八足咁多爪嘅薛家燕，將於農曆新年再度推出「家燕媽媽曲奇」，今次設計上及包裝上，家燕姐都有份參與。為了令大家有一個開心嘅新年，今次家燕姐諗到買曲奇送利是，更特意印製一批自己化身財神嘅利是封，相當有意思。
踏入2021年，家燕姐再次主持《天天開運王》，前日開工時，提到賀年曲奇，家燕姐話：「今年新年「家燕媽媽」會推出一個好靚嘅禮盒裝曲奇，係八角形，好似全盒咁，寓意住『齊齊全全、萬事順利』，家燕媽媽將會喺曲奇入面俾封利是，有我做財神爺嘅利是封，出面買唔到㗎！每年好多人都想𢭃我呢封利是，排晒長龍㗎！因為攞咗我封利是，會由年頭旺到年尾，但今年家燕媽媽特別送俾大家，仲有張$50禮券可以當錢用，希望大家食得開心，又可以行好運啦！」家燕姐預計送出過千封利是，總值5萬元，希望大家多買多送啦！
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
