• 馮允謙在港生活十年視為家:比加拿大安全,凌晨放心落街買嘢食

  • 發布日期:2021-01-29 12:01

 

疫下展拳腳

疫下展拳腳

馮允謙,32歲,2011年由加拿大返港參加TVB《超級巨聲3》入行。2018年加盟寰亞唱片,並在武漢肺炎疫情肆虐的2020年,連出兩張專輯。這一步,是冒險,還是突圍?馮允謙明白這樣做,的確是個很大的投資,畢竟很多歌手都只推出數碼版,而且逐首逐首歌出,比他穩陣得多。

「大家都知道賣碟銷量可能唔夠多,而現時更困難,好多演出又被迫取消,好多藝人都未必有演出工作,所以對發展樂壇事業會更困難。但透過呢一年,令我發覺音樂真係好重要,因為雖然有疫情,見到有好多人離開,但我感覺到因為佢哋離開,好多人都需要音樂呢股力量,幫忙做一個healing。所以我呢一年做音樂,係希望可以感動到好多人。同埋而家有不同渠道去同大家分享自家音樂,例如網上平台,可以做得更多,利用呢方面去接觸更多fans朋友,我覺得係一個好好嘅機會,推出更多好歌,令更多人認識我嘅音樂。真係好感謝公司畀好多資源,好錫我,幫我推出咁多好唱片。」他說。

當很多歌手都只推出數碼版時,馮允謙在疫下連出兩碟,他也知道是很大的投資。
當很多歌手都只推出數碼版時,馮允謙在疫下連出兩碟,他也知道是很大的投資。
馮允謙2020年的兩張專輯:《Detour》與《Awaken》。
馮允謙2020年的兩張專輯:《Detour》與《Awaken》。
樂壇未死

樂壇未死

馮允謙2020年的歌唱成績,大家有目共睹,相當亮眼:

《新城勁爆頒獎禮2020》新城勁爆歌曲《地球來的人》、新城勁爆專輯《Awaken》;

《2020年度叱咤樂壇流行榜頒獎典禮》專業推介叱吒十大第五位《地球來的人》、叱咤樂壇唱作人銀獎、叱咤樂壇男歌手銀獎;

《第四十三屆十大中文金曲》十大中文金曲CASH創作歌手金獎。

不過,就在各大頒獎禮派成績表同時,外界又再次提到「香港樂壇已死」,隨即歌都有得唱:「香港歌手經已死,甩嘴走音兼無氣,企在原地──《樂壇已死》。」馮允謙作為香港樂壇一份子,他這樣認為:

「其實我覺得好似一個循環,例如銷量愈嚟愈少,公司賺嘅錢少咗,然後投資喺歌曲上嘅預算又少咗。因為預算少咗,歌手做嘅歌曲又未必可以做得更好,因此而影響歌曲質素,所以我覺得對整個循環都有影響。但,有好多外國mixing,或者好多人鍾意聽韓文歌,因為mixing做得好好,但人哋有好多投資,有政府資助,可能投資好多錢,用幾百萬美元去發展一隊男團。但喺香港無政府支持,就未必可以做到呢件事,或者呢個效果。不過我相信只要更努力做歌,用更多心機去做,如果好聽的話,無論係咩嘢語言,其他人都會聽,大家可能會喺YouTube聽歌,上載一首歌後會有好多人瀏覽,因為而家就係咁方便,呢個世界距離細咗,所以有人話廣東樂壇已死,但我覺得唔係,只要做好音樂,就有人會聽。」
 馮允謙2020年的歌唱成績,相當亮眼。
馮允謙2020年的歌唱成績,相當亮眼。
 與此同時,外界又再出現「樂壇已死」的說法,但馮允謙不認同。
與此同時,外界又再出現「樂壇已死」的說法,但馮允謙不認同。
不K

