• 牛年完婚|47歲馬國明八月娶湯洛雯 密睇愛巢裝修 準馬太趕辦嫁妝

  • 發布日期:2021-02-12 00:01

 

新年伊始萬象更新,踏入牛年就有大家最期待的喜訊催旺新一年,「馬湯戀」公開放閃七個月感情修成正果,終於落實婚期;可靠消息透露,馬國明、湯洛雯已秘密著手籌備婚禮,計劃待男方拍罷劇集《白色強人2》,八月便拉埋天窗,有情人終成眷屬!

二人近日已向身邊好友報喜,對靚湯愛錫有加的馬明,更將婚禮全權交準老婆話事。將做八月新娘的湯洛雯,近日神采飛揚趕辦嫁妝,更密密去睇愛巢裝修,自言最愛送驚喜給別人的她,為自己與馬明一生一世的幸福見證,當然要花盡心思!

拍拖不久認定對方

拍拖不久認定對方

明天(年初二)便滿47歲的馬國明,人逢喜事精神爽,即使近日忙於趕劇仍然容光煥發!去年覓得真愛湯洛雯,馬明樸實的生活變得多姿多彩,事業同愛情都行運一條龍。二人自去年六月公開認愛,甜蜜度更是觀眾眼中最天造地設的一對,戀情獲全城祝福,身邊好友及各界都不停向兩人催婚,馬明、靚湯亦承認早已視對方為結婚對象。
雖然年齡差距十三年,不過馬明、靚湯性格同樣單純,孝順貼地又愛宅,價值觀一致令二人距離拉近,如此天造地設當然要珍惜把握。
雖然年齡差距十三年,不過馬明、靚湯性格同樣單純,孝順貼地又愛宅,價值觀一致令二人距離拉近,如此天造地設當然要珍惜把握。
去年六月馬明被拍到上女友紅磡寓所,兩人即晚便同步在社交網放出小馬翹住獨角獸的情侶公仔相片,放閃宣布戀情,愛得大方!
去年六月馬明被拍到上女友紅磡寓所,兩人即晚便同步在社交網放出小馬翹住獨角獸的情侶公仔相片,放閃宣布戀情,愛得大方!
雙方家長開綠燈

