• 《造星III》ANSONBEAN獲封姜濤接班人:佢係我嘅學習對象|Dry咗兩年開出3大擇偶條

  • 發布日期:2021-02-07 12:00

 

在《全民造星III》奪得季軍的ANSONBEAN陳毅燊,今年只得19歲,絕對是一名小鮮肉。得獎後ViuTV火速安排他參與節目《囝囝女女730》與大台《東張西望》對撼。最近,ANSONBEAN的廣告、活動、電視節目陸續推出,絕對是金蛋。被外界喻為姜濤接班人,姜濤當日便指自己還是處男成為熱話,原來ANSONBEAN的拍拖經驗也不多。

俾花姐鬧過

俾花姐鬧過

ANSONBEAN憑可愛迷人的笑容,加上跳舞兼各方面的表現也不俗,比賽初期已成功取悅霸氣花姐,更搶先與花姐一起拍廣告,現時當然備受力捧。其實他早已簽約經理人公司,更是水原希子的師弟,他便表示十分期待合作。他以前主攻model工作,現在有傳寰亞看中他,開出吸引條件,想從ViuTV手上撬走他,不過公司十分愛錫他,,而且花姐亦特別鍾愛他,但ANSONBEAN卻指花姐也曾罵過他:「我覺得佢唔會特別偏心,因為有時我做得唔好佢都會批評,我覺得同其他參賽者嘅偏心程度,或者係照顧程度都差唔多。只係有時面試或者綵排,佢會帶支水比我,因為我表演成日都流好多汗,佢呢個時候會關心下我。」外界經常指ANSONBEAN是姜濤接班人,但他卻謙虛地表示:「我當然當人哋係講笑,因為我覺得自己同姜濤比,佢已經出道一段時間,佢好多表演經驗同埋技巧都比我豐富,所以我覺得唔可以同佢比,佢絕對係我嘅學習對象!」
三大擇偶條件

三大擇偶條件

有樣有外型必定受不少女仔歡迎,但ANSONBEAN同師兄姜濤一樣,現在仍未拍拖  他有三大擇偶條件,要長髮、性格獨立更要懂得為自己打算。Anson :「我鍾意長頭髮,因為我睇過一個科學報告,好似獅子同埋馬騮擇偶時,都會覺得對方有更多無法會比較吸引。仲有個女仔要比較獨立,因為自己都偏向獨立嘅人,不會規律性地約朋友,可能大家都忙於工作,我會鍾意個女仔識得為自己打算,或者有一個目標。」ANSONBEAN過往拍拖,也有蝦碌事情發生。Anson :「已經好耐冇拍拖,大約兩年前,我嗰陣以為自己拍緊拖,但對方就話大家從來冇拍過拖,所以其實我都冇乜拍拖經驗。」不過他便表示,眼見身邊朋友為了拍拖反而感覺很疲倦。Anson :「因為有時見到身邊啲朋友拍拖都會覺得佢哋好攰,我鍾意咗獨處,時間上管理都比較好,唔單只係感情事,有時一班人合作的確會學到好多嘢,但係時間配合上比較麻煩,所以我覺得單身都幾好。」Anson 更認為自己不會有拍拖機會,因為他曾經拜神,師傅說他未來數年也會專注在演藝事業上。
從小培養表演興趣
從小培養表演興趣
不少人也知道,ANSONBEAN媽媽是舞蹈老師,更開設舞蹈中心,在香港已有三間分校,所以從小開始,ANSONBEAN已學習跳舞,慢慢愛上表演。Anson :「由細到大都好鍾意表演,因為屋企人都有跳舞背景,所以一有時間就會接觸跳舞,同時幸運地參加左一啲musical,發覺自己對唱歌同埋演戲都有興趣,就開始懷疑自己唔係淨係鍾意跳舞,而係鍾意表演,當時希望成為一位舞蹈員或者想做明星。」不過他的家人最初並不是百分百支持。Anson :「因為其實佢係呢一行都有經驗,然後覺得呢一行未必適合我,或者唔建議我做呢一行,佢哋希望叫我用業餘性質去做當成興趣,但唔會好鼓勵我。」兩年前還在英國讀書的ANSONBEAN,錯失參加《全民造星》最初兩季的機會,我們問到他如果當日自己參加第一季和姜濤對撼,會否覺得一山不能藏二虎?Anson :「真係唔知發生咩事,如果兩年前參加我會覺得自己未準備好,今年參加之前有更多時間準備,但我覺得近三年來自己人生都算順暢,對於所有抉擇都係無悔。」

在今年的參賽者當中,ANSONBEAN年紀較小,除了導師評判,就連一眾參賽者也當他小弟弟看待特別照顧,他便有這個見解:「我只係會企出嚟然後引到其他人發笑嗰個角色,即係變咗一個搞笑嘅角色,然後其他人都會覺得需要照顧我,不過其實我唔算所有時間都要俾人照顧。」
在《全民造星III》奪得季軍的ANSONBEAN陳毅燊,今年只得19歲,絕對是一名小鮮肉。
在《全民造星III》奪得季軍的ANSONBEAN陳毅燊,今年只得19歲,絕對是一名小鮮肉。
最近,ANSONBEAN的廣告、活動、電視節目陸續推出,絕對是金蛋。
最近,ANSONBEAN的廣告、活動、電視節目陸續推出,絕對是金蛋。
ANSONBEAN可愛迷人的笑容,加上跳舞兼各方面的表現也不俗。
ANSONBEAN可愛迷人的笑容,加上跳舞兼各方面的表現也不俗。
有樣有外型必定受不少女仔歡迎,但ANSONBEAN同師兄姜濤一樣,現在仍未拍拖  他有三大擇偶條件,要長髮、性格獨立更要懂得為自己打算。
有樣有外型必定受不少女仔歡迎,但ANSONBEAN同師兄姜濤一樣,現在仍未拍拖  他有三大擇偶條件,要長髮、性格獨立更要懂得為自己打算。
在今年的參賽者當中,ANSONBEAN年紀較小,除了導師評判,就連一眾參賽者也當他小弟弟看待特別照顧。
在今年的參賽者當中,ANSONBEAN年紀較小,除了導師評判,就連一眾參賽者也當他小弟弟看待特別照顧。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多