不K

其實,時下香港歌手做歌,不少已跳出夠不夠商業、是否K歌的舊框框,馮允謙更直言他的新碟《Awaken》內容很不K,卻很多人喜歡,令他喜出望外。

「我會覺得以前有好多好爆嘅歌,會比較容易上口,或者K歌類型,因為當時有好多人唱K。但我發覺而家有好多歌手,例如Serrini、林家謙,我覺得佢哋嘅歌都唔係好K,但係好好聽,好有自己個性同性格。所以我覺得而家係咪一定要做K歌先至成功?其實又唔係,主要係歌曲要展示到個人特色,呢方面先至係最重要。

今次做《Awaken》呢隻碟,好多因素都無考慮過,例如市場會唔會鍾意、歌迷覺得夠唔夠商業、夠唔夠K,係完全無考慮。例如《開始倒數》,或者《A New Day》、《Dancing In The Rain》,呢啲都唔係K歌類型,所以能夠有反應,我哋都覺得已經係一個好大嘅驚喜。所以今年大家留意到馮允謙嘅音樂,我覺得係因為有自己嘅性格。」
馮允謙認為現時不一定K歌才受歡迎,最緊要有個性與特色。(《開始倒數》截圖)
馮允謙認為現時不一定K歌才受歡迎,最緊要有個性與特色。(《開始倒數》截圖)
例如《Awaken》中的《開始倒數》、《A New Day》等,很不K。(《A New Day》截圖)
例如《Awaken》中的《開始倒數》、《A New Day》等,很不K。(《A New Day》截圖)
豐收年的內疚
豐收年的內疚
馮允謙唱出了自己的性格,更唱出了豐收的2020年,但背後卻有遺憾與內疚,因一手照顧他幾兄弟長大的嫲嫲,在剛過去的12月因武漢肺炎離世,而自己因為在香港衝事業,每年只一次半次回加拿大探望,很少時間相處,但他堅定地說:「我已經覺醒,知道人生中咩嘢至係最重要,就係屋企人,所以而家一定會分配多啲時間畀佢哋,唔可以淨係工作。雖然賺錢好緊要,不過其實帶唔到入棺材,但人與人嘅關係,時間一過就會消失,我覺得呢方面對我嚟講好緊要,嫲嫲離開呢件事令我醒覺,發現原來屋企人係咁重要!」
 豐收年的遺憾,就是照顧他們兄弟長大的嫲嫲,在加拿大因武肺離世,而馮允謙未能經常陪在嫲嫲身邊。
豐收年的遺憾,就是照顧他們兄弟長大的嫲嫲,在加拿大因武肺離世,而馮允謙未能經常陪在嫲嫲身邊。
 因嫲嫲離去,令馮允謙更體會到家人的重要性。
因嫲嫲離去,令馮允謙更體會到家人的重要性。
港家 講加
港家 講加
馮允謙本來計畫去年9月與女友拉埋天窗,奈何受疫情影響而延期,但嫲嫲的離去令他體會到家人的重要性,故仍等待著機會回加拿大與女友簽紙。同時,他表示親眼見證父母長年分開很辛苦,所以不想婚後與太太分隔兩地,這問題他倆仍在商量。不過,馮允謙更傾向在港生活:

「其實香港係我嘅屋企,因為我已經住咗十年,習慣呢度生活。同埋喺香港所有嘢,唔單只工作方面,只要行落街就可以有嘢食,好熱鬧,同埋係一個好安全嘅地方。無論係凌晨四、五點,喺街上都一定見到人,所以可以放心出去行街買嘢食。但喺加拿大真係會有啲危險,九點後所有店鋪關門,出街都要小心啲。另外我覺得喺香港工作係開心嘅,同埋做到自己喜歡嘅嘢,例如音樂。至於加拿大,我係打算退休嘅時候先會選擇返去。」
 馮允謙與女友因武肺而延期結婚。
馮允謙與女友因武肺而延期結婚。
馮允謙一家人關係相當親密。
馮允謙一家人關係相當親密。
採訪撰文:ET

攝錄:李玄

剪接:張二

地點:初心 x Tapa Room

髮型:JamieLeeHair

化妝:Maggie Lee

服裝:

Jacket - agnès b.

Sweater - SPORT b.
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多