• 戰勝驚恐症︱劉鍚賢憶病發時:睇笑片,全場人笑,我一個喺度喊!

  • 發布日期:2021-01-26 00:05

 

嚇親至驚恐症

嚇親至驚恐症

形象肥嘟嘟,永遠笑笑口的劉錫賢,原來十年前患過驚恐症。「誘因係嚇親,突如其來。大家都知道我真係好肥,當時我直情係放縱自己,加上好多工作不斷接踵而來,掛住做嘢,無諗過要減肥。我記得當時嘅體重,真係去到一個好驚人嘅數字,有310磅,而家就只係270多磅,都屬於係超重。當時曾經減肥,但維持唔到。

最重嗰時,有日坐喺屋企睇緊電視,突然間抖唔到氣,當時想千方百計求救,係我人生中第一次有呢個感覺,真係好驚,好似離死亡好近,差啲要攞電話出嚟打九九九,點知過一陣又無事。」以為一次半次出現的不適,過了一排又重現,當時他正返港台做節目,最終由拍檔送他去急症室。適逢復活節假期,沒有專科醫生當值,卻被急症室醫生斷錯為心臟病。

後來經相熟的私家醫生檢查,證實心臟無事,但他從此變得敏感,常以為自己患絕症。「最大問題就係,只要當身體有某啲痛楚,就會擔心係唔係腸癌呢?又要預約睇醫生。突然間腰痛,又擔心會唔會係腎炎?然後又走去睇醫生。我嘅心臟醫生直情叫我唔好再嚟,話我其實無問題,唔好再嚟。」

直至有天,心臟科醫生要他跟母親齊到診所。「佢話點解要叫你帶埋媽媽嚟,就係因為擔心我唔相信佢所講嘅說話,佢話我而家患咗驚恐症,係情緒病嘅一種,好擔心疾病突然來襲,所以經常以為自己會死,其實而家屬於初期階段。」

 與內地前妻的六年婚姻,19年正式劃上句號後,他說已走出陰霾。
與內地前妻的六年婚姻,19年正式劃上句號後,他說已走出陰霾。
睇笑片會喊

睇笑片會喊

最後聽家庭醫生勸,藥物其次,自救最重要。

「當日佢叫埋我媽媽一齊嚟見,就係要媽媽睇住我,佢處方一啲放鬆情緒嘅藥,同埋安眠藥畀我,話只能夠幫到我呢一部分,佢話呢個病需要靠自己,唔係其他人可以幫到你。

當時我嘅病徵,而家回想番都覺得好得人驚,最簡單係,我去睇喜劇,全場觀眾哈哈大笑,但我一個坐喺度對住銀幕喊,一邊睇一邊喊,都唔知道自己點解會喊。又試過參加朋友嘅飲宴,起初都無問題,仲可以同主人家傾偈,當愈嚟愈多人,開始埋席嘅時候,大家一舉杯,我就話對唔住,唔舒服要走先,呢種情況仲要唔係一次,而係好多次。」

他感激家人,及已嫁到彼邦的昔日助手、老友陳靖允一直相伴,陪他做運動,病情在幾個月後便康復。現在比他年輕17年的內地女友,也是他的心靈支撐。
劉鍚賢現有細他17年的內地女友,雖然彼此在兩地都生活艱難,但大家都成為對方精神支柱。
劉鍚賢現有細他17年的內地女友,雖然彼此在兩地都生活艱難,但大家都成為對方精神支柱。
與內地前妻的六年婚姻,19年正式劃上句號後,他說已走出陰霾。
與內地前妻的六年婚姻,19年正式劃上句號後,他說已走出陰霾。
低潮期踩界

低潮期踩界

問他這段日子,驚恐症有否再「伏擊」?

