• 《造星》兄弟幫 NY16歲工作養家 胡鴻鈞搵撞樣阿John教跳舞認契細佬

  • 發布日期:2021-01-07 14:00

 

《全民造星III》已經圓滿結束,當中今年只得20歲的NY鐘諾言與貌似胡鴻鈞的阿John林躍翰,雖未能勝出,但因這個節目,令更多人留意他們。其實二人識於微時,更曾經一起到韓國當練習生,互相陪伴成長的「兄弟」,他們在《造星》成為對手互鬥,沒有影響六年友情,反而有段同居日子,相處好同住難下,經常炒大鑊,對他們來說同居才是一場友情考驗。



《全民造星》連續三季也成為網上熱話,節目更捧紅不少參賽者。最強代表作有第一季的冠軍人馬姜濤,出道兩年已經打破紀錄,成為2020年度「叱咤樂壇我最喜愛的男歌手」大獎最年輕得主。曾經參加過第一季《全民造星》的NY和阿John,當年快速淘汰出局,經過兩年積極裝備,兩兄弟今年再戰《造星III》舞台,最後分別憑實力打入20強和10強。當中NY跳唱《摩天動物園》,連評判和導師也對他看高一線,雖然賽果已經塵埃落定,不過這對兄弟依然令人留下深刻印象,粉絲數目更因此大增。

至於他們之間的淵緣,是由14歲開始。John說:「我哋嘅相識,要講返五年前,大家都仲係14歲左右,因為公司最初以舞團方向發展,我喺14年加入舞團,而NY就15年加入,所以我哋係15年相識至今。當時佢年紀最細一個,其他都係大哥哥,所以我哋會特別投契。加上我哋都比較慢熱,一開始都唔係好講嘢。」在旁的NY:「我有啲驚,因為嗰陣大家年紀都比我大,我縮埋咗一個月左右,後來先慢慢夠膽同人傾偈。」



之後NY和John更有機會一起前往韓國訓練,還安排住在同一個宿舍,由兄弟變成同屋主,所有習性脾性現形,相處不來多拗撬。

John:「因為當時只得我哋兩個男生係香港人,所以我哋每一日都會黐埋一齊。」NY:「一齊去韓國嘅時候,我哋已經認識咗三年,之前大家閒時約出嚟練習跳舞,食飯行街,相處上唔會有咩問題,但去到韓國嘅時候,每一日大家都對住大家,生活上習慣唔係咁配合,就會出現好多拗撬。」



在韓國時,兄弟情常陷冷戰。NY說:「我哋性格都係嗌完交唔會出聲,然後各自返房。我哋都有啲相似地方,就係唔會做開聲(畀下台階)嗰個,如果真係要有人開聲,可能都要相隔一、兩星期。」John亦同意,大家常為面子,不肯做讓步一方,故往往要等兩個星期下了啖氣,僵局才可打破。「我哋會自己收埋自己一邊冷靜一下,然後先會再同對方講嘢。」



曾經被視為大熱的NY,單親家庭長大緣故,性格比同齡早熟。彭秀慧導師更讚賞NY生性,自小已經工作養家,16、7歲已經做過茶餐廳、便利店、運輸和速遞工作。年紀輕輕願意擔起家庭擔子,故NY要追夢時,家人如何不想,也沒極力阻止。

NY:「屋企人最初都唔係好支持,因為本身係單親家庭,媽咪唔想我離開香港,後來我向佢解釋,話自己真係好想做,錯過怕自己會後悔,而佢都唔想第時個仔會埋怨會嬲佢,雖然我冇呢個心態,但佢最後都係支持我去韓國。」



完成比賽後,落敗的NY被不少客戶看中有工作有收入;另一邊廂,一直被指貌似胡鴻鈞的John,會有甚麼睇法?John:「第一季已經有人咁樣講,我又唔係好介意,我當然希望其他人記得我,唔係因為我似邊個藝人,而係我嘅性格、實力,或者其他方面記得我。」

其實連胡鴻鈞也有留意這位「孖生兄弟」,還主動邀請阿John一起合作跳舞,大玩綽頭。作為前輩的胡鴻鈞,事後更向網民推介說:「佢唔係胡鴻鈞翻版,佢叫林躍翰。」幫他宣傳,還指自己才是翻版林躍翰,成功引來熱烈討論。

攝影:Nicky Jai

攝錄:曾煒

今年只得20歲的NY鐘諾言與貌似胡鴻鈞的阿John 14歲已經相識。
曾經參加過第一季《全民造星》的NY和阿John,當日雖然慘遭淘汰出局,但經過兩年積極裝備後,再戰《全民造星》舞台,最後分別憑實力打入20強和10強。
+5 一直被指貌似胡鴻鈞的John,今年再挑戰自己,表現得到導師稱讚。
今年只得20歲的NY鐘諾言與貌似胡鴻鈞的阿John 14歲已經相識。
曾經參加過第一季《全民造星》的NY和阿John,當日雖然慘遭淘汰出局,但經過兩年積極裝備後,再戰《全民造星》舞台,最後分別憑實力打入20強和10強。
一直被指貌似胡鴻鈞的John,今年再挑戰自己,表現得到導師稱讚。
單親家庭長大的Ny,自小已經工作養家,近年不想自己後悔,才開始追夢。
John 希望自己能夠憑着性格、實力,或者其他方面令觀眾記得。
被視為大熱的NY,比賽後得到不少客戶賞識。
連胡鴻鈞也有留意John跟自己似樣,跟主動邀請阿John一起合作跳舞,十足孿生兄弟。

----------------------------

《香港百年超級豪宅揭秘》經已出版 各大報攤及便利店有售

可按此網上訂購

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所