• 《全民造星III》落敗K Lau停工參賽花近50萬 感激朋友塞錢過難關

  • 發布日期:2021-01-10 12:00

 

偷偷放下應急錢

偷偷放下應急錢

《全民造星III》由Ben趙祥誠奪冠,雖然第二次參選《造星》的K Lau劉瑞祈,今次十強止步,但他已感滿意。其實為了參加這兩屆《造星》,他要停工投入比賽,但兩年間花掉近半百萬,包括生活費和參加《造星》有很多使費,除了置裝及表演時的道具,還有排舞也要自己負責,幸好身邊朋友雪中送炭。

K Lau16年已經入行,本身是跳唱組合Reve出身,三年後隊友離開香港,那時K Lau開始想轉型,對於追夢花了數十萬,幸得朋友伸出援手,K Lau說:「兩年間花費咗超過六位數字,甚至接近半百萬,我都估唔到自己點解呢兩年可以撐落去,不過真係要好多謝所有重視K Lau,或者曾幫助K Lau嘅朋友同屋企人,因為冇咗呢班人,我應該撐唔到落去。好記得有一次,朋友嚟我屋企gathering,走嗰陣如常咁講再見,之後我就發現梳化位置有一疊錢,數目唔係好多,但亦都唔係一個小數目,大約係可以應付到一兩個月租金嘅錢,我追問邊個將啲錢擺喺度,原來身邊朋友,佢哋知道我辛苦,就畀呢筆錢我應急,叫我賺到錢之後先還,嗰一刻感覺好酸,但同時亦都好感激身邊有班咁好嘅朋友,知道香港做音樂收入唔多,真係好多謝佢哋。」

舞台道具自費

舞台道具自費

玩音樂都要開飯,K Lau做兼職幫補生計。他說 :「入行做歌手之後即使有簽公司,但都會做一啲marketing嘅工作,入行之前我係做模特兒,好彩啲舊客戶知道我係歌手,就算未必能夠畀到藝人級數嘅酬勞 但都會搵我幫手做啲fitting工作,即係淨係着俾客人睇,或者以內部性質去試新衫,,無形中呢啲收入對我日常開支都有好大幫助。上年亦都試過喺一啲網絡平台做直播,各方面加埋雖然好吃力,但總好過冇收入。」

實現自己的音樂夢,但同時要面對經濟壓力,他說每個月都嚮起是警號。「呢兩年的確過得好開心,可以實踐自己想做嘅嘢,又可以創作歌曲,但呢兩年生活,最大壓力係住嘅問題,要解決每個月租金就好似一個警號,因為時間真係過得好快,眨吓眼就要交租,然後仲有好多雜費,好多費用都需要交,每日睇住啲賬單就頭痛,同時又要兼顧《造星》,因為《造星》嘅流程,基本上真係好忙,近兩年係過得充實同開心,但又有壓力之間。」

原來參加《造星》,有很多地方需要自資處理 ,K Lau指自己有策略地,十分節儉地進行。「因為今次自由度同空間都好大,例如二十強之前嘅表演,都係自己參賽者同埋隊員設計,服裝方面,最初一星期已經要決定着乜嘢衫,已經搵咗四五套後備,喺台上面見到大型道具,嗰啲全部都係自己課金。第二次二十強嘅時候,我就好好把握機會,創作左一首跳唱歌曲,再搵四個跳舞老師,而呢四個跳舞老師都係相識10幾年嘅朋友,佢哋知道我為咗今次表演爭入十強,同我排咗四日全部都係義務性質,當大家都係為生活忙碌工作嘅時候,仲有一班朋友為咗你嘅理想同夢想,努力成全你,所以今次除咗金錢上需要課金外,我已經將自己10年入面嘅人情牌都用盡。」發現這麼多朋友愛錫自己,都是K Lau今次的另一收穫吧!

第二次參選《造星》的K Lau劉瑞祈,今次十強止步  ,但他表示已經很滿意。
第二次參選《造星》的K Lau劉瑞祈,今次十強止步 ,但他表示已經很滿意。
為了參加這兩屆《造星》,K Lau要停工投入比賽,但兩年間花掉近半百萬,包括生活費和參加《造星》的置裝、表演時的道具,還有排舞費用,幸好身邊朋友雪中送炭。
為了參加這兩屆《造星》,K Lau要停工投入比賽,但兩年間花掉近半百萬,包括生活費和參加《造星》的置裝、表演時的道具,還有排舞費用,幸好身邊朋友雪中送炭。
身邊的好友知道他有經濟壓力,靜悄悄的在他家的沙發旁邊放了一疊錢,主動給K Lau 應急。
身邊的好友知道他有經濟壓力,靜悄悄的在他家的沙發旁邊放了一疊錢,主動給K Lau 應急。
----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所