• 「歡喜哥」許紹雄71歲開Coffee shop:做人最緊要搵到自己開心嘅嘢做

  • 發布日期:2021-01-09 07:00

 

常落舖打躉做打咭位

常落舖打躉做打咭位

由《使徒行者》做到《使徒行者3》的「歡喜哥」許紹雄,今年繼續有份提名台慶最佳男配角,不過這些獎項虛榮,他從不在意,一早目標清晰:「我工作目標唔係攞獎,係攞錢。」

密密拍,把半生賺來的為家人打造Dream house,除去年在太太家鄉新加坡以港幣2300萬,買下四千呎大屋,一家定居當地 ,71歲人最近有新搞作,於上月底開Coffee shop,晚年好chill喎!

「歡喜哥」許紹雄,現過著半退休生活,享受收成期,亦把他的收成,為女兒「鋪靚條路」。當年他娶新加坡太太龍嬿而,年近半百才當上人父,老來得女,故萬事都以這個寶貝女Charmaine(許惠菁)為重。去年Charmaine大學畢業,這位甜心嗲地即打本七位數字,幫女兒創業,在新加坡開舖,賣她拿手的甜品同咖啡,店舖面積約1600呎。除Charmaine親手造的甜品,「歡喜哥」亦是鎮店之寶,成日落舖打躉做生招牌,出錢又出力。

 71歲的許紹雄,開Coffee shop不是為自己興趣,而是幫女兒創業。
71歲的許紹雄,開Coffee shop不是為自己興趣,而是幫女兒創業。
半退休的許紹雄(右方),現留在新加坡,每日都返Coffee shop打躉。
半退休的許紹雄(右方),現留在新加坡,每日都返Coffee shop打躉。
 老竇打本,女兒打骰!許紹雄父女檔的Coffee shop叫「Café Bakeaholic Sg」。
老竇打本,女兒打骰!許紹雄父女檔的Coffee shop叫「Café Bakeaholic Sg」。
 呢位甜心嗲地出錢出力,常到店舖做人肉打咭位,令客人開心。
呢位甜心嗲地出錢出力,常到店舖做人肉打咭位,令客人開心。
笑女兒大學畢業做阿茂

笑女兒大學畢業做阿茂

壹仔搵「歡喜哥」傾兩句,他為女兒所做嘅蛋糕同曲奇,由起初開心share,變成區內聞名而開心。

他說:「啱啱疫情時,佢成日匿喺新加坡屋企焗下蛋糕同曲奇,焗多咗份量,就分畀鄰居食,點知鄰居大讚好食,仲建議不如賣啦!後來搞咗網上賣,反應好好, 15分鐘就賣晒,賣咗半年,我太太話佢成日阻住屋企廚房,搞到飯都煮唔到,不如搵個地方做工場啦!」

物色地方,卻發現工場同地舖租相近,於是把心一橫,開實體店,選址還揀在屋企附近,方便看舖,「就係咁搞咗間Coffee shop出嚟。」他續說。

寶貝女創業,他說當然樂意做大水喉。「如果唔係佢邊有錢創業,哈哈!」現年23歲的 Charmaine傳理系畢業,但結果做了甜品師,許紹雄怎看?

「佢自己都話,讀咁多書,估唔到自己做咗阿茂(整餅),我話無所謂,做人最緊要搵到你自己開心嘅嘢去做,先會開心。做一份自己唔鍾意嘅嘢,只會令自己辛苦,做人咁辛苦為咩!」

看著女兒瞓身打理,全情投入,負責打本的的爸爸相信好放心。至於疫情下生意有否受到影響?許紹雄說:「冇乜影響,日日都好鬼多人,日日都滿座做到無停手。」
 許紹雄女兒修讀傳理系,去年大學畢業,他說:「個女話估唔到自己讀咁多書,最後係做阿茂(整餅),我話有咩所謂,做人最緊要做自己喜歡嘅事。」
許紹雄女兒修讀傳理系,去年大學畢業,他說:「個女話估唔到自己讀咁多書,最後係做阿茂(整餅),我話有咩所謂,做人最緊要做自己喜歡嘅事。」
 令許紹雄最欣慰,是女兒的甜品,由當日跟鄰居開心share,變成今日馳名區內。
令許紹雄最欣慰,是女兒的甜品,由當日跟鄰居開心share,變成今日馳名區內。
 女兒Charmaine拿手整曲奇及蛋糕,亦是Coffee shop的皇牌,這款甜品賣相吸引,連陳茵媺都心心眼。
女兒Charmaine拿手整曲奇及蛋糕,亦是Coffee shop的皇牌,這款甜品賣相吸引,連陳茵媺都心心眼。
 許紹雄女兒的出品。
許紹雄女兒的出品。
晚年安居4千呎大宅

晚年安居4千呎大宅

晚年移居新加坡,更精心打造那4千呎的安樂窩。樓高三層的許宅,共有六間房,還設有長達約十米嘅私人泳池,雖然個池稍窄,但都足夠一個人「游幾十個塘」做運動。屋內更設有「露台」,可以從高處「俯瞰」整個客飯廳日。六間房之中,其中一間是活動室,給女兒與朋友聚會之用。他形容間屋有種留人的舒適,令他更黐家。除手持新加坡二千幾萬的磚頭,香港亦有一個大埔康樂園物業。

自從許紹雄演出《使徒行者》「歡喜哥」一角大受歡迎,人人便索性叫他角色名字,此劇之前,行內人都稱呼他做「Benz雄」!因當年傳他是第一個揸Benz返電視城開工的藝人,即意味其家境有米。

的而且確,許紹雄家族在西關廣州大有來頭。太公許應騤,當年是一品官,曾任總督,姑婆是魯迅夫人許廣平,叔公許崇智有份創立黃埔軍校的廣東軍區總司令。出身名門望族,他一生不愁衣食,現在半退休,更加印印腳揀戲拍。「我一向都享受人生,我話之佢(工作),有咪做,冇咪算數囉!」許紹雄說。
 年近半百才當父親,對寶貝女視如命根。
年近半百才當父親,對寶貝女視如命根。
 去年隨太太定居新加坡,還在當地置業,以港幣二千多萬買下4千呎Dream house,獨立屋共有六間房,及私人泳池,在此享受他的半退休生活。
去年隨太太定居新加坡,還在當地置業,以港幣二千多萬買下4千呎Dream house,獨立屋共有六間房,及私人泳池,在此享受他的半退休生活。
 自拍《使徒行者》,人人皆稱他做「歡喜哥」,但拍此劇前,圈中人都叫他「Benz雄」,因有傳他是第一個駕駛Benz返電視城開工的藝人。
自拍《使徒行者》,人人皆稱他做「歡喜哥」,但拍此劇前,圈中人都叫他「Benz雄」,因有傳他是第一個駕駛Benz返電視城開工的藝人。
----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所