• 過年開工要派利是 姜濤:覺得怪怪地,未習慣

  • 發布日期:2021-02-02 12:53
  • 過年開工要派利是 姜濤:覺得怪怪地,未習慣

 

入行兩年的姜濤,近日被潮流運動品牌邀請拍攝新一季廣告,廣告以姜B的音樂歷程做主題,一班姜糖一定好鍾意。對於自己,姜濤表示仍有不足,但會努力做好每一個工作,他說:「其實今次廣告同我都好似,起初攝影師都叫我擺番啲天然呆嘅Pose,回憶翻好似剛剛入行嗰陣,好多時未了解到發生咩事;到依一刻發現自己唔係新人喇,要Move on冇人再畀機會你去試,要更加有自信去做每一件事,所以去到拍攝後半段佢地叫我眼神要肯定啲!哈哈,不過我都唔知做唔做到品牌嘅要求。」

由樂壇新人獎晉身成為「我最喜愛歌手」得主,地位急速變化, 姜B說要重新適應:「好似就嚟過年,以前我係負『逗』利是,依家經理人同我講,過年開工要派利是畀工作人員,我都覺得怪怪地、未習慣,但係成長過程就係咁,慢慢去學囉,而且身邊嘅人真係幫咗我好多,派畀大家都係開心嘅。好彩過年前接到呢個廣告,當做幫補吓啲利是錢。」講到就快過年,姜B話新年都要開工,「都唔敢周圍去住,如果攞到幾日假,想好好休息吓,諗吓有咩音樂靈感,來年從新出發。」

姜濤近日被潮流運動品牌邀請拍攝新一季系列廣告,最正的是廣告是以姜B的音樂歷程做主題。
姜濤近日被潮流運動品牌邀請拍攝新一季系列廣告,最正的是廣告是以姜B的音樂歷程做主題。
對於自己,姜濤表示仍有不足,但會努力做好每一個工作。
對於自己,姜濤表示仍有不足,但會努力做好每一個工作。
姜B表示以前負責逗利是,今年新年開工要派利是比工作人員,自言覺得怪怪地,仍未習慣。
姜B表示以前負責逗利是,今年新年開工要派利是比工作人員,自言覺得怪怪地,仍未習慣。
講到就快過年,姜B話新年都要開工, 如果攞到幾日假,想好好休息吓。
講到就快過年,姜B話新年都要開工, 如果攞到幾日假,想好好休息吓。

----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多