• 為兒子落淚︱ 44歲康子妮不感離婚失敗:係咪結婚幾十年就等於贏呢?

  • 發布日期:2021-02-10 00:01

 

44歲康子妮,去年與林曉峰結束18年婚姻,令外界嘩然。當關係走到盡頭,這對過氣夫妻,成熟地選擇互相祝福。回到單身,為生活為兒子,康子妮也估不到啟動引擎,全速前進的馬力,可以如此強大。

由幕前轉到保險界搏殺,這日連訪問都在她的辦公室進行。其坐位只是一小角落,但辦公室的閒休區,卻放了她的鋼琴。日踩十幾粒鐘,連假期也返公司拼搏,公司彷彿是她第二個家。

大學時修讀音樂,又會撰寫琴譜,記者請她即席彈奏,康子妮選了方皓玟名作《你是你本身的傳奇》。

「你是你本身的傳奇,前路裡振翅再高飛,即使不完美,只需經歷你自己。」她沒說甚麼,但知道這是她的歌。

重回單身,44歲康子妮肩膊更壯闊,她拚搏動力,是想儲夠彈藥供兩子出國讀書。
重回單身,44歲康子妮肩膊更壯闊,她拚搏動力,是想儲夠彈藥供兩子出國讀書。
現任保險,為生活為孩子由朝打拚到晚,她把鋼琴搬到辦公室,除因新居容不下,放在公司也可隨時減壓。訪問當日,即席彈奏喜歡的《你是你本身的傳奇》。
現任保險,為生活為孩子由朝打拚到晚,她把鋼琴搬到辦公室,除因新居容不下,放在公司也可隨時減壓。訪問當日,即席彈奏喜歡的《你是你本身的傳奇》。
返屋企對住四面牆

返屋企對住四面牆

“高與低 得與失 即使無法躲避“

“高與低 得與失 即使無法躲避“

當愛已成往事,關係「切割」,康子妮說下單身決定,已沒太多掙扎。

「雖然做決定好快,但都會驚,有好多嘢諗。當中我發現自己原來有一個質素,就係決定咗一件事,我會work backward,因為從前冇乜自信,若諗好咗目的地,然後就會知道應該點樣行,放低恐懼,放低唔知點算嘅感覺。」

由四口變一個人生活(兩子跟父親林曉峰住),適應孤單初期,回家面對四幅牆,會一時感觸而哭。

「返到屋企發現間屋好黑,無人開燈,無人聲,試過全日都無人同我傾偈,然後再講嘢嘅時候,發覺聲線變沙,因為好耐無講過嘢。我試過去超市購物,聽到旁邊太太問呢隻肉好唔好食呢?因為自己好耐無講嘢,然後忍唔住搭訕,話呢隻肉唔錯,我曾經食過,哈哈。」

「當然會有喊,如果話畀你聽成件事無喊過就係呃你嘅,我覺得一定要喊,要懂得抒發,我亦會用聽歌、唱歌、彈琴、寫作、搵朋友及同事傾偈,呢啲全部都係抒發。」

「要自己生活,都係一個挑戰,要照顧自己,同一時間都要照顧小朋友,呢啲全部都可以係一個好大嘅挑戰,有好多事情會放咗喺自己膊頭。不過我唔需要太多時間就適應,大約一星期左右。」

面對父母離異,孩子比她想像中強。

「我覺得佢哋好叻,好成熟,到今日都好明白整件事,知道雙方已經有呢個決定嘅時候,佢哋經過消化明白,所以反應係好平靜同平和。但當然一定會有啲唔開心嘅情況,期間我都經常主動同佢哋傾偈,我知道有啲事情如果唔講,係可以一世都唔講,但可能會留低負面情緒,所以我會經常同佢哋傾偈。」長仔林寶已17歲,次子林熙16歲。
有種歉疚
有種歉疚
說到兒子,觸及痛處落淚。
說到兒子,觸及痛處落淚。
離婚新聞爆出當日,正是大仔林寶生日,成為康子妮至今痛心的一根刺。
離婚新聞爆出當日,正是大仔林寶生日,成為康子妮至今痛心的一根刺。
“我也想哭 你今天知道嗎“
“我也想哭 你今天知道嗎“
離婚事件叫她最難受,是被爆當日,正是兒子生日,說到此,康子妮落淚。

