• 月前𨋢口撞正林作媽︱裕美減少留宿林作1800呎半山豪宅 搬400呎舊樓自住:呢度warm啲

  • 發布日期:2021-01-16 00:01

 

「林美戀」去年除夕傳出婚訊 ,不過事後便二人自揭只是一場遊戲。拍拖兩年,儘管林作媽表明拒絕讓她入門,但裕美照樣進駐林家的麥當勞道千八呎豪宅同居。

明明已成為大宅女主人,兼去年以800萬買入將軍澳新樓當業主,裕美最近還租多一個只得400呎的細單位作私竇。本刊直擊裕美新居,為何有大宅唔恨住,常留在細屋過夜,她說:「有時候都想自己獨處!阿作間屋雖然有1800呎,但老實講,我唔覺得有家嘅感覺,好空虛。」裕美屋邨出身,對家的要求,跟住慣豪宅的林作,兩種品味。

32歲擁有自己天地,一來可以避開同住樓上的林作媽碰面,二來與男友吵大鑊,至少有本錢玩「離家出走」!

 愛舊樓的裕美,花了數月終於找到心頭愛,以月租二萬多,搬入堅尼地道400呎舊樓單位。
愛舊樓的裕美,花了數月終於找到心頭愛,以月租二萬多,搬入堅尼地道400呎舊樓單位。
 在屋邨長大,裕美對住的要求不是有幾大,而是有冇家的感覺。她說新屋比起男友千八呎豪宅,多份溫暖感。
在屋邨長大,裕美對住的要求不是有幾大,而是有冇家的感覺。她說新屋比起男友千八呎豪宅,多份溫暖感。
超級露台是主菜

超級露台是主菜

有份拍攝《堅離地愛堅離地》的裕美,最近真的堅離地,在堅尼地道租了一個400呎單位,吸引她的主菜,不是廳連房的studio flat,而是佔了間屋一半面積,有成二百呎的巨型露台,當日她睇樓5分鐘就扑鎚以二萬多元租下。

「我一向鍾情舊樓,搵咗幾個月,終於畀我搵到呢度。第一眼見到露台好大,差唔多大過間屋,室內雖然係細啲,但我鍾意一入屋就即刻跳上瞓覺。」入屋唔使五步,就可以跳上張queen size大床。

床邊的大窗,望的只是自己的超級露台及一排樓,裕美竟然覺得勝過男友半山豪宅的山景。

「一起身我會望出去,有種度假感覺。然後走出露台,坐低飲杯咖啡,吹下風。我啲狗仔可以喺呢個大露台四圍跑,食我種嘅草,我覺得啲狗仔喺呢度開心過喺阿作屋企。」
 裕美租住麻雀雖小,五臟俱全的studio flat,200呎的大廳連廚房及睡房,她說最愛一入屋,唔使五步就可以跳上床。狹窄的開放式廚房「剪綵」未,她說:「樓下大把嘢食,使乜煮!」
裕美租住麻雀雖小,五臟俱全的studio flat,200呎的大廳連廚房及睡房,她說最愛一入屋,唔使五步就可以跳上床。狹窄的開放式廚房「剪綵」未,她說:「樓下大把嘢食,使乜煮!」
 當日吸引她的,正是這個佔了單位一半的200呎超級露台,故睇樓5分鐘,就扑鎚簽租約。
當日吸引她的,正是這個佔了單位一半的200呎超級露台,故睇樓5分鐘,就扑鎚簽租約。
 她說兩隻小狗在新屋開心過留在林作家,因為可在大露台跑。
她說兩隻小狗在新屋開心過留在林作家,因為可在大露台跑。
裕美媽嫌林宅不便

裕美媽嫌林宅不便

男友開心與否也屬其次,最重要小狗開心,連裕美媽都寧瞓細屋,不愛大宅。「有時候媽咪會嚟,佢特別鍾意呢度,反而唔係咁鍾意喺阿作屋企。因為深夜肚餓時,佢嗰度荒山野嶺,無外賣會送上去,但呢度即使凌晨兩三點,樓下依然有好多食肆開。」對這間舊樓一見鍾情,原打算買下單位。「業主係外籍人,佢哋唔賣只出租,所以之後先轉買將軍澳物業保值。」
 她說連媽咪都鍾意留在400呎新竇過夜,因為在林作半山豪宅過夜,肚餓起嚟冇得落街買宵夜。
她說連媽咪都鍾意留在400呎新竇過夜,因為在林作半山豪宅過夜,肚餓起嚟冇得落街買宵夜。
 連男友林作都說:「呢個露台大過我屋企兩倍,我都鍾意留喺度。」
連男友林作都說:「呢個露台大過我屋企兩倍,我都鍾意留喺度。」
男友大屋欠溫暖感
男友大屋欠溫暖感
在豪宅同居兩年,男友怎會讓她「分居」?裕美:「阿作自由度好大,而且我去到邊佢都會跟住我,所以OK嘅。」裕美一星期兩邊住,時而在男友豪宅,時而抽兩、三晚在私竇留宿。

屋邨長大,對她而言,大屋不如蚊竇,她嫌千八呎的林宅似圖書館多過家的感覺。「阿作住嗰層係千八呎,好坦白講,我唔覺得有家嘅感覺,第一次去佢屋企時候,感覺好似圖書館。好少見到一個人嘅屋企,有一個擺滿書嘅書櫃,好整齊,分門別類,貼晒標籤,真係好似圖書館咁樣。

佢間屋係好大,但無屋企感覺,個開放式廚房又好似拍攝烹飪節目嗰啲,好似公眾場所咁樣。好多人都會話大屋梗係好,但自己比較鍾意有溫暖感覺多啲。你想像下,畀你住圖書館,可能會覺得好正,地方夠大嘛,但會唔會有一種空虛!