「其實有啲踩界,試過自己一個喺屋企百無聊賴時,有啲悲鳴,例如睇睇吓電視都會突然喊起上嚟,不過呢啲情況,之前無同大家或者女朋友講,費事顯得好懦弱。」願分享才不懦弱。「自知個問題,所以一直唔敢鬆懈,一直同個病鬥爭緊。」
參加新秀開聲即叮走
參加新秀開聲即叮走
劉錫賢88年入亞視,一做28年。當演員前,他參加過第一屆新秀,即梅艷芳那屆,又報過TVB藝員訓練班。

「參加新秀時,我揀咗一首曾路得嘅歌,叫做《白牆》,一唱:『純情之中……』然後就畀黎小田叮叮叮,叮走。當時根本無信心,而最大問題係,我唔係好想做幕前,只係無門路、門檻去入呢個圈做幕後。例如做攝影師,我無呢方面技能;至於導演,當時係可以做PA,但嗰個年代做呢啲職位,一定要係大學生,而我又唔係大學生,所以就想嘗試參加新秀同訓練班,兩間電視台嘅訓練班我都考過,只係全部唔入圍咋,哈哈!」
120磅到310磅
120磅到310磅
放棄入娛圈,去打銀行工,機會又來臨。有人介紹他入TVB做幕後,為午間節目《婦女新姿》任writer,其中兩次任務,試勻全港新興火禍,及嚴選十大美味蛋糕,從此如中不瘦降!

「入TVB之前,只係得120幾磅,我係加入TVB之後開始肥。」之後由幕後轉到幕前,體重高峰期更達310磅,現減至270磅。過肥,身體甚麼指標都踩界。
那些年,仍未當上演員的劉鍚賢,體重只有120磅。
那些年,仍未當上演員的劉鍚賢,體重只有120磅。
封忠臣多得陳志雲
封忠臣多得陳志雲 85年入讀演藝學院,同屆同學除了黃秋生,還有張達明,詹瑞文等。畢業後入亞視拍劇,經歷多個朝代,不過「亞視忠臣」呢個朵,他說傳聞多得陳志雲。

劉錫賢:「有位傳媒朋友同我講番,話我算係一個人物,我問咩嘢人物?佢話據聞陳生嘅枱面有塊墊,寫咗好多唔同電視台嘅藝人姓名,話我係其中一個,而且旁邊寫住「忠臣」。由嗰一日開始,所有人都話我係亞視忠臣。」
何謂亞視味重
何謂亞視味重 亦因為這四個字,近年劉錫賢託人向TVB敲門,結果回音,是某高層指他亞視味太重,唔簽。

「你話亞視味重,首先我唔知道係咩嘢意思,而家好多人都會話,喺TVB有好多亞視味好重嘅藝人,佢哋都可以留喺度,證明咗我喺佢哋心目中嘅價值未夠,呢方面係有少少唔開心,唯有努力增加自己價值。

至於忠臣,好多謝對方畀我一個褒獎,不過真係受之有愧,我唔算係忠臣,之前都講過,我係有離心嘅。我經常都講,亞視忠臣喺我嘅字典裡面,只得一個人,就係劉志榮,佢真係生係亞視人,死係亞視鬼嘅一個人,忠臣對佢嚟講係當之無愧。

另一位就係鮑起靜,自從加入亞視之後,佢仲要係一位好有價值嘅人,就算TVB多次邀請佢,佢都唔肯過檔。你諗吓咁有價值嘅人,都唔肯走,呢啲係咪先係忠臣呢?我就因為唔夠價值啫!」世事難料!今日入唔到大台,可能是祝福。

採訪:S.Lo

攝錄:曾衛惠

鳴謝場地:鳥語
連亞姐楊玉梅都過檔TVB,劉鍚賢卻被指「亞視味重」而拒絕,他自嘲:「可能我唔夠價值啦!」
連亞姐楊玉梅都過檔TVB,劉鍚賢卻被指「亞視味重」而拒絕,他自嘲:「可能我唔夠價值啦!」
對亞視忠臣呢個朵,他說:「鮑姐係一位好有價值嘅人,就算TVB多次邀請佢,佢都唔肯過檔,都唔肯走,呢啲先係忠臣。」
對亞視忠臣呢個朵,他說:「鮑姐係一位好有價值嘅人,就算TVB多次邀請佢,佢都唔肯過檔,都唔肯走,呢啲先係忠臣。」
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多