「我最唔開心係因為嗰一日(被傳媒爆出離婚消息)係9.11,9月11日,係我嘅大仔生日,我覺得好似送咗一份好差嘅生日禮物畀佢。」明知非她掌控,但愛錫兒子的母親,還是自責歉疚。

「如果唔係有人報料的話,我係無諗過講,因為我覺得呢啲係私事,同埋好清楚自己喺呢一行又好,甚至喺社會上又好,我嘅新聞價值係好低,who cares?如果我跳番出嚟去睇番自己,會覺得你係邊個?你離婚關我咩事?因為咁嘅緣故而影響到小朋友,係我最唔想。雖然唔想但都發生咗,我都有同哥哥道歉。」

幸而兒子的反應,是她的安慰。

「佢同細佬其實好成熟,好多時會掉番轉頭安慰我,會覺得其實一早已經知道,整個過程都知道,亦已經預咗,所以佢叫我唔好因為呢件事唔開心,只不過咁啱遇着佢生日,佢話唔係你特登安排嘛!我都好多謝佢,好感恩兩個小朋友都咁好,有一件事我要澄清,我每次喊都係因為諗起小朋友,無其他原因。」說罷,努力抹乾眼淚。
婚姻兩字
婚姻兩字
當年婚後兩年抱兩,現年大仔林寶17歲,林熙16歲。
當年婚後兩年抱兩,現年大仔林寶17歲,林熙16歲。
“天公不造美 幾經風浪 也是你“
“天公不造美 幾經風浪 也是你“ 那年,25歲嫁人,對婚姻滿是憧憬,今天44歲經歷失敗,又如何解讀婚姻兩字。

「細個時會同自己講,要二十五歲前結婚,自己都唔知點解,點解係二十五歲呢?所以小時候就會有啲無原因嘅目標。但其實關係唔可以用歲數同時間去衡量,當中必然係有啲地方出錯,一隻手拍唔響。」

「首先我唔覺得係婚姻失敗,我認為只係過程,當中無分贏輸,因為失敗等於輸,所以我唔覺得有贏輸呢回事。係咪結婚幾十年就等於贏呢?我見過好多人都只係喺水面行,兩個人好似喺好薄嘅冰上行緊,雖然可以行好耐,但其實互相唔認識對方,只要有事情發生,就會出問題,只不過咁啱無嗰個觸發點,所以我唔覺得今時今日咁樣係失敗。」
“被壓抑的 習慣按耐難說出嗎“
“被壓抑的 習慣按耐難說出嗎“ 「如果要講呢件事嘅失敗,自己同其他人嘅溝通技巧,或者呢方面就係我失敗之處。我喺溝通上的確係出現障礙,過往會將事情放喺心裡面,唔會講出嚟。以前經常唔識得表達,有段時間直接講唔到,好似啞咗咁樣。如果呢方面有改善的話,我會變得更好。離婚冇影響我將來點睇呢件事(婚姻),我唔係話要再婚,完全唔係咁樣,只係唔會因為經歷而受影響,或者對婚姻有個壞印象。」
冇仇冇恨
冇仇冇恨 夫妻的修為,就是分開也互不數落。前夫林曉峰曾在IG寫下:「我同你@ukelily冇仇冇恨就好,何須理會他人指指點點,只有我同你@ukelily明白,呢個係對大家最好的決定,你已經付出所有,以後為自己理想努力向前……」

因為無須仇恨,所以兩人離婚後,仍能繼續坐埋一齊,一家四口共膳。

「佢都講咗,我哋真係無怨無恨。同埋到今日我哋仍然有一個共同目標,就係要令小朋友生活好,當大家都有呢個目標嘅時候,就可以坐埋一齊食飯。我都有同佢講,我都希望你好,我直接同佢講嘅,因為佢好,小朋友自然就會好。」

