• 59歲黃秋生台灣搬屋落腳過年三十:冇嘢做仲返港隔離大吉利是咩|直擊千呎新竇

  • 發布日期:2021-02-11 00:01

 

今個新年,對人在異鄉,現於台灣重新開始的黃秋生來說 ,的確別有滋味。

「今次喺其他地方過年,同以往唔同,以前係工作中,今次冇嘢做。」他直言。

雖然太太在香港 ,但他不打算回港過年。

「冇嘢做返嚟過年,仲要接受隔離,自己一個人,真係大吉利是咩!喺呢度至少可以出街食吓嘢。」

步入牛年,他特別為《壹週刊》讀者揮筆,寫了「氣沖牛斗」幾個字。氣沖牛斗有氣勢極盛之意,跟低聲下氣剛相反,果然有心思。

「祝大家今年氣沖牛斗,無論如何也希望新一年大家有個好開始,恭喜發財!」他說。

黃秋生在台灣新居祝大家今年氣沖牛斗,客廳放了跟他日夜作伴的結他。
黃秋生在台灣新居祝大家今年氣沖牛斗,客廳放了跟他日夜作伴的結他。
秋生寫得一手好字,揮筆寫氣沖牛斗賀年。
秋生寫得一手好字,揮筆寫氣沖牛斗賀年。
睡房簡約素淨。
睡房簡約素淨。
萬多元租台灣安樂窩

萬多元租台灣安樂窩

由於秋生會在台灣生活一段時間,他早前是租住酒店的,新年前終於租下一個合自己心水的單位。新居面積約千呎,月租要萬多元港幣。雖然沒有豪裝,但勝在光猛新淨。全屋以米白色為主,簡潔實用。

秋生指最怕有些單位特別裝修,將房間變成好像卡拉OK或白雪公主屋一樣,那些單位他便無福消受了。年三十之前,他終於新居入伙,總算在台灣擁有自己的居所。

今年跟家人分隔兩地,被問到是否一個與別不同的新年時,秋生想了一想說:「今年呢,又唔可以話比較特別嘅,不過的確同以前唔同,會喺台灣過年,因為疫情關係,我費事返香港要接受隔離咁樣過年,所以喺呢度工作完之後,就搵少少濕碎事情搞吓,不過都要過年後先可以做,所以租咗個地方喺度等。」

他在睡房為本刊拍片受訪,只見房中有一張大床,沒甚麼擺設,簡約舒適。之後他出房外拍攝,「帶大家睇吓間屋,呢度係走廊,好似髮型屋咁樣。」
秋生戲言家中走廊似髮廊,身後是他的台灣友人。
秋生戲言家中走廊似髮廊,身後是他的台灣友人。
年廿八洗邋遢,秋生去做facial。
年廿八洗邋遢,秋生去做facial。
跟黃明志食團年飯

跟黃明志食團年飯

年廿八洗邋遢,日前台灣好友帶他去做facial,幫塊面大清潔一番。他戲言:「因為做facial,所以剃咗啲鬚,依家成個豬頭咁樣。」

不過,新居卻沒甚麼賀年布置,「冇咩特別新年氣氛,冇買年花,因為呢邊嘅朋友都需要返屋企食飯,但我約咗黃明志食團年飯。」

大馬歌手黃明志在台灣爆紅,早前邀請秋生一起rap歌《China Reggaeton中國痛》,在youtube已超過1,500萬點擊。他一向撐這位大哥,難怪特別約秋生吃團年飯。

但新年前後的日子,秋生自言過得非常平淡。「每天也只是彈結他和喝咖啡,非常無聊。偶爾會做運動,買了一張軟墊鋪在地上做運動。真的非常無聊,真正天光等天黑,天黑等天光。」

雖然沒有五光十色的生活,但他認為:「依家呢個世界,寧靜是福,所以做人都係隨遇而安啦,咁樣過新年都幾好嘅,幾寧靜,恭喜發財!仲發財?依家仲諗發財?大家身體健康啦!」
跟黃明志一起rap的《China Reggaeton中國痛》,在youtube已超過1,500萬點擊。
跟黃明志一起rap的《China Reggaeton中國痛》,在youtube已超過1,500萬點擊。
秋生享受不同的台灣美食,街頭小吃甚得他歡心。
秋生享受不同的台灣美食,街頭小吃甚得他歡心。
「人嘅尊嚴唔需要搵一個地方」
「人嘅尊嚴唔需要搵一個地方」
回望過去一年,黃秋生百感交集,過去幾年在逼迫中生存。但他不言悔,去年他轉到海的對岸,一片懂得欣賞他的土地──在台灣發展。之前在當地拍劇,早前又走遍全台拍真人騷《開著餐車交朋友》 。他說:「有工作嘅地方我就去,工作多我就留低。」

面對漂泊的未來,他倒是很坦然:「人嘅尊嚴唔需要搵一個地方,你自己有就有,喺乜嘢地方都有。」

他戲言現在是人生中最高潮的時候,「可以面對困難,解決困難,而且是用自己智慧,有尊嚴地生活下去。要有困難嘅時候,先顯示到一個人嘅人格。當你死嘅時候,會對自己有一個交代。」

去年9月他生日時,他許了一個願,希望能把一生的技能貢獻給台灣。

「既然我自己覺得花咗咁多時間,大家都有認同,所以我要將技巧留低。教育下一代的話,唯一可以做到,就係台灣。開始時可以開班,做得好的話,可以開學校。」

新一年,祝秋生誠心所願!
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多