• 累Boss傳緋聞當面道歉︱失婚康子妮拼搏搵到價值:有段時間覺得自己好廢

  • 發布日期:2021-02-10 00:05

 

心理關口

心理關口

44歲康子妮,去年離婚後,展開人生新一頁。

為生活,為供兩子出國讀書做準備,半年前她身兼幕前同保險。要背著藝人身份去見客,康子妮花了兩個月時間,才衝破心理關口,放下身段投身。

「以前有經理人、助手,唔需要自己拎嘢,有人幫我做晒所有嘢,我只需要行入鏡,背好所有台詞,要唱嘅唱好啲歌,就已經可以。但如果加入呢個行業,我係要照顧其他人。呢一點我未諗好的話,我覺得唔可以入行。直到有一日如常地同自己講嘢嘅時候,叮一聲有個想法!」

「第一批客人一定係我嘅朋友,我唔會喺街派傳單,叫大家幫我買保單架嘛!如果唔係客人,仲係我朋友嘅時候,佢半夜三更同我講,話唔舒服,可唔可以車我去醫院?我都會同樣衝出去車佢,所以客人同朋友其實有咩分別?關係唔係話我要照顧佢,而係我真正關心佢,想通呢點先入行。」

回復單身的康子妮,可以日踩十幾粒鐘工作,為的是兒子的將來及生活。
回復單身的康子妮,可以日踩十幾粒鐘工作,為的是兒子的將來及生活。
需要自我認證

需要自我認證

為一對寶貝仔未來,她可以日踩十幾小時,一星期做足七日,但這種辛勞,她找到以前沒有的價值。

「我需要安全感,同需要一個自我認證。有段時間會覺得自己好廢,唔係因為只照顧小朋友,唔係咁樣。而係覺得自己無做過一件事,係可以幫到人,唔覺得有一啲事係會以自己為榮。」
被上司形容為一輛泥頭車,康子妮忍唔住爆笑。
被上司形容為一輛泥頭車,康子妮忍唔住爆笑。
揼石仔捱起

揼石仔捱起

她,本是能幹的女人。拚搏下,揼石仔揼出第一個新人獎,三個月後又攞大獎。

「第一個月攞嘅獎唔係Top Sales,全部都寫錯晒。其實我個獎叫Top Case Producer,即係有好多單,而保額唔係好多,只係得好少,係靠保單數量去贏得呢個獎。老闆問我知唔知呢個係咩嘢獎?佢話行內人會睇,因為第一個月加入,攞到呢個獎就等於勤工獎。」
由藝人轉做保險,性格和善的她跟同事打成一片。
由藝人轉做保險,性格和善的她跟同事打成一片。
向老細再次道歉
向老細再次道歉
她口中的老闆,就是之前傳出緋聞的大學舊同學,有保險巨子之稱的Garry Chan(陳逸汮),累Boss上娛樂版,康子妮一直耿耿於懷。

「呢方面我要澄清,其實覺得好對佢唔住,因為佢係我老闆,而呢件事係影響到佢,所以我要同佢道歉。呢件事無任何幫助,只有壞處,我要再一次同你講唔好意思。」她走入老細房當面道歉。

相比之下,Garry睇得開:「新聞出咗,咪多幾個名俾同事笑囉!而家啲人會叫我做『巨峰提子』。我又唔係圈中人,呢方面好低警覺性。其實嗰刻大家淨係諗住點樣喺2020年,創造一個佢(康子妮)無諗過,但有結果嘅一年,所以都無理咁多,其實唔需要道歉。」
離婚後與上司兼舊同學Garry傳出緋聞,令康子妮耿耿於懷,訪問當日她再一次當面跟對方道歉。
離婚後與上司兼舊同學Garry傳出緋聞,令康子妮耿耿於懷,訪問當日她再一次當面跟對方道歉。
寧願抬到甩骹
寧願抬到甩骹
Garry更用泥頭車,形容這位由舊同學變下屬的康子妮。

「佢喺我哋公司出現,會令任何年齡層,由19歲到50歲嘅同事,都好鍾意同佢傾偈。但佢對自己嘅要求同蛻變,就真係無諗過可以好似一架泥頭車嘅動力。佢經常會諗自己可以做到幾多嘢,例如前面有三個袋,佢無諗過要搵人幫手拎,即使攞到甩骹或者五十肩,佢都會自己一個人拎起。」
半年內屢獲獎
半年內屢獲獎 他還說這輛泥頭車,是百年難得一遇!

「百年難得一遇,我分幾點去講,勤力就大家都知道,呢方面由讀書年代已經知道。我嘅意思係,我哋都一把年紀,要佢重新接受一件新事物係唔簡單,雖然我認識佢好耐,但無諗過佢接受重新嘅自己,或者認識自己嗰份勇氣、開放同接受係咁有拉力。」
藝人轉營不容易,康子妮花兩個月時間想通了,就決定在新的範疇勇往直前。
藝人轉營不容易,康子妮花兩個月時間想通了,就決定在新的範疇勇往直前。
日踩十幾粒鐘的康子妮,在半年內拿了「COT」,即百萬圓桌的三倍佳績,難怪被上司兼舊同學的Garry(左二),形容她有泥頭力的動力。
日踩十幾粒鐘的康子妮,在半年內拿了「COT」,即百萬圓桌的三倍佳績,難怪被上司兼舊同學的Garry(左二),形容她有泥頭力的動力。
供兩子出國
供兩子出國 之所以得到咁高評價,因為人到中年才發力,卻憑毅力入行三個月,就做到「COT」,即百萬圓桌三倍的驕人成績。演藝事業冇得過獎,反而在另一舞台,她發亮光。

「以前會覺得,呢啲獎好似好市儈,但後來諗番,以前喺娛樂行業都有非常多比賽同獎項,每星期都有勁歌金曲榜,每一年都有頒獎典禮,其實所有行業都一樣。」

開行turbo的動力,源於他。

「呢啲奬項背後,如果無原因、無目的嘅話,就好難可以獲得。其實唔係想要個獎,而係背後因為小朋友,同埋想為自己建立啲嘢。我打算儲一筆錢俾小朋友出國讀書,亦想置業,有屬於自己嘅地方,有咗目標,原來我真係可以一至日都工作,有時候連午餐都無時間食,只係隨便食個麵包,係會咁樣。」捱到金睛火眼,她將會以自己為榮。
 與前夫林曉峰的共識,就是令兩子生活得好同開心,故各自重新出發後,都努力工作,亦可繼續一家人坐埋食飯。
與前夫林曉峰的共識,就是令兩子生活得好同開心,故各自重新出發後,都努力工作,亦可繼續一家人坐埋食飯。
每提起兩個兒子的懂事,康子妮就會感動得眼泛淚光。
每提起兩個兒子的懂事,康子妮就會感動得眼泛淚光。
 昔日常站在舞台當和音,今日在一個小角落座位埋頭苦幹,她說一樣享受。
昔日常站在舞台當和音,今日在一個小角落座位埋頭苦幹,她說一樣享受。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多