恒指在新年前繼續衝刺，今早最高上過30000點樓上，確實是較我的預期還高，喜出望外。連續兩月，恒指三次來到30000點關，第一次我話單月升3000點乜都夠，第二次我話市寬不足、太假，第三次我話咩呢？我會話成交太奀，可信性有待商榷。但可別誤會，我並不是叫大家減貨甚至做淡，事實我在上週已經同大家講過：當時有人問我北水停、長假在即有無需要減貨？我話唔洗。如果當時減了，依家又怎會有30000點？因此現價都無需太過避險：成交奀，不排除只是假期前holiday mood，成交背馳，並不是即見頂的有效理據。
週三同大家講過：快手（1024）企穩第一日第一口價338的話可以跟進買入，假如你買入了，往上再看暫時睇400同440先，時間點是今個月的22日收市rebalancing，下方支持350穿要減磅。今日講講嘉里物流（636）股份獲順豐提購，折讓但是派特別息，相當於26.08的價值。股份今早高開牛皮，少少低走，你問我追唔追？併購事宜一般不會升得足價，源於不確定性，因此25.60開出再追的話，最多只有不足2%不值博。假如有貨呢？由於下行的可能亦都有限，其實現價再持倉都幾雞肋，等同唔等無大分別，係我的話我會食先。
作者簡介：新一代股評人譚朗蔚（Stevan），以嬉笑怒罵和幽默分析見稱。股民以為佢只靠外表搵食，但佢偏以勤力分析，揸緊宗旨取勝。佢曾改編歌詞，唱盡股民心聲；又cosplay丁蟹、悟空及大帥哥搞投資Talk Show，顛覆傳統，成為「最貼地股評人」。
Stevan最信奉「萬種行情歸於市」，認為炒股最緊要就是跟勢。佢深信「破頂無頂，天空是頂」，專門為大家發掘強勢破頂股份，佢話「上面無蟹貨無阻力，讓子彈飛」！
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所 」