我呢度麻雀雖小,但五臟俱全,有一種家嘅感覺,呢個先重要 ,我會瞓得舒服,阿作都話喺呢度會瞓得好啲。我曾經睇過一啲書,話睡房唔需要太大,但最緊要唔好有太多雜物,睡眠質素就會好好多。」
 裕美說當日初踏林作的半山豪宅,感覺似去咗圖書館。「好少見到一個人嘅屋企,有一個擺滿書嘅書櫃,好整齊,分門別類,貼晒標籤,真係好似圖書館咁樣。」
裕美說當日初踏林作的半山豪宅,感覺似去咗圖書館。「好少見到一個人嘅屋企,有一個擺滿書嘅書櫃,好整齊,分門別類,貼晒標籤,真係好似圖書館咁樣。」
 在男友豪宅同居兩年,感覺是:「好多人都會話大屋梗係好,但自己比較鍾意有溫暖感覺多啲。地方太大,會唔會有一種空虛!」
在男友豪宅同居兩年,感覺是:「好多人都會話大屋梗係好,但自己比較鍾意有溫暖感覺多啲。地方太大,會唔會有一種空虛!」
 裕美:「佢間屋係好大,但無屋企感覺,個開放式廚房又好似拍攝烹飪節目嗰啲,好似公眾場所咁樣。」
裕美:「佢間屋係好大,但無屋企感覺,個開放式廚房又好似拍攝烹飪節目嗰啲,好似公眾場所咁樣。」
另僻天地免男友奉旨
另僻天地免男友奉旨
這個小單位,還有另一個功能,二人炒大鑊,會是一個避難所!「其實我哋好少因為嗌交,而想有自己空間。反而當我感覺到對方大安旨意,覺得我一定會留喺度,咁嘅情況下我就會走開避一避,等佢唔好以為我一直會喺佢隔籬。同埋有時候都想自己獨處,可以安靜思考一下自己啲工作同珠寶生意。」裕美說。

她偶然想撇下男友並不容易,事關林作確幾黐身。正如她說:「我去邊佢都會跟住我!」話口未完,林作出現,更飛撲上睡床,攬住女友裕美肉緊狂啜,搞到她大叫:「你冷靜啲先!」上演床戲,合乎「作情」,不過閨房事還是留待兩位閂埋門慢慢搞吧!

「冷靜」過後,林作「回復正常運作」,對於陪女友住吓細屋,其見解:「我覺得好多嘢要有兩個極端先至過癮,反而一大一細就最好,本身都傾向係咁樣,好少會取中庸。以前喺英國讀書,都係租啲細單位住,所以唔會唔慣。」
  跟住女友裕美大宅細屋兩邊瞓的林作,呢日一返新屋,即飛撲上床肉緊攬啜裕美,上演一幕合乎「作情」的浮誇床戲!不過閏房事麻煩兩位閂埋門先研究。
跟住女友裕美大宅細屋兩邊瞓的林作,呢日一返新屋,即飛撲上床肉緊攬啜裕美,上演一幕合乎「作情」的浮誇床戲!不過閏房事麻煩兩位閂埋門先研究。
 自細住豪宅的林作,說在細屋反而瞓得好啲!「呢度嘅氣氛幾好,因為屋企少雜物,比較簡單,就會無咁多雜念,基本上都無嘢可以搞,除咗佢之外。」
自細住豪宅的林作,說在細屋反而瞓得好啲!「呢度嘅氣氛幾好,因為屋企少雜物,比較簡單,就會無咁多雜念,基本上都無嘢可以搞,除咗佢之外。」
上廁如困獸鬥
上廁如困獸鬥 趁林作如廁,裕美即爆兩人在細屋,最難搞是廁所問題。「佢會屙到廁所好似公廁咁大陣味,即使佢屋企廁所好大,我都唔夠膽行入去,我行入去都會想嘔。

呢度唯一嘅問題就係廁所無窗,所以佢去完廁所,係成間屋都會聞到。」咁200呎露台,絕對發揮到通風同避難作用。
跟林母𨋢口世紀碰面
跟林母𨋢口世紀碰面 無端白事租多一個地方,是否還關乎這個原因。三個月前,裕美與居住在兒子樓上的林母,終在升降機大堂世紀碰面。

據林作形容當時情況:「據聞佢哋喺升降機內由一樓打至八樓,因為冇出𨋢,所以佢兩個繼續喺裡面糾纏,再返回地下。」林作說的是浮誇版,真實情況由裕美交代:「係有撞過,不過可能大家戴咗口罩,佢一時間認唔到我係邊個,所以我同佢打招呼,佢又同我打招呼。跟住身邊朋友問我,佢(林作媽) 其實係咪唔認得你係邊個?我話都有咁嘅可能,因為戴咗口罩,哈哈!」

即將新年 有否打算向林作媽拜年破冰?「呢個問題我諗咗好耐,無關係其實都係一個好好嘅關係。有一個人唔鍾意自己,係咪有責任為對方解開啲結呢?我發覺當一個人未準備好,你逼佢都無用,唔能夠強迫別人,只會更加反感,所以我覺得睇時機,有時候只可以隨緣。」

放心,今個新年林作話:「媽咪唔喺香港。」家宅平安!
 林作跟母親住樓上樓下,月前裕美在𨋢口世妃碰面,林母竟然跟她打招呼,因為:「我戴住口罩,佢認唔到係我,哈哈!」裕美說。
林作跟母親住樓上樓下,月前裕美在𨋢口世妃碰面,林母竟然跟她打招呼,因為:「我戴住口罩,佢認唔到係我,哈哈!」裕美說。
----------------------------

立即加入壹週刊MeWe

-----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多