• 吾港戲|幾時都一樣 人最重要(尹學仁)

  • 發布日期:2021-01-08 15:30
    最後更新日期
    :2021-01-08 15:43
  • 吾港戲|幾時都一樣 人最重要(尹學仁)

 


踏入新一年,戲院持續關閉,網上煲劇提早成為睇戲主流方式,荷里活則為 2020 年未上新戲應否索性擺上網播就算,展開激烈爭論。本欄其實主要寫香港影評,編輯話間中寫美劇都可以接受,我今次嘗試將兩件事結合。

2020 年尾,Netflix 美劇之中,最多人談論,先有《Emily in Paris》,再有《The Queen's Gambit》。老老實實,前者水平不敢恭維,劇本之差,層次之低,充份反映美國人傭俗一面,橋段極之 predictable,角色呼之則來揮之則去,其中一個明顯例子,女主角本來日日只見樓下男主角一個人住,不過金髮女配角一出現之後,男主角每次出現,都會有金髮女配角一份。我唯一欣賞女主角上司法國婆服裝設計,套套又靚又簡單又歐洲風又日常生活。

美劇之中,最多人談論之一《Emily in Paris》
美劇之中,最多人談論之一《Emily in Paris》
女主角上司法國婆服裝設計,套套又靚又簡單又歐洲風又日常生活。
女主角上司法國婆服裝設計,套套又靚又簡單又歐洲風又日常生活。


至於後者,完全相反,水平極高,其中又以最後一集最精彩,女主角表情之豐富,服裝之靚,劇本完美 round up 所有支線人物,當面對世界棋王提出和局之後,理應進入全劇高潮,而套劇個背景,講捉國際象棋,偏偏緊接三步棋,導演連棋盤亦懶得拍,只有落棋聲而畫面只影人:點解?正正重點所在,人先最重要。

所謂人,不單只主角,亦包括配角,群眾甚至敵人,到最後一場,國際象棋為俄羅斯國民運動,公園都有市民捉棋,成行成市。女主角作為美國新任女棋王身在敵國(60 年代,冷戰高峰期),選擇落入凡間,同平民切磋,我睇第二次都感動都喊。掙扎、努力、才華,可以超越國界民族;當你專注一門事業,推到極致,就正正達到《一代宗師》(利申:我並非王家衛粉絲)所講:見自己(有幾強大又有幾脆弱) 、見天地(天外有天而低處又未算低)、見眾生(明白又感動全球人類)。

其實所有電影電視劇本,都不外乎講主角個人掙扎,然後又點樣努力克服,變成一個更好自己,而橋段亦不外乎圍繞: 1. 學業/事業;2. 愛情/親情/友情,兩至三條線自選隨意組合,無論故事用任何背景同主題,情節高低起伏其實都萬變不離其宗。

不過只要你曾經同香港電影上上一代交過手,你就知道港產片點解來來去去,都不外乎賭片鬼片黑幫片以及屎尿屁笑片,因為港產片上上一代偏偏相反,會執著於背景主題,「捉棋?咁悶咁靜態點拍呀?」「有足球籃球排球你唔寫,你寫保齡球?球球千篇一律!」(不過日劇以前有套《黃金保齡》有金城武做主角)不過更加重要,當《The Queen's Gambit》大受歡迎之後,上上一代就會即刻提出跟風照抄,然後打開份 budget,標明自己攞 100 萬監製費。

當然,香港影視創作行頭,問題又點止一個呢?如果題材屬於宏觀,另一大問題就同微觀有關。睇《The Queen's Gambit》之所以好睇,其中一個要點,來自所有角色,不單止主角配角,就算一個特約老臨群眾演員,即使只得一場一鏡,個個都揀得好,個個都演得好,個個都好入戲。香港呢?睇周星馳《喜劇之王》,已經深入探討過,點先算做一個死茄喱啡?點先可以攞霞姨飯盒?
另一套有《The Queen\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\'s Gambit》。
另一套有《The Queen\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\'s Gambit》。
女主角表情豐富,劇本完美 round up 所有支線人物。
女主角表情豐富,劇本完美 round up 所有支線人物。
女主角作為美國新任女棋王身在敵國,選擇落入凡間同平民切磋。
女主角作為美國新任女棋王身在敵國,選擇落入凡間同平民切磋。


香港甚至大陸影視製作,老臨就等於「流」以及「假」,就等同「廢」,點解荷里活又完全相反呢?其實點止荷里活,有睇過兩年前一部荷里活片《Crazy Rich Asians》?部戲其實全部新加坡拍,大量群戲,又世紀婚禮又上流 parties,新加坡老臨都好專業好入戲,點解?錢,當然一大問題。不過更重要,態度。

如果我尹某今日投資電影,明明 1000 萬已經夠錢拍,我想大家拍得舒服鬆動,想有更高質素,決定投資多 300 萬,而我又蠢到迷信名牌,搵上上一代做主創,你覺得我投資多 300 萬,會落入邊個個袋?會撥多 50 至 100 萬請高質老臨?同新加坡荷里活睇齊?

發夢啦,香港上上一代電影人會同你講:「觀眾俾 100 蚊入場睇咩呀?係睇我呀,係睇明星呀!睇老臨咩?」結果明明 1000 萬夠拍,投多 300 萬,只會全部變成監製費、導演費以及男女主角片酬,甚至叫多十個老友到場圍威喂客串,人人收封超級大利是,收工過萬一餐飯入公數,不過用一萬月薪請多個新人?不了。

香港有可能拍到《The Queen's Gambit》?等班上上一代入土為安先啦。好多上上一代,到今日仲有權話事,究竟開邊部戲,陰功。



作者簡介

行內人會視為行外人,行外人又會視為行內人。做過電影主創,又做過電影媒體,仲做埋電影教育。未天真到相信電影永恆,亦未灰心到認為香港電影玩完。不過一句到尾,身為電影觀眾,曾經叫做電影學生同畢業生,與其要做電影人,倒不如先透過電影學做人,首先要做個好人。
兩年前一部荷里活片《Crazy Rich Asians》
兩年前一部荷里活片《Crazy Rich Asians》
新加坡拍攝,大量群戲,又世紀婚禮又上流 parties全部新加坡拍,大量群戲,又世紀婚禮又上流 parties全部新加坡拍,大量群戲,又世紀婚禮又上流 parties。
新加坡拍攝,大量群戲,又世紀婚禮又上流 parties全部新加坡拍,大量群戲,又世紀婚禮又上流 parties全部新加坡拍,大量群戲,又世紀婚禮又上流 parties。
----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所