離婚一役,學識溝通,她說比以前敢於表達。

「所以有啲事係好定壞?就睇吓你自己點睇。今時今日我係叻咗少少(表達),而家會比較直接,亦會大膽講嘢,表達一啲以前唔敢講嘅說話,無論好與壞,我都會直接講。當然恒常溝通都一定係同小朋友或關於家庭運作有關。」
18年夫妻雖然最後分開,但仍彼此護航,林曉峰在IG寫了一段說話:「我同你@ukelily冇仇冇恨就好,何須理會他人指指點點……」
18年夫妻雖然最後分開,但仍彼此護航,林曉峰在IG寫了一段說話:「我同你@ukelily冇仇冇恨就好,何須理會他人指指點點……」
就算不成夫妻,也是愛錫兩個孩子父母。「我哋有一個共同目標,就係要令小朋友生活好,所以就可以坐埋一齊食飯。」康子妮說。
就算不成夫妻,也是愛錫兩個孩子父母。「我哋有一個共同目標,就係要令小朋友生活好,所以就可以坐埋一齊食飯。」康子妮說。
對前夫,但願一切安好。「見到佢有嘢做,工作量好多嘅時候,其實我會好開心,見到佢嘅工作性質,都係自己喜歡嘅主持工作,打從心底都希望佢做好呢個節目,我會收睇同埋支持佢,同以前一樣,因為佢係一個好好嘅主持,真係做到莊諧並重嘅其實好少。再加上佢係一位好好嘅歌手,佢把聲好好聽,唱歌好好,只係唔係太多人知。」
 林曉峰在康子妮心中,是壯諧並重的主持,還有唱歌的才華。冇仇冇恨的過氣夫妻,依然可以互相欣賞。
林曉峰在康子妮心中,是壯諧並重的主持,還有唱歌的才華。冇仇冇恨的過氣夫妻,依然可以互相欣賞。
人言可畏
人言可畏 做幕前多年,甚少當上娛樂頭條,直至離婚爆出成焦點,她感受到人言可畏。

「我嘅新聞見報後,本身都無留意,因為知道如果睇嘅話,自己會好唔開心,所以相隔幾個月至半年後,我先至開始睇番,發覺原來有啲人都批評得我幾犀利。」

「我知道難聽嘅說話係唔會停,亦realize(意識到)情況係咁樣。我覺得都唔緊要,總之我做自己認為係啱嘅事,即使我今日做呢個訪問,都希望其他人唔好諗住入嚟聽或者睇我講一啲好juicy嘅事情,講兩個人之間嘅關係,其實坦白講,聽完之後對你有咩益處?只係茶餘飯後多一個話題,但整件事無養份,唔會令你學到嘢。相反我會諗,呢班人係鼓勵咗我去諗一啲美好嘅事,就係我講一啲好事,然後你都有負面想法的話,呢個就係你嘅學習模式。」
曾經覺得自己廢
曾經覺得自己廢 單身後,了解自己;了解自己,才單身?

「有一次同鄭伊健去雲頂開騷,然後大家去宵夜,有個樂手問我鍾意飲咩,當時喺一間酒吧裡面,嗰刻我突然間啞咗,我發現原來唔知道自己鍾意飲咩,跟住開始不停問自己鍾意飲咩,而我係想答熱水。我先發現原來連自己鍾意飲咩、鍾意咩顏色,一啲好基本嘅嘢都無同自己講過,所以由嗰刻開始,間中都會問吓自己問題。」

「以前有段時間,會覺得自己好廢,唔係因為只照顧小朋友,唔係咁樣。而係覺得自己無做過一件事,係可以幫到人,我搵唔到有一件事係會以自己為榮。」她開始思考,如何尋回自己的價值。

