• 16000蚊租銅鑼灣地鋪|疫下生機 23歲咖啡師問家人借廿萬果斷開店 : 有風險先會有回報

  • 發布日期:2021-01-17 07:00

 

疫情重創本港經濟已有一段時日,除了失業大軍,鋪租樓價均大受影響,但有危便有機,此際正是創業入市的好時機。一位23歲的年輕咖啡師便正正看準這個時勢入市,成功以「抵價」在銅鑼灣租鋪,開設屬於自己的咖啡店。

眼前這個戴著眼鏡、穿著啡色襯衣,外表與普通大學生無異的男生,熟練地拿著咖啡豆跟客人介紹的,正是Be Coffee老闆潘恢智〈Gordon〉。在朋友介紹下,選擇入市位於新會道一個月租16000元約80呎地鋪,據悉由考慮到決定租下,過程不足一星期。「我覺得係一個合理價錢,銅鑼灣地鋪對街、對住小巴站,小巴總站都係豪宅,附近又有利園同好多office。」他透露,原先策略是選擇一些沒有咖啡店的地方開鋪,例如黃大仙、慈雲山,甚至大埔,因為銅鑼灣的競爭較大,附近有不少咖啡小店及手搖飲品店。但看過鋪位後認為頗吸引,而且自己對營運及沖咖啡有一定經驗和信心,所以數日內便果斷租下。

能順利創業的另一因素,便是家人的資金支持。「當時我問屋企人借資金,對於開一間咖啡店嚟講真係好細,20萬左右,其實大部份係去咗俾租金按金同埋上期。」幸運的是,鋪內的設備十分齊全,不論是雪櫃還是充滿質感的黑色雲石L形枱,均是上手租客留下的,「如果要自己裝修一間咖啡店,我諗價錢要雙倍,時間都要雙倍。」

在銅鑼灣,租用一個80呎月租16000元的地鋪是否真的「咁荀」呢?香港鋪位精英會主席陳志寶指,受疫情沖擊,銅鑼灣核心地區的鋪租平均大跌6至7成,主要街道的呎價跌至400至500元一呎。是次鋪位處於新會道而非銅鑼灣的核心地段,普遍呎價為80元至100元,因此月租16000元實屬正常。

開業至今已有兩至三星期,Gordon坦言:「個成績我覺得都可以,因為啱啱起步起碼夠交租,我就唔求多,我覺得風險一定有,有風險先會有回報。」然而一個人開鋪亦有一定困難,Gordon一星期只休息一天,每天營業約10小時,日常打理鋪頭只靠自己完成,即使休息日也要入貨、回鋪頭收拾、點數等,對此他形容:「就算休息都唔係一個休息。」

人養貓狗我養甲蟲

人養貓狗我養甲蟲

開鋪壓力大之餘,要平衝工作與生活並非易事,偏偏有種動物可以令Gordon的壓力一掃而空。全身黝黑,突起的胸角,外型仿如獨角仙般,形容的是Gordon正在餵飼的佛羅倫斯姬兜。「大隻過成蟲,由雀仔數起,雀仔、馬騮、蜥蜴,總之所有都係佢天敵,所以其實甲蟲係一樣非常廢嘅動物, 我好鍾意叫佢『廢廢』,係咪好得意?」甲蟲的脆弱及悠閒的生活態度,吸引了Gordon的興趣,加上打理十分方便,只需每兩、三日更換食物便足夠,「放工對住隻甲蟲望住佢基本上可以望一日,你可以睇佢食嘢,行下行下就已經好開心,甚至乎攞上手玩下。但千祈唔好夜晚玩,因為佢會周圍飛。」養甲蟲除了放鬆心情,更是Gordon與客人溝通的橋樑之一。

要在芸芸咖啡店中突圍而出,靠的是帶個人特色的互動。現今的世代,單是飲食質素高並不足以留住客人,在服務、 衞生以至價錢上亦是考慮因素,「我希望每個客人嚟到帶走到多於一杯咖啡嘅嘢,例如見到隻甲蟲,因為我鍾意甲蟲,我都會想推廣俾多啲人認識,可能佢會問我關於甲蟲嘅嘢,會帶到一啲知識走。」
與咖啡結下不解之緣

與咖啡結下不解之緣

回想起接觸咖啡的初體驗,都是源於中學外出午膳光顧茶餐廳,「咖啡飲落雖然苦,但有種獨特嘅甘香。」一試難忘的味道,令Gordon對咖啡產生濃厚的興趣。想起由一開始連咖啡豆是樹上果實的核也不知道,到現在開設Youtube Channel與人分享咖啡知識,全賴網絡世界可以輕鬆自學。不論是Youtube還是網上討論區,均有大量免費的咖啡資訊予Gordon自學,且中學畢業後,一路在不同咖啡店兼職工作累積經驗,裝備自己。「連鎖咖啡店教到我嘅係點入貨、落貨數量同標準嘅衞生知識,而小店帶俾我嘅係點經營一間咖啡店同沖咖啡嘅實戰經驗,因為小店人手唔夠,好多時要兼任待應、廚師,其實咩都要做。」其後,Gordon分別協助家人及朋友開設咖啡店,真正落手落腳打理一間鋪,近4年的實戰經驗,為自己開鋪奠定基礎。

對於咖啡師的迷思,很多人也以為做咖啡師一定要上咖啡證書課程才夠認受性。事實上,課程並非必然因素,Gordon坦言:「舖頭請人其實都係睇你落手做成點,就算你有證書,但沖得生疏一樣唔掂。」新一代選擇以Youtube自學的方式了解咖啡,成為啡友約5年的客人何先生則認為:「Youtube有好多叫『集百家之大成』,有啲人可能係好專業拍開,有好多人訂閱;或者有啲好普通,拍嚟係開心分享,中間你要過濾,搵到自己嘅理論、自己手沖方法。」他覺得最重要是有心去學習,雖然咖啡課程可以令人「走少啲冤枉路」,但要真正了解不同沖咖啡方法背後的原因,仍需要自己不斷鑽研。
做Youtuber只想推廣咖啡
做Youtuber只想推廣咖啡
在Youtube自學後,Gordon留意到香港缺乏分享咖啡題材的Youtuber,所以在近1年前開設了個人Youtube Channel,主要分享咖啡相關的知識。「試過開鋪嘅時候,就已經有人係門口見到我,佢話我有睇你Channel 喎!你係咪Gordon呀?陸陸續續都會有客人因為睇咗我Channel而嚟。」他從來沒想過Youtube Channel可以幫助自己生意,反而希望透過Youtube向其他人推廣精品咖啡,而且市面有不同的咖啡小店也值得一去,「等人知唔係淨係得連鎖個兩間可以飲,有唔少好好飲〈小店〉,係拋離連鎖店,我哋應該要支持返呢啲小店。」咖啡對Gordon來說,已是生命的一部份,幾乎不可或缺,即使在假日也會想拍片分享關於咖啡的事。

撰文:梁汶惠

攝錄:胡智堅
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多