• 胡定欣玩大咗頒男角色叫「丹爺」 劉丹以為攞獎尷尬收場

  • 發布日期:2021-01-11 15:26
  • 胡定欣玩大咗頒男角色叫「丹爺」 劉丹以為攞獎尷尬收場

 

繼當年關心妍聽錯叫名走上台,才醒覺原來得獎者是關菊英的一幕世紀𤓓爆場面,昨晚TVB萬千星輝頒獎禮,差點重演2.0!

76歲的劉丹,由13年《愛.回家》到《開心速遞》,七年間多次獲提名男主角,及最受歡迎男角色,但每次都預咗係陪跑老馬。昨晚因胡定欣玩大咗,以為有「希望」的丹爺成全晚最尷尬場口。負責頒獎給「最受歡迎男角色」的馬德鍾與胡定欣,頒獎前先搞下氣氛,點知胡定欣忽然大叫「丹爺」,又說:「丹爺由《愛.回家》,馬家做到熊家陪足大家八年呀!」,就係呢一句,劉丹以為自己終於叫糊,竟然企起身,一副準備領獎姿態,此時知衰的胡定欣急補鑊:「我希望啫!」但已令起咗身的劉丹非常尷尬。

到真正得獎者張振朗上台領獎,連他也替劉丹剛才食乍糊一幕尷尬,說了句:「唔好意思丹爺。」

 聽到頒獎的胡定欣嗌「丹爺」,劉丹真係以為贏「男角色」獎,起咗起身。
聽到頒獎的胡定欣嗌「丹爺」,劉丹真係以為贏「男角色」獎,起咗起身。
 玩大咗知衰的胡定欣急急補鑊。
玩大咗知衰的胡定欣急急補鑊。
 真正得獎者係張振朗。
真正得獎者係張振朗。
 76歲的劉丹,由13年《愛.回家》到《開心速遞》,七年間多次獲提名男主角,及最受歡迎男角色,但深知只是陪跑員。
76歲的劉丹,由13年《愛.回家》到《開心速遞》,七年間多次獲提名男主角,及最受歡迎男角色,但深知只是陪跑員。
 次次獲提名都係陪跑的劉丹,今次尷尬收場。
次次獲提名都係陪跑的劉丹,今次尷尬收場。

----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所