• Anson Lo曾受負評辱及家人 新歌揭網絡惡毒欺凌:如監生撕開一個人

  • 發布日期:2021-02-07 00:01

 

跳唱新歌《EGO》

跳唱新歌《EGO》

Anson Lo盧瀚霆2020年以個人身份出道,成績立見,橫掃《第四十三屆十大中文金曲》、《叱咤樂壇流行榜頒獎典禮》、《新城勁爆頒獎禮》新人獎。

食住個勢,近日推出跳唱新歌《EGO》,上載YouTube不足一日已有近10萬收看次數、千次留言,人氣一時無兩!Anson Lo指此歌是他至今最難唱,舞步亦最為複雜的作品。另外,他強調是次不單「睇跳舞咁簡單」,事關MV會有更多戲劇情節,意識形態上亦會更豐富,且圍繞科技感覺多一點。

新歌《EGO》,Anson Lo強調不單「睇跳舞咁簡單」。
新歌《EGO》,Anson Lo強調不單「睇跳舞咁簡單」。
網絡欺凌

網絡欺凌

至於新歌《EGO》內容方面,主要講述網絡欺凌與暴力現象,歌詞中亦不含糊直言網絡世界的交流是「欠理智到處放刺」,所用言詞「就像越毒辣越是神聖」,講道理講教養?「哪裡有意思」!

因此,Anson Lo希望藉著新歌告訴大家:「即使喺言論自由嘅社會之下,每個人都有權利去講自己想法或者批評,但喺做最真實自己嘅同時,其實都可以互相尊重,唔需要以人身攻擊去傷害其他人。」
內容圍繞網絡欺凌現象,直言有些網民說話,「就像越毒辣越是神聖」。
內容圍繞網絡欺凌現象,直言有些網民說話,「就像越毒辣越是神聖」。
專注表演免影響心情

專注表演免影響心情

問到新歌是否反映了他的不快經歷,Anson Lo表示不覺得自己曾被網絡欺凌,但作為藝人,批評一定有。「每次見到有批評自己嘅評論,坦白講一定會唔開心,會覺得又俾人鬧,一定會有呢種感覺。所以喺出道呢兩年,其實都不斷調節緊,究竟面對住網絡上嘅批評,應該用咩嘢心態?自己面對負評嘅解決方法,就係唔好在意其他人嘅意見影響心情,反而應該在意自己嘅表現,當你好緊張表現嘅時候,就唔會有閒情逸緻去唔開心。」他說。

不是完全無視他人批評,畢竟批評,某程度也是意見、是建議。適當地面對和接受,是令自己最快進步的途徑。之但係,網絡世界「意見」很多,很容易順得哥情失嫂意。有時與其模稜兩可,倒不如堅持己見、做好自己。Anson Lo如此認為:

「例如每次出新歌,出跳唱歌嘅時候,就會有意見話點解唔出慢歌?到我推出慢歌時,大家又會話點解唔繼續自己嘅跳唱風格?滿足到一個,都滿足唔到第二個。既然係咁,不如相信自己做緊嗰件事喺當刻係啱嘅,唔應該再猶疑,全心全意做好嗰件事。例如,已經選擇推出跳唱歌,即使大家唔認同,我都唔應該再猶疑,反而應該堅持將歌唱做到最好,我覺得成效會更大。」
批評一定有,唯有調節情緒,並把精神全集中在個人表現上。
批評一定有,唯有調節情緒,並把精神全集中在個人表現上。
面對他人意見,滿足到一個,都滿足唔到第二個。不如不再猶疑,堅持做好目前。
面對他人意見,滿足到一個,都滿足唔到第二個。不如不再猶疑,堅持做好目前。
底線
底線
不過,每人都有底線,Anson Lo最難忍受的便是辱及家人。「之前屋企隻狗仔過身,相隔半年後屋企人決定再領養一隻新狗仔,然後有人去攻擊我新領養嘅狗仔同埋屋企人。其實任何涉及家庭或者屋企人層面,自己就接受唔到。《EGO》副歌部分有講,形容網絡暴力好似監生撕開一個人。其實你要去傷害一個人感情好簡單,一句說話都可以令對方唔開心好耐。但掉番轉頭諗,無人會想咁樣被傷害,所以自己都係代入呢個情緒,想大家多啲體諒。」

《EGO》部分歌詞:「句句惡咒要說到夠,把他身體撕開方休。似個殺手,殺戮,哪會顫抖!還賣力奉送惡毒問候。隱了名,四出挑釁批鬥,哪位真的可追究?」不難令人體會「人言可畏」。
Anson Lo最難忍受的便是辱及家人。
Anson Lo最難忍受的便是辱及家人。
家中狗狗過生,然後再領養一隻新的狗狗,都可以被攻擊。
家中狗狗過生,然後再領養一隻新的狗狗,都可以被攻擊。
人言可畏!何況網上世界大家「隱了名,四出挑釁批鬥,哪位真的可追究」?
人言可畏!何況網上世界大家「隱了名,四出挑釁批鬥,哪位真的可追究」?
摘下光環
摘下光環
2021年,Anson Lo摘下新人光環。網上網下,斷估批評有增無減。對此,他已做好心理準備:「二○二○年做咗一年新人,其實由第一日開始已經知道,今年係最後一年大家會對我有更多體諒,呢一年大家可能仲會話因為你係新人,所以會俾多少少時間你去適應同進步。但今年已經唔係新人嘅時候,其實唔需要其他人同我講,自己都知道,大家已經當你係已出道、合資格嘅歌手藝人。所以喺各方面,唔單只唱歌,例如演戲,甚至平日拍攝廣告時,都要予人一種訓練有素、有專業態度嘅藝人身份去工作。所以呢份壓力唔係其他人俾自己,其實係自己俾自己,每一日都要不斷提點自己,呢方面要時刻警覺。」
摘下新人光環後,Anson Lo提醒自己,唱歌、演戲甚至拍廣告,都要予人感覺訓練有素。
摘下新人光環後,Anson Lo提醒自己,唱歌、演戲甚至拍廣告,都要予人感覺訓練有素。
採訪、撰文:ET

攝錄:余一樂、晴晴

剪接:張二

化妝:Rainbow Kwan、Tifa Tai @AnnieG.Chan Makeup Centre

髮型:Denny Ku @Chic Private I Salon
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多