「所以一直都有個概括嘅人生目標,想做一啲事能夠幫到其他人,而同一時間自己又會好開心。期間都會不斷諗點樣可以做得到呢?但同一時間又要平衡,因為需要生活嘛,真係要搵小朋友同自己嘅生活費,但呢個想法經常喺我腦海裡面出現。」
十年前撕碎的夢
十年前撕碎的夢
 44歲,沒有放棄音樂夢。「而家我會想再讀書,想讀Music Therapy(音樂治療),我覺得將來可以能夠幫到其他人。」她說。
44歲,沒有放棄音樂夢。「而家我會想再讀書,想讀Music Therapy(音樂治療),我覺得將來可以能夠幫到其他人。」她說。
 在多倫多大學音樂系畢業,康子妮能唱能奏,近年還寫琴譜,亦曾為鄭伊健、容祖兒個唱擔任和音,受賞識。
在多倫多大學音樂系畢業,康子妮能唱能奏,近年還寫琴譜,亦曾為鄭伊健、容祖兒個唱擔任和音,受賞識。
“只要相信夢 定能飛“
“只要相信夢 定能飛“ 現在終能一步一步實現夢想。正如前夫IG跟她說:「你已經付出所有,以後為自己理想努力向前……」

「而家我會想再讀書,想讀Music Therapy(音樂治療),我覺得將來可以能夠幫到其他人。」這個十年前的夢,曾經準備起飛。

「其實十年前曾經報名,當時姑姐係兩個仔嘅補習老師,點知突然姑姐有病,唔能夠再嚟幫我手。我記得佢同我喺電話講嗰一晚,我就將所有報名表、支票撕爛晒,因為我知道如果報名後,至少需要兩至四年時間去修讀課程,就無咁多時間去照顧小朋友。」
 在多倫多大學音樂系畢業,康子妮能唱能奏,近年還寫琴譜,亦曾為鄭伊健、容祖兒個唱擔任和音,受賞識。
在多倫多大學音樂系畢業,康子妮能唱能奏,近年還寫琴譜,亦曾為鄭伊健、容祖兒個唱擔任和音,受賞識。
經濟壓力
經濟壓力 她坦言:「經濟壓力係經常都有,做藝人嘅時候點會無經濟壓力,經歷過一啲低潮,更加知道要好天斬埋落雨柴。自小亦受爸爸潛移默化,我爸爸做銀行,佢經常同我講,做人一定要有plan B,唔可以只得一條路行。所以好有趣,佢置業嘅地方,都一定要有幾條路出入,如果只得一條路出市區嘅就唔得,佢會應用喺所有事情上。例如去戲院睇戲,佢就一定會先搵出口。」

「受佢教育影響,以前會覺得一頭家唔可以只靠一個人去搵錢,一直以嚟都會有個危機感,所以會做好多工作。」還是人妻時,就算做家庭主婦,也兼職多瓣,網購、賣飾物、寫琴譜、唱和音。
單身後的壯闊肩膊
單身後的壯闊肩膊
 在演藝圈沒得任何獎項,但在另一個事業舞台,卻發光發亮。
在演藝圈沒得任何獎項,但在另一個事業舞台,卻發光發亮。
 憑著毅力,轉營的她,由揼石仔開始捱上去,首月就獲頒勤工獎。
憑著毅力,轉營的她,由揼石仔開始捱上去,首月就獲頒勤工獎。
“就算今天的你哪年紀 活著就無悔地 做個你愛的你“
“就算今天的你哪年紀 活著就無悔地 做個你愛的你“ 半年前,由藝人轉做保險經紀,揼石仔捱上去,首月就拿勤工獎,3個月後,入百萬圓桌。單身後的肩膊,更闊壯。

「其實我個獎叫Top Case Producers,即係有好多單,而保額唔係好多,靠保單數量去贏得。老闆問我知唔知呢個係咩嘢獎?佢話第一個月加入,攞到呢個獎就等於勤工獎,要好努力、好勤力見客先可以。」

「努力去做,其實唔係想要個獎,背後嘅動力係為咗小朋友,同埋想為自己建立咩嘢,否則好難堅持。我打算儲一筆錢畀小朋友出國讀書,我亦想置業,擁有屬於自己嘅地方,因為咁,我真係可以一至日都工作,有時候連午餐都無時間食,只係隨便食個麵包,係會咁樣嘅。」
採訪:S.Lo

攝錄:曾衛惠

場地鳴謝: YFLife Insurance Wone Region
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多