雙方家長開綠燈

其實「馬湯戀」早獲雙方家長開綠燈,馬明近半年便經常到女友紅磡香閨過半同居生活,對女友時刻呵護備至,湯父湯鎮宗看在眼裡,對準女婿俾足一百分,而有家底的湯洛雯,貼地性格亦深得未來奶奶歡心,經常陪馬明返太古城寓所探父母,一早融入馬家,搵到最愛走人生下半場,二人已計劃在今年八月完成人生大事。
拍拖半年早已是對方心中的「Mr& Mrs Right」,馬明和靚湯早就無分彼此,早前本刊便拍得靚湯給馬明屋企大廈的住戶證,方便男友出入香閨!
拍拖半年早已是對方心中的「Mr& Mrs Right」,馬明和靚湯早就無分彼此,早前本刊便拍得靚湯給馬明屋企大廈的住戶證,方便男友出入香閨!
兩人拍拖不久已經見晒家長,湯爸爸湯鎮宗對準女婿早已讚不絕口,當然放心將乖女交托畀馬國明做老婆!
兩人拍拖不久已經見晒家長,湯爸爸湯鎮宗對準女婿早已讚不絕口,當然放心將乖女交托畀馬國明做老婆!
元旦興奮洩玄機
元旦興奮洩玄機
雖然拍拖以來屢傳婚訊,但據知二人落實婚期,還是去年底的事,而當時答應馬明求婚的靚湯,元旦日已興奮在個人社交網洩露玄機,當時她就以男友馬明若冧莊封視帝就結婚,靚湯一出post即獲網民起哄祝福,雖然最後馬明失落視帝,但早已落實做馬太的她,根本不用因一個奬決定婚期,而馬明回應女友「攞獎結婚論」,亦答得好有誠意:「娶到老婆好過攞視帝,結婚係人生大事,找到伴侶係一世,好過攞獎!」兩人早已默契相通!
向身邊好友報喜
向身邊好友報喜
兩人近日便向好友報喜,特別是一直支持馬明早日成家的「鐵馬」兄弟,鄭嘉穎、黃嘉樂、林子善與及唐詩詠都已預留時間出席「馬湯」的婚禮,至於靚湯一班好姊妹朱千雪、岑杏賢、張嘉兒及蔣家旻,更為靚湯找到好歸宿開心不已!眾姊妹亦緊張分享不少籌備婚禮的意見予靚湯。據知情者透露:「一班鐵馬兄弟好緊張馬明嘅一生幸福,知道佢同靚湯拍拖之後,見佢出親嚟都笑晒口如沐春風,就知佢已經搵到最愛,前排嘉穎同馬明一齊拍劇,嘉穎都有催佢快啲結婚,有仔要趁嫩生,咁馬明年紀都唔細,而且佢同靚湯都好鍾意小朋友,講明結婚之後會盡快追B!」
落實婚期後,馬明已將喜訊第一時間通知一班「鐵馬」好兄弟。
落實婚期後,馬明已將喜訊第一時間通知一班「鐵馬」好兄弟。
好姊妹岑杏賢去年底嫁金融才俊,靚湯亦落實今年八月出嫁,一班姊妹朱千雪、張嘉兒、蔣家旻,當然為靚湯找到真命天子興奮!
好姊妹岑杏賢去年底嫁金融才俊,靚湯亦落實今年八月出嫁,一班姊妹朱千雪、張嘉兒、蔣家旻,當然為靚湯找到真命天子興奮!
私人會所舉行婚禮
私人會所舉行婚禮 快將踏入人生新階段,馬明、靚湯近日便為籌備婚事忙碌,婚禮則待馬明七月拍罷《白色強人2》後舉行。據馬明好友透露:「嚟緊馬明要去深圳醫院拍《白色強人2》外景,因為疫情關係,拍攝情況好多嘢都估計唔到,所以佢哋暫時定咗婚禮喺八月搞,不過始終係疫情期,所以仲諗緊婚禮場地,可能會喺私人會所搞簡約婚禮,但話晒一生人一次,靚湯都有好多嘢準備,場地佈置同婚紗設計,靚湯有好多idea,呢排佢哋都為賓客名單頭痛,好多嘢都要睇疫情進展,但應該唔會請太多朋友出席,可能會喺出年疫情完咗先再補擺喜酒!不過佢哋有共識低調進行,等遲啲先一次過公布!」
馬明連月來趕拍劇集《白色強人2》,過完農曆又要返深圳拍外景,婚禮大事只好交由靚湯負責安排,有如此貼心準老婆,幸福馬明幾忙都如沐春風!
馬明連月來趕拍劇集《白色強人2》,過完農曆又要返深圳拍外景,婚禮大事只好交由靚湯負責安排,有如此貼心準老婆,幸福馬明幾忙都如沐春風!
監督愛巢裝修進度
監督愛巢裝修進度 眾所周知馬明侍母至孝,曾揚言婚後要與媽媽同住,不過馬母對準新抱靚湯滿意度滿分,已御準乖仔與好新抱婚後過二人世界,早前靚湯得爸爸送贈半億馬鞍山雲海別墅作嫁妝,馬明忙於拍劇,靚湯近日便密密到愛巢監督裝修進度。據知情人士透露:「雖然靚湯有家底,但馬明都係一線小生,自己都搵到,再買樓根本唔成問題,佢兩個近排都有睇過啲港島區屋苑,但想等樓價回落先入市,咁馬鞍山間屋又啱啱收樓,湯爸爸都決定將間屋送俾個女做新婚愛巢,近期靚湯就成日去睇裝修進度,愛巢嘅設計同所有佈置佢都親自打點,真係好緊張!」
眾所周知馬明侍母至孝,深知男友心意的靚湯,便經常陪馬明返太古城寓所探父母,寧願減少拍拖過二人世界的時間,如此懂得尊重長輩,難怪深得未來奶奶歡心。
眾所周知馬明侍母至孝,深知男友心意的靚湯,便經常陪馬明返太古城寓所探父母,寧願減少拍拖過二人世界的時間,如此懂得尊重長輩,難怪深得未來奶奶歡心。
保密婚期
保密婚期 幸福準人妻早前錄影新春節目《天天開運王》,在節目中被玄學家陳定幫師傅,批到她與馬明今明兩年紅鸞星動,她更抽到一支「添丁」籤文,令靚湯眉開眼笑!原來幫幫師傅,去年曾批中靚湯會出現新戀情,時間貼到中晒!不過今次靚湯就好緊張唔俾幫幫師傅公開講及批到的結婚時間!明顯想保密婚期。
馬明與靚湯拍拖出席台慶頒獎禮,身穿淺藍露肩紗裙的靚湯,被指幸福肥,眼中只有女友的馬明,即護花維護女友大讚她好fit。
馬明與靚湯拍拖出席台慶頒獎禮,身穿淺藍露肩紗裙的靚湯,被指幸福肥,眼中只有女友的馬明,即護花維護女友大讚她好fit。
雖然女友家境富裕,二人婚後亦會搬入湯爸爸送贈女兒的馬鞍山愛巢,不過,事業愈戰愈勇的馬明,亦一樣搵得到, 同準老婆亦有置業計劃,待樓價回落後入市!
雖然女友家境富裕,二人婚後亦會搬入湯爸爸送贈女兒的馬鞍山愛巢,不過,事業愈戰愈勇的馬明,亦一樣搵得到, 同準老婆亦有置業計劃,待樓價回落後入市!
日前本刊向二人求證八月結婚一事,一對準新人便有默契未有露口風!上周三(2月3日),馬明拍完劇返家,被問到八月婚期,只以「天然呆」回應,而兩日後靚湯到馬鞍山睇愛巢裝修,亦同樣口密!
日前馬明拍完劇返家,本刊向他求證八月結婚一事,他以一貫「天然呆」封咀未有回應,將婚事繼續保持神秘!
日前馬明拍完劇返家,本刊向他求證八月結婚一事,他以一貫「天然呆」封咀未有回應,將婚事繼續保持神秘!
上週五( 2月5日),靚湯一個人由紅磡寓所出發,到馬鞍山雲海別墅視察愛巢裝修進度,面對壹仔追問八月結婚一事,她亦非常口密,只表示新居是與家人同住,未肯承認婚期。
上週五( 2月5日),靚湯一個人由紅磡寓所出發,到馬鞍山雲海別墅視察愛巢裝修進度,面對壹仔追問八月結婚一事,她亦非常口密,只表示新居是與家人同住,未肯承認婚期。
壹:馬明遲啲會唔會搬嚟一齊住?

