• 壹週和你股|恒馳一…恒馳二…恒馳三…|譚朗蔚

  • 發布日期:2021-01-25 14:56
  • 壹週和你股|恒馳一…恒馳二…恒馳三…|譚朗蔚

 


今日個市升5、600點,自不然又會有人呻:「早知星期五入重貨博反彈啦!」當然,馬後炮來說,佢這種說法是對的,而且對得十分非常離譜。但是從實戰的角度來說,上星期五我無做咩動作,反正我從來只係從個股的走勢分析著手,個市點行,只不過是配合。

大市前後兩次挑戰30000點,我看得見的分別是:今日恒指的升幅主要係貢獻by一眾的強勢、破頂、科網藍籌,包括騰訊(700)、美團(3690)同港交所(3888)。然後,好多股份的走勢減弱,大隻的有友邦(1299)同平保(2318)。所以,我認為今日的市寬麻麻,再破頂的說服力減弱。當然,我亦不是鼓吹在強市裡亂做淡。

今日有好多隻股份都癲升,其中一隻係移卡(9923),這隻我推介過的,就算我早走了,但是我祝福佢。另一隻是恒大汽車(708)集團折讓配售股份,不過接貨的都是廣為人知的恒大die hard fans,個個圍威喂,自然炒高一高。不過,賣車的公司始終就連一部車都無,又確實是幾難有說服力,變相個個睇住佢地開party!

我既然無揸貨,自然升跌唔關我事,但是我關注的是:市場的風險胃納真的好高,高到無譜。所謂「無譜」,即真係唔需要基本因素,這個現象令人擔憂,到底一口氣的升浪係唔係近了盡頭。當然,我強調後市我睇好的,但不是今個月。今個月三萬止步,然後健康回調,或者用橫行29000點樓上來代替,大家適可而止好了。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所