恒指今日稍為調整，最多跌過200點左近，不過我認為咁樣好，因指數在上星期RSI落到50左右見底反彈上來，話咁快企穩我話要企穩先脫險的29,000點，目前再在這個位磨兩磨，有確認企穩再上的作用架，所以無需挑剔。
焦點是阿里巴巴（9988）的業績？業績純利增長，電商收益亦都是增長，但是股價下跌喎。又話勝大行預期？點解會咁？原因其實一字咁淺，就是馬雲。阿爺個個都讚，淨係唔讚佢，已經是最佳表態。業績是過去，前景先是重點。反壟斷法下併購困難，如何實現高增長？你諗得到答案你就買。
今日反為想講講隻維達（3331）。集團日前公布業績，淨利升65%之餘，收入升3%。市場關注紙漿價格上升對毛利的影響，但是集團擁有半年的儲備，足以控制成本的壓力。股價強勢一段時間然後近日回調，落到25蚊有顯著支持，不容易跌穿，最適合現價買。目標價上望29，止蝕23.5元。
作者簡介：新一代股評人譚朗蔚（Stevan），以嬉笑怒罵和幽默分析見稱。股民以為佢只靠外表搵食，但佢偏以勤力分析，揸緊宗旨取勝。佢曾改編歌詞，唱盡股民心聲；又cosplay丁蟹、悟空及大帥哥搞投資Talk Show，顛覆傳統，成為「最貼地股評人」。
Stevan最信奉「萬種行情歸於市」，認為炒股最緊要就是跟勢。佢深信「破頂無頂，天空是頂」，專門為大家發掘強勢破頂股份，佢話「上面無蟹貨無阻力，讓子彈飛」！
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所 」