湯:唔該晒你!唔好意思!

壹:話你八月結婚喎?

湯:唔係呀!我都係行返出去!

壹:可唔可以傾幾句?

湯:我真係唔係,冇啲咁嘅事!

壹:依家只係去睇裝修?

湯:我不嬲都係間唔中都會嚟睇吓裝修嗰啲嘢,但係同屋企一齊住!

壹:即係之後會搬嚟住?

湯:都要睇吓!

壹:話係爸爸送俾你嘅結婚禮物?

湯:絕對唔係,我同爹哋媽咪一齊住,絕對唔關佢事!

唔通真係要保持神秘,不過馬湯情比金堅, 婚事打風打唔甩,一齊公布喜訊指日可待!
去年聖誕,馬明與靚湯一齊出席朋友的聖誕party,兩人挨到實合照相當甜蜜!
2021年元旦日,靚湯在IG限時動態上留言向大家送祝福,亦不經意露結婚玄機,原來當時她已經答應做馬太!
+6
去年聖誕,馬明與靚湯一齊出席朋友的聖誕party,兩人挨到實合照相當甜蜜!
2021年元旦日,靚湯在IG限時動態上留言向大家送祝福,亦不經意露結婚玄機,原來當時她已經答應做馬太!
感情修成正果,事業亦勢如破竹,早前馬明在《Yahoo人氣頒獎禮》上,便奪得「電視男藝人」奬,更與同場奪「圖片搜尋次數最多的香港女藝人」獎的女友湯洛雯,襯晒情侶裝出席。
緣分天注定,馬國明、湯洛雯早於16年已合拍劇集《心理追兇 Mind Hunter》,二人劇中更不乏嘴戲,不過真正過電,還始於二人各自回復單身之後。
早前靚湯Po出五隻獨角獸並排的照片,示意一家五口,已將馬明歸納成家中一份子!
經常被指「天然呆」的馬明,戀靚湯後連木訥性格亦煥然一新,不但Man爆穩重,更似足初戀少男充滿熱情,近半年不時與靚湯在社交網互動放閃,哄女友毫不吝嗇。
對女友在社交網留言十分關注的馬國明,務必第一時間畀反應,早前靚湯在IG晒出與他的Benz座駕合照,馬明立即留言讚「型!」靚湯又點會唔甜上心頭!
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多