• 壹週和你股|手快快高追了快手嗎?|譚朗蔚

  • 發布日期:2021-02-08 15:14
    最後更新日期
    :2021-02-08 15:20
  • 壹週和你股|手快快高追了快手嗎?|譚朗蔚

 

大市在今早高開300點以上,有驚喜,不過,未到半日跌幅已經要收窄了。執筆之時,指數又回到29300點的附近,即是和我在上週的預算一樣:好大可能在28900點至29300點之間徘徊,一直磨到農曆新年之後。大市欠缺動力,主要是長假期前夕,一般不願意坐太多貨的習慣吧?也是由於北水在聽日開始暫停,我們又缺少了一度水。

股民瘋狂,不多不少是由於市場暢旺,尤其是新股,彷彿是必賺的致勝良方。不是嗎?新股快手(1024)榮登了「超購王」、「凍資王」結果上市時亦不負眾望,大幅高開,每人淨袋皮幾野(抽得中的話)。至於抽唔中的又點?抽唔中就慘了,無錢賺不特止,還要在330蚊之癲高追。執筆為止,坐艇一成,穿埋300蚊大關,有人叫苦連天。

我成日話:輸唔緊要,如果係學到嘢的話,當交學費;如果係吸收唔到教訓的話,再輸都抵!高追的人犯了兩個錯誤:第一、是唔睇定點先,我從來建議起碼睇半日(甚至一日)企穩開市第一口價先好追半新股,買入後放紙鷂,用開市第一口價做防守、止蝕。如果你肯等至少半日,便會知道該股衝高之後回落,高飛曲墜,不應該買入。

第二、其實我好明白你們為什麼急住去買,就是你們在該股的暗盤見過400蚊樓上,以為一開市330蚊仲有水位。我說過了(連我本新書都有寫)暗盤,只是某幾間證券行的客戶(亦即係老散)嬉戲的小圈子(唔怕得罪講句)入面的人根本連定價的能力都無,又何來有參考價值。暗盤,從來只是用來沽(搵老散笨)從來不會用來買的。

最後,我給你們坐艇的一個忠告:憧憬港股通、快速納入恒生科技指數、MSCI、富時羅素……我知你們心裏有無限的憧憬,但是一日股價收復唔返338蚊,下方便只得一個參考支持:115元上市價。一切的夢,只能夠存活於股價收復338蚊的條件之上,到時候可能我都會買。你們求神拜佛有這麼的一日吧,我都會為你們祈禱的,哈。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所