• 張衞健留港伺候83 歲母親 同老婆張茜中港分隔一年 :希望3月可以見!

  • 發布日期:2021-02-08 00:01

 

55 歲的張衞健受疫情影響,同老婆張茜「分居」一年有多。出名孝順的Dicky , 全年留守香港,照顧已經83歲的媽咪。變相同長駐北京的張茜足足冇見一年,所有大小節日都要分開渡過。就算年近歲晚,兩公婆依然要分隔兩地。

日前Dicky 接受《壹仔》訪問,都無奈地表示原本以為等幾個月,由年頭等到年中,年中又等到年尾,到而家都未見得。不過,Dicky 同老婆已經有共識,希望今年3月,夫妻團聚。疫情之下,要同屋企人分隔兩地,相信唔止Dicky , 好多香港人都身同感受。

Dicky 媽曾在泳池遇溺

Dicky 媽曾在泳池遇溺

張衛健同張茜由相識、拍拖到結婚,足足24 年,依然恩愛。出名是「愛妻號」的他,婚後一直有兩頭住家,一個香港、一個北京。平日習慣中港兩邊走,服侍生命中最重要的兩個女人。奈何因為疫情關係,近一年Dicky 唯有二揀一。已經83 歲的Dicky 媽,身體非常壯健,《壹仔》每次見到她都十分精神,而且健步如飛。不過,其實早在13 年,Dicky 媽試過在酒店泳池遇溺,期間曾經兩度停止心跳同呼吸,慶幸最後大步攬過。之後,Dicky 就更加珍惜同媽咪相處的時間。
張衛健同張茜由相識、拍拖到結婚,足足24 年,依然恩愛。
張衛健同張茜由相識、拍拖到結婚,足足24 年,依然恩愛。
疫情之下,Dicky同長駐北京的張茜足足冇見一年,所有大小節日都要分開渡過。
疫情之下,Dicky同長駐北京的張茜足足冇見一年,所有大小節日都要分開渡過。
13 年,Dicky 媽試過在酒店泳池遇溺,期間曾經兩度停止心跳同呼吸,慶幸最後大步攬過。
13 年,Dicky 媽試過在酒店泳池遇溺,期間曾經兩度停止心跳同呼吸,慶幸最後大步攬過。
同媽咪搬港島

同媽咪搬港島

在疫情之下,往返中港兩地要隔離近一個月,Dicky 唔放心媽咪獨自留在香港,寧願放棄工作同老婆,決定留港貼身伺候媽咪。日前他接受《壹仔》訪問時,講到原來老婆張茜同時亦要留守北京,照顧年老的媽咪,所以兩公婆迫於無奈要分隔兩地。加上,Dicky 原本同媽咪同住大埔道豪宅,最近才搬去港島區,媽咪要適應新生活,又少了一班相熟的街坊朋友,Dicky 更加要抽多點時間陪媽咪適應新環境。不過,他表示多年來已習慣同老婆都分隔兩地,平日都各有各忙。但始終成年冇見,只能靠FaceTime 聯繫 ,Dicky 都坦言想盡快見到老婆,希望3 月如願。
近月Dicky時不時陪住媽咪四圍去,早前更一齊去打流感針。
近月Dicky時不時陪住媽咪四圍去,早前更一齊去打流感針。
孖住超市入貨
孖住超市入貨
近月在Dicky微博都發現,他時不時陪住媽咪四圍去,兩母子一齊行山,又一齊去打流感針。日前又俾《壹仔》撞到兩母子孖住行超市。Dicky 全程負責推住購物車,兩母子主要揀食材、麵包,更買了一大個蜜瓜。之後Dicky抽住兩大袋戰利品,落扶手電梯時,一直叮囑媽咪要小心,望到實一實,果然夠細心。
日前兩母子孖住行超市入貨。
日前兩母子孖住行超市入貨。
Dicky抽住兩大袋戰利品,落扶手電梯時,仍一直叮囑媽咪要小心。
Dicky抽住兩大袋戰利品,落扶手電梯時,仍一直叮囑媽咪要小心。
減產陪屋企人
減產陪屋企人
近年Dicky為了留多點時間陪屋企人,已經進入半退休狀,自從19 年拍完《大帥哥》之後,亦冇再接劇。當年Dicky 在內地,努力搵人仔,更投資有道,買轉頭保值。在北京,Dicky 擁有三個物業。其中一個位於朝陽區的5 千呎豪宅,送給老婆的安樂窩。在香港,他亦先後購入三個嘉亨灣單位,跑馬地雲暉大廈、維景灣畔、大埔爾登華庭等等,物業總市值超過1.2 億。 身家豐厚,難怪Dicky 可以輕輕鬆鬆,提早個半退休生活,專心服侍屋企兩個女人!
自從19 年拍完《大帥哥》之後,Dicky冇再接劇,寧願留多點時間陪屋企人。
自從19 年拍完《大帥哥》之後,Dicky冇再接劇,寧願留多點時間陪屋企人。
早年Dicky在北京買入三個物業,其中一個位於朝陽區的5 千呎豪宅,送給老婆的安樂窩。
早年Dicky在北京買入三個物業,其中一個位於朝陽區的5 千呎豪宅,送給老婆的安樂窩。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多