自言有同樣擔心,就算可以如期舉行,二汶卻有另一種擔心,「如果可以搞得成,夠唔夠時間做準備呢?開會時曾經討論,如果真係搞得成,咁點算呢?不過其實只係大家講笑,無論搞唔搞得成都好,喺準備過程中都要等個天,我哋都係睇個天食飯。疫情未到時,大家都未特別發覺,做呢一行當然係,有好多時候都係時運,天時地利人和,許冠傑嘅歌寫得好好,「命裡有時終須有,命裡無時莫強求」,如果唔能夠咁樣諗,你會好難過,呢啲咁唔確定、咁多驚濤駭浪嘅日子,你會好難過。」
二汶去年「豐收」,但她卻指並非因為奪獎或節目受歡迎,才算是豐收。
二汶去年「豐收」,但她卻指並非因為奪獎或節目受歡迎,才算是豐收。
張惠妹的演唱會令二汶來說,極具影響力。
張惠妹的演唱會令二汶來說,極具影響力。
年初奪得商台「我最喜愛女歌手」,二汶隨即找數宣布下月於紅館開騷。
年初奪得商台「我最喜愛女歌手」,二汶隨即找數宣布下月於紅館開騷。
曾夢想獨個上紅館

曾夢想獨個上紅館

踏上紅館,二汶絕非第一次,17年曾與好拍檔盧凱彤以at17名義開個唱,今次獨個兒上陣,二汶坦言慶幸「行得慢」,「因為本身好實際,我會有夢想,例如覺得有一日可以喺紅館開騷就好喇,但呢個夢想唔會維持好多,因為好快就會返轉頭諗,究竟如果我真係想達成呢個目的,應該要點樣行」。

二汶續說:「所以我覺得舉行紅館演唱會,有一剎那會覺得可以,但我再諗,如果真係要征服呢個空間,應該點樣做,而家仍然諗緊,仲有兩個月時間。不過我亦有紅館表演經驗,亦有好多唔同大小場地嘅表演經驗,我好慶幸自己行得咁慢,回想番其實當年玩一二三紅綠燈,我就係行得最慢,但最快去到終點嘅嗰個人。我希望能夠去到嗰個地方,大家睇完表演之後,可能我上台前你都未發覺,但睇完表演之後,我希望你覺得呢個表演係值得睇嘅,覺得我值唔值得唔緊要,而呢個表演係值得睇嘅,咁樣我已經對得住作為一位表演者,同埋呢個場地、作品嘅真誠。呢方面就係我經常想講嘅,對舞台、作品嘅真誠」。
與已故盧凱彤(右)組成at17,二汶出道不經不覺接近20年。
與已故盧凱彤(右)組成at17,二汶出道不經不覺接近20年。
落敗未有對真誠動搖
落敗未有對真誠動搖
「真誠」二字,在《全民造星III》中,經常出自二汶口中,可惜比賽初期,二汶帶領的A組屢嘗敗果,但未有令二汶對「真誠」動搖,「我無動搖,但我絕對覺得表現係可以調整嘅,呢個態度唔會錯,唔會因為表演輸贏而令態度變錯,但我有冇execute得唔好呢?係會有嘅,一個表演係可以做得唔好,如果當時評判真係覺得唔夠吸引力、唔夠好睇,呢一行除咗講求表現,仲要有觀眾緣。」現實中,二汶有否曾被「真誠」而招至挫敗?「我覺得無實質挫敗,同埋我都係人,從來都堅持真誠,係喺舞台上要對自己作品真誠。人要對自己信仰同埋內心真誠,但有好多時候會牽涉其他一切環境,人唔係完美嘅,一定會有好亂、好迷茫嘅時候,咁樣點為之保持真誠?所以我哋需要有信仰,去維持自己係一個健康同有依靠、有敬仰對象嘅狀態。所以我覺得人如果可以喺舞台上對作品真誠,就已經好好,我唔會將生活上嘅事情當做成功或失敗,因為一切其實都係經歷。」
去年擔任《全民造星》導師,落力表現得到不少讚賞。
去年擔任《全民造星》導師,落力表現得到不少讚賞。
二汶強調人不是完美,藉著信仰,才會有依靠、有敬仰對象的狀態。
二汶強調人不是完美,藉著信仰,才會有依靠、有敬仰對象的狀態。
經濟壓力爆煲靠睡覺減壓
經濟壓力爆煲靠睡覺減壓
性格樂觀的二汶,雖然未有將成功或失敗無限放大,但現實生活難免有低潮,她說:「最艱難係要自己出唱片,又唔識做生意嘅時候。當時係離開組合,自己獨立發展,斥資八十萬推出第一張唱片,其實加埋宣傳、髮型化妝、製作、錄音,有好多工作加加埋埋。我諗當時嘅我唔係因為理想問題,而係我唔識得理財」,經濟壓力令二汶幾乎爆煲,她的減壓方式就是靠睡覺,「當我忍唔住,有好大壓力嘅時候,例如今日找數後聽日無錢交租,當晚瞓覺時就會諗,如果呢一刻我死咗,仲有咩嘢未做,如果我仲有聽日嘅話,就俾心機去做。如果呢一刻死咗,我做咗嘅事已經係定案,俾咗嘅錢已經無咗,窮就係必然嘅,咁我應該點樣瞓呢?如果呢一刻死咗醒唔番,就唔需要煩惱啦。所以每晚瞓覺時,就會當嗰一日已經完咗,大概維持咗個幾星期,令我明白所謂嘅生命,張開眼唔係瞓覺時,因為瞓覺後你都唔知道自己會唔會死,張開眼嘅時候就去面對,如果面對唔到,第二日就重新嚟過。當時一日過一日就係咁嘅意思,呢個練習都真係幾好。」

二汶指今年最希望看到的,是各方面能夠盡快復甦,她說:「我相信再重新嚟一次,大家嘅做法同發揮都會好唔同,我真係好期望可以快啲見到。」
當年斥資80萬出碟,令二汶一度遇上財困。
當年斥資80萬出碟,令二汶一度遇上財困。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多