在過去一年，因為疫情關係，所有學改為用zoom上堂，已經成為新常態。不過常態歸常態，要小朋友留在家中坐定定對住電腦上課，實在難為了一班在旁督促嘅家長。有「Tvb綠葉王」之稱的張達倫，就身同感受，更直言覺得用Zoom上堂嘥時間之餘，更會傷小朋友眼睛。
16 年，張達倫迎娶老婆陳鳯玲，誕下寶貝仔碩碩，現在已經3歲。屬於活潑好動型的碩碩，因為疫情要留在家中用Zoom上堂，張達倫有見及此，唯有時不時帶個仔出街放電，唞吓氣啦！
- 張達倫對老婆同前夫所生的繼女，一樣視如己出。
- 入行17 年，張達倫終訴憑住處境劇《愛回家》入面，飾演律師「嚴謹」一角，先開始有名氣。
憑《愛回家》入屋
憑《愛回家》入屋
42 歲的張達倫入行17 年，參演過超過130 部TVB劇集，名副其實是「綠葉王」。入行冇耐，他更試過因為三叉神經出現問題，導致面癱。直到12年，憑住處境劇《愛回家》入面，飾演律師「嚴謹」一角，先開始有名氣。前年，更在劇集《好日子》做男二， 終於捱出頭 。在疫情之下，張達倫工作量似乎未有受影響。去年一口氣連拍三套劇集，包括《一笑渡凡間》、《刑偵日記》同埋《欺詐劇團》。
- 張達倫平日都主張讓囝囝多點戶外活動，輕鬆一下，更自稱並不屬於催谷型爸爸。
- 日前他張達倫做湊仔公，帶囝囝碩碩去公園放電，同行更有數名親戚。
- 碩碩見到狗仔，都會主動摸下。
- 就算囝囝扭計，張達倫都好有耐性氹番。
- 對於近日經常要用zoom 上堂，張達倫直言覺得嘥時間，寧願抽多點時間同囝囝課外活動。
湊仔公園放電
湊仔公園放電
就算忙住搵食，私底下，張達倫依然做足老豆本份。自稱並不屬於催谷型老竇的他，平日都主張讓囝囝多點戶外活動，輕鬆一下。對於囝囝近日經常要用zoom 上堂，他直言覺得嘥時間，更表示用得太多電腦，會傷小朋友眼睛。所以疫情期間，《壹仔》都見到他做湊仔公，帶囝囝碩碩去公園放電，同行更有數名親戚。老婆不在身邊，張達倫全程唔敢鬆懈，「直昇機」一樣，跟到囝囝實一實。三歲的碩碩，玩完滑板車、又去踩單車，精力無限。
- 繼女年滿18 歲，上年已經去了澳洲升學，張達倫更表示有計劃移民。
繼女視如己出
繼女視如己出
張達倫除了是稱職爸爸，連對老婆同前夫所生的繼女，一樣視如己出。曾經講過繼女是老婆生命一部分，如果唔接納，根本就冇資格話愛對方，更俾老婆笑他肉麻。繼女年滿18 歲，上年已經去了澳洲升學，雖然當地有親戚照顧，但張達倫同老婆都專程飛過去，等阿女安頓好先返香港。
計劃澳洲置業
計劃澳洲置業
為了一對仔女將來，張達倫亦有計劃移民澳洲，不過，現階段只是初步planning。他表示因為囝囝年紀比較細，而張達倫亦要留在香港搵食，老婆唔想兩父子要長期分隔兩地。加上囝囝性格比較好動，兩公婆早前亦在香港幫他報讀了一間傳統學校，希望可以取個平衡。雖然移民計劃未個人能即時實行，不過，他透露上年已經參觀過澳洲房地產，更心郁郁在當地置業。為了仔女，做父母的，諗得長遠都係好事！
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所 」
