• 林作裕美玩埋假結婚│林作媽赤口回歸擺陣誓要沖走爛桃花:講你感情事就好火滾

  • 發布日期:2021-02-14 00:01

 

林作自從上年年中被踢爆跟大他一年,32歲的裕美拍拖後,其母多次因阿仔新戀情而公開發聲,指會考零分的失婚裕美「素質未夠班」,跟牛津大學畢業的林作有距離,其後又公開「結婚就斷絕關係」。林作隨即以阿媽睇「個人收入判斷其成就」立論回應,而在男友代發誓「一年賺唔夠二百萬從此消失」後,裕美亦配合發力在網上開首飾店做生意,去年終於購入第一層800萬物業,成績相當唔錯。



不過,擾攘一年多,林作去年底被指瞞阿媽跟裕美「結婚」,林母堅稱「會斷絕關係」,三角關係依然在膠著狀態。



早前返內地做生意的林母,日前回港跟林作過農曆新年。大年初三,兩母子接受壹仔家訪,大講新年買花,其間再為裕美勞氣,林母表示過去一年做生意賺過七位數,她說:「我覺得自己今時今日做人真係最開心,只不過阿仔桃花令我有啲擔憂,所以我今年買咗一棵細桃花,唔希望佢今年行桃花運,等佢事業成功後,先要一棵大桃花,先沖走爛桃花,明年再買一棵靚桃花。」



阿媽一提「爛桃花」三個字,林作變得緊張,即時向不在場的女友澄清:「裕美小姐,我已經同阿媽講咗,叫佢唔好亂噏。佢態度依舊,我有自己想法,我的感情生活,甚至事業方向,坦白講毫不受媽媽影響,我有自己主見睇法,未必同阿媽相同,但最重要都係追求自己幸福,知道自己做緊咩,我覺得呢方面好重要。」



在旁的林母也即時有反應:「佢經常要澄清感情問題。」



林作再解釋有此必要:「澄清好緊要,因為講感情,係代表一個人,可以證明我係真男人。」

 去年大除夕,林作跟裕美在豪宅「玩結婚」,事後林作澄清只係開PARTY,唔係認真,不過在內地做生意的林母則再認真強調,結婚就斷絕關係。
去年大除夕,林作跟裕美在豪宅「玩結婚」,事後林作澄清只係開PARTY,唔係認真,不過在內地做生意的林母則再認真強調,結婚就斷絕關係。
 裕美去年被爆跟林作在豪宅同居,林母表態唔LIKE,其後裕美搬到另一個數百呎單位,林作也經常到此探女友。
裕美去年被爆跟林作在豪宅同居,林母表態唔LIKE,其後裕美搬到另一個數百呎單位,林作也經常到此探女友。
 傳出拍拖後,裕美被眼利網民指她上載的生活照,背景是林作豪宅,兩人早已同居。
傳出拍拖後,裕美被眼利網民指她上載的生活照,背景是林作豪宅,兩人早已同居。
 要一年內做出二百萬生意,裕美賣首飾賺到錢,連林作的姐姐都收到她送的鑽石禮物。
要一年內做出二百萬生意,裕美賣首飾賺到錢,連林作的姐姐都收到她送的鑽石禮物。

見阿仔急不及待表態,林母終於火氣上升:「我一講(佢)感情就火滾,本身帶住好開心心情返香港,接受訪問,本身係好開心,但一講你的感情,真係好火滾,唔想再講。」



對於裕美離開豪宅,早前租住了另一個數百呎單位,似有廻避之意,離開香港多月的林母表示:「佢搬出去住,我都祝福佢搵多啲,費事大家碰面,咁樣對大家都好,至少我兩母子感情又好番啲。」



不過林作並不同意:「我哋一向都係咁樣,我換第二個女朋友,又唔見得會有幾好,或者會有幾差,唔好玩啦大佬。」



林母反駁:「又唔係喎,之前嗰啲我都好開心。」



林作再表態:「之前嗰啲我唔開心喎。」



林母坦白說:「我好接受喎。」



林作堅持有個人想法:「即係我開心定係我阿媽開心,梗係我開心啦。」



林母講出心底話:「你開心之餘都要阿媽開心,大家雙贏咪更好,家和萬事興,返到屋企大家要和和氣氣。」



林作忍唔住插嘴:「係你要挑起鬥爭,而家無人挑戰你喎……」



無論點都好,大家都明白和氣生財,林母感謝由始至今都有網民力撐,並作總結,:「真係好耐無同網民見面,所以返嚟之後,真係覺得香港是我家,我愛大家,我都好希望大家新年快快樂樂,身體健康。總之,林作都話唔再傾感情事,希望時間可以沖淡一切,畀啲時間佢哋,我只能夠買定H字頭產品,等待好消息。」
 林作開二手名牌店,其中有賣HERMES包包,之前他孖住林母大曬冷。
林作開二手名牌店,其中有賣HERMES包包,之前他孖住林母大曬冷。
 林母指自從反對阿仔跟裕美拍拖後,她說有不少網民企在她那一邊,實在是莫大支持和安慰。
林母指自從反對阿仔跟裕美拍拖後,她說有不少網民企在她那一邊,實在是莫大支持和安慰。
 林母表示十分接受林作前度,所指的應是港姐麥明詩。
林母表示十分接受林作前度,所指的應是港姐麥明詩。
 農曆新年期間,林母家中擺放的小桃花,實在唔多起眼。
農曆新年期間,林母家中擺放的小桃花,實在唔多起眼。
林作從事保險業三個月,便做出二百萬保單營業額,在公司拿了不少獎。
林作從事保險業三個月,便做出二百萬保單營業額,在公司拿了不少獎